Füzuliyə möhtəşəm qayıdış!

Bakı:

23 °C

53 %

7 m/s

Əlaqə

AZ RU EN

Ana səhifə / Xəbər lenti / Füzuliyə möhtəşəm qayıdış!

Füzuliyə möhtəşəm qayıdış!

19.12.2023 [10:30]

Daha 94 nəfər doğma torpağında yaşayacaq...

Y.SAHİB

İkinci Qarabağ müharibəsində qazandığımız şanlı qələbə Azərbaycanın qarşısında postmüharibə dövrünün reallıqlarına uyğun yeni çağırışlar formalaşdırıb. Hazırda işğaldan azad edilmiş ərazilərin bərpasının həyata keçirilməsi və “Böyük Qayıdış”ın təmin edilməsi üçün mühüm işlər davam edir. Dövlətimiz işğaldan azad olunmuş torpaqlarda həyatın yenidən canlanması, oraya qayıdacaq vətəndaşların rifahının yüksəldilməsi və işlə təmini istiqamətində mühüm tədbirlər görür. Həmin bölgələrə qayıdacaq soydaşlarımızın yüksək səviyyəli, rahat və təminatlı həyat şəraiti üçün bütün infrastrukturlar yaradılır.

Artıq 380 ailə-1392 nəfər keçmiş məcburi köçkün Füzuli şəhərində müasir texnologiyalar əsasında inşa olunmuş mənzillərdə yaşayır. Dünən Füzuli şəhərinə daha 22 ailə - 94 nəfər köçürülüb. Bununla da 1392 nəfərin Füzulidə daimi məskunlaşması təmin edilib.

Doğma diyarıma qayıtdığım üçün çox sevinirəm

Füzuli sakini Ağa Ağayevin sözlərinə görə, torpaqlarımız işğaldan azad olunduqdan sonra hər gün Füzuliyə qayıtmağı səbirsizliklə gözləyib: “Doğma diyarım Füzuliyə qayıtdığım üçün çox sevinirəm. Allah Prezidentimizi var eləsin, şəhidlərimizə rəhmət eləsin, qazilərimizə can-sağlığı versin. Bu günü bizə yaşadanlar məhz onlardır”.

Sevincimə görə gecəni yatmamışam...

Füzuli sakini Məlahət İbrahimova bildirib ki, Füzuliyə qayıtdığı üçün sevincinin həddi hüdudu yoxdur: Füzuliyə qayıdış sevincimə görə gecəni yatmamışam. Bizim doğma diyara qayıdışımızın səbəbkarları canı-qanı bahasına torpaqlarımızı azad edən şəhidlərimiz və qazilərimizdir. Allah şəhidlərimizin rəhmət eləsin, qazilərimizə can-sanğlığı versin. Ali Baş Komandanımıza bu günləri bizə yaşatdığı üçün təşəkkür edirik”.

Doğma yurdumun hər yerini görmək istəyirəm

Doğma diyarım Füzulinin hər yerini görmək istəyirəm.

Keçmiş məcburi köçkün, Füzuli sakini Süleyman Cənnətəliyevin sözlərinə görə, torpaq həsrəti ilə qaçqınlıq həyatı yaşamaq çox çətindir: “56 yaşımda doğma Füzuliyə qayıdıram. Yaxınlarımın məzarlarını tapıb ziyarət etmək istəyirəm. Allah Prezidentimizi qorusun. Onun rəhbərliyi ilə Müzəffər Ordumuz torpaqlarımızı işğaldan azad etdi. Allah şəhidlərimizə rəhmət eləsin, qazilərimizə can-sağlığı versin”.

Füzulini 12 yaşımda tərk etmişdim...

Füzuli sakini Mətanəy Zeynalova qeyd edib ki, Füzulini 12 yaşında tərk etmək məcburiyyətində qalıb: “Ümummilli lider “Heydər Əliyev İli”ndə öz doğma diyarıma köçməyim mənim üçün özəl tarixdir. Bu gün biz tarixi bir günü yaşayırıq. Bu tarixi bizə yaşadanlar şəhidlər və qazilərdir. Şəhidlərimizin ruhu qarşısında baş əyirəm, qazilərimizə təşəkkür edirəm. Ən əsası Ali Baş Komandanımıza təşəkkür edirəm ki, bu tarixi günü bizə yaşatdı”.

Paylaş:

Baxılıb: 505 dəfə