Azad olunmuş ərazilərdə seçki prosesi yüksək fəallıqla davam edir

Bakı:

24 °C

68 %

7 m/s

Əlaqə

AZ RU EN

Ana səhifə / Xəbər lenti / Azad olunmuş ərazilərdə seçki prosesi yüksək fəallıqla davam edir

Azad olunmuş ərazilərdə seçki prosesi yüksək fəallıqla davam edir

07.02.2024 [17:08]

İşğaldan azad olunmuş ərazilərdə prezident seçkiləri seçicilərin yüksək fəallığı ilə davam edir.Səsvermə prosesi Ağdam rayonunun işğaldan azad edilmiş ərazilərində 118 saylı seçki dairəsinin üç məntəqəsində keçirilir. 57 saylı məntəqə Ağdam şəhəri Konfrans Mərkəzində, 58 saylı məntəqə “Azərenerji” ASC-nin binasında, 59 saylı məntəqə Kəngərli kəndində təşkil edilib. 57 saylı seçki məntəqəsinin sədri Arzu Rəhimova bildirib ki, məntəqə üzrə 1414 seçici qeydiyyata alınıb: “Seçki məntəqəsində seçkilərin şəffaf və demokratik keçirilməsi üçün hər cür şərait yaradılıb”.

Məntəqəyə gələn seçicilərin hər biri səsvermədə böyük ruh yüksəkliyi ilə iştirak etdiyini bildirib. Ağdamda yol tikintisində çalışan Həbib Ağasiyev deyib: “Bu gün iş yoldaşlarımızla birlikdə böyük ruh yüksəkliyi ilə gəlib səsvermədə iştirak etdik. Azad ərazilərdə işləmək, həm də səs vermək olduqca qürurvericidir”.

125 saylı Zəngilan-Qubadlı seçki dairəsi üzrə işğaldan azad olunan ərazilərdəki məntəqələrdə də günorta saatları olmasına baxmayaraq fəallıq müşahidə edilir. Zəngilan rayonunun Alıbəyli kəndi ərazisində yerləşən 61 saylı seçki məntəqəsinin sədri Gülnaz Mahmudova bildirib ki, məntəqə üzrə ümumilikdə 615 seçici qeydə alınıb və seçicilər Zəngilan rayonu ərazisində çalışan işçilərdir. Məntəqədə seçkinin gedişatını izləyən 11 müşahidəçi var.

61 saylı seçki məntəqəsində səs verənlərdən biri də Hacıqabul rayon sakini Heybət Rzazadədir. O, ilk dəfə səsvermə hüququndan işğaldan azad olunan ərazilərdə istifadə etdiyi üçün özünü qürurlu sayır. “Hər bir azərbaycanlı kimi mən də səsvermədə iştirak edirəm. Mənim üçün bu gün çox əlamətdardır. Çünki işimlə əlaqədar olaraq Zəngilandayam və ilk səsvermə hüququmdan da məhz işğaldan azad olunan ərazilərdə istifadə etdim. Bizlərə belə tarixi anları yaşadan şəhidlərimizə rəhmət diləyir, qazilərimizə şəfa arzulayıram”, - deyə o bildirib.

İşğaldan azad olunan Talış kəndinin ən yaşlı sakinləri prezident seçkilərində səs veriblər. Talış kənd sakinləri 91 yaşlı Ömərov Paşa Ömər oğlu və həyat yoldaşı, 86 yaşlı Ömərova Ulduzxan Məhəmməd qızının evinə daşınan seçki qutusu aparılıb.

Səhhətləri ilə əlaqədar məntəqəyə gələ bilmədiklərinə görə 97 saylı Tərtər-Naftalan- Goranboy seçki dairəsinin 58 saylı seçki məntəqəsinin əməkdaşları tərəfindən yaşlı seçicilər üçün şərait yaradılıb. Hər iki şəxs konstitusion hüquqlarından istifadə edərək, layiq bildikləri namizədə səs veriblər.

Bundan əlavə, 124 saylı Şuşa-Ağdam-Xocalı-Xocavənd seçki dairəsi üzrə 105 saylı məntəqə Şuşa şəhərində, 106 saylı məntəqə Xocalı rayonu Təzəbinə kəndində, 107 saylı məntəqə Xocalı rayonu, Əsgəran qəsəbəsində, 108 saylı məntəqə Xocavənd rayonu Hadrut qəsəbəsində yaradılıb.

Qeyd edək ki, budəfəki seçkilər ilk dəfə Azərbaycanın beynəlxalq səviyyədə tanınan bütün ərazilərində keçirilir.

Paylaş:

Baxılıb: 499 dəfə