Heydər Əliyevin Azərbaycan tarixindəki yeri misilsizdir

Bakı:

24 °C

52 %

4 m/s

Əlaqə

AZ RU EN

Ana səhifə / Xəbər lenti / Heydər Əliyevin Azərbaycan tarixindəki yeri misilsizdir

Heydər Əliyevin Azərbaycan tarixindəki yeri misilsizdir

12.12.2023 [12:39]

“Artıq 20 ildir ki, xalqımız 12 dekabr tarixini Ulu Öndər Heydər Əliyevin anım günü kimi böyük ehtiramla qeyd edir. Bu gün bütün dünya azərbaycanlıları Ümummilli Liderimizin əziz xatirəsini yad edir, hörmət və ehtiramını bildirir. Ümummilli liderliklə dünya miqyaslı siyasətçi keyfiyyətlərinin bir insanda birləşməsinə bəşər tarixində nadir hallarda rast gəlinir. Məhz xalqımızın fədakar oğlu Heydər Əliyev bu ali keyfiyyəti özündə birləşdirməklə yanaşı liderlik bacarığını da ən yüksək səviyyədə təsdiq edib. Tarixə öz adını əbədi həkk etmiş nadir şəxsiyyətin, qüdrətli siyasi xadimin həyat və fəaliyyəti hər bir Azərbaycan vətəndaşının qürur mənbəyidir. Bu dahi şəxsiyyət öz qətiyyəti ilə bütün xalqı arxasınca aparıb, ən taleyüklü məqamlarda qalib rolu oynayıb”. Bu fikirləri yeniazerbaycan.com-a Milli Məclisin deputatı Müşfiq Cəfərov deyib.

Deputat bildirib ki, Heydər Əliyevin həyat yolu yüksək insani-əxlaqi keyfiyyətləri özündə təcəssüm etdirən nümunəvi məktəbdir. Onun ölkəmizə rəhbərlik etdiyi illər tariximizə intibah, milli tərəqqi, milli oyanış, nəhayət, müstəqil dövlət quruculuğu dövrü kimi daxil olub. Göstərdiyi yüksək diqqət və qayğı ilə, imzaladığı fərman və sərəncamlarla, keçirdiyi çoxsaylı görüşlərlə, söylədiyi dərin məzmunlu nitqlərlə uzaqgörən sərkərdə müstəqil dövlətimizin inkişaf strategiyasını zərgər dəqiqliyi ilə müəyyənləşdirib. Bu siyasəti uğurla davam etdirən Azərbaycan Respublikasının Prezidenti İlham Əliyevin Vətən müharibəsindəki möhtəşəm qələbə ilə Ulu Öndərin layiqli davamçısı olduğunu bir daha təsdiqlədi. Döyüşlərin getdiyi 44 gün ərzində cənab İlham Əliyev hərb meydanında müzəffər sərkərdə, diplomatik cəbhədə böyük strateq nümunəsi sərgilədi, informasiya müharibəsində Azərbaycanın haqq səsini məharətlə bütün dünyaya yaydı, bütün təzyiqlərə cəsarətlə sinə gərdi, öz xalqı ilə vəhdətdə olan lider kimi mübarizlik, müdriklik rəmzinə çevrildi. Azərbaycanın bugünkü qələbəsinin banisi Ulu Öndər Heydər Əliyev, reallaşdıranı isə onun yetişdirdiyi vətəninə, xalqına bağlı olan Prezident İlham Əliyev oldu.

“Millətin məhəbbətini qazanmış Ümummilli Lider Heydər Əliyevin Azərbaycan tarixindəki yeri misilsizdir. Ona görə də O, Azərbaycan xalqının yaddaşında qurucu və xilaskar dövlət xadimi, Ümummilli Lider və xalq məhəbbətini qazanan öndər kimi qalacaqdır. Heydər Əliyevin əziz xatirəsi qədirbilən xalqımızın yaddaşında özünə əbədi məskən salıb. Xalqımızın böyük oğlu Heydər Əliyevin vəfatından illər ötsə də, onun əziz xatirəsi həmişə Azərbaycan xalqının qəlbində yaşayacaq və hər yerdə xalqımız tərəfindən hörmətlə yad ediləcək”,-deyə M.Cəfərov qeyd edib.

N.Bayramlı

Paylaş:

Baxılıb: 605 dəfə