Əli Kərimlinin ermənipərəst “sanksiya tələbi”...

Bakı:

26 °C

50 %

10 m/s

Əlaqə

AZ RU EN

Ana səhifə / Xəbər lenti / Əli Kərimlinin ermənipərəst “sanksiya tələbi”...

Əli Kərimlinin ermənipərəst “sanksiya tələbi”...

24.02.2024 [10:34]

Həmkarı “filankəs o - qızı” kimi AXCP sədri də Azərbaycanın uğurlarından narahatdır

Azərbaycanın Münxen Təhlükəsizlik Konfransında ən yüksək və mötəbər səviyyədə qarşılanması bir həqiqəti yenidən üzə çıxardı. Dünyanın bir sıra aparıcı dövlətlərinin rəhbərlərinin, rəsmi şəxslərinin, eləcə də qlobal iqtisadi-ticari aktorların təmsilçilərinin Prezident İlham Əliyevlə görüşmək üçün müraciətlər etməsi beynəlxalq aləmin ölkəmizə marağının artmasından xbər verir. Bu isə paralel olaraq ermənipərəst mərkəzlərin və onların əlaltılarının uğursuz “təbliğatını” növbəti dəfə iflasa uğratdı. Dünənə qədər Azərbaycanın guya Qərbdə qəbul edilmədiyini, hətta münasibətlərin “ən kəskin kontekstə” keçdyini iddia edənlər bu gün yenə başlarını aşağı salmağa məcbur olurlar. Çünki Azərbaycanın yaratdığı yeni reallıqlar onları da sükuta qərq edir.

Bununla belə, həmin ermənipərəst azlıq yenə də öz mahiyyətini “ortaya qoyur”. Məsələn, “filankəs o-qızı”nın həmkarı, maddi ortağı AXCP sədri Əli Kərimli Azərbaycana qarşı sanksiyaların “işə salınmasını” istəyir. Kərimlinin bu ermənidən betər arzusu ölkəmizin yeni mərhələdə daha güclü, milli maraqlara daha da kilitlənmiş halda daxil olmasından yaranan narahatlığa əsaslanır. Kərimli və onun erməni himayədarları dərk edirlər ki, Azərbaycanın günü-gündən güclənməsi, Cənubi Qafqazda yaratdığı yeni siyasi reallıqlar, Türk dünyasının inteqrasiyasına verilən töhfə və böyük bir coğrafiyada yeni münasibətlər sisteminin aktuallaşması ermənipərəst mərkəzlərin regiondakı maraqlarının sonunu gətirir. Başda Fransa olmaqla Kərimli və dəstəsini maliyyələşdirənlər prosesin inkişafını görür: Azərbaycan yeni mərhələdə Türk amilinin önə çıxması üçün bütün səyini səfərbər edir. Bu isə Kərimlinin maddi çətiri olan dairələrin ermənipərəst mənafeyinə ziddir. Bu səbəblə də Kərimliyə verilən göstərişlər Azərbaycana qarşı sanksiyalar tələb edilməsi, rəsmi Bakının beynəlxalq imicinə qarşı şör-böhtan kampaniyaları aparılması istiqamətindədir.

Amma Kərimlinin bu kimi ermənipərəst cəhdi də özündən əvvəlkilərin taleyini yaşamağa məhkumdur - necə ki, Vətən müharibəsində əldə etdiyimiz qələbəni “yarımçıq” adlandırdığı, antiterror tədbirləri ilə barışmadığı, Azərbaycanın qlobal enerji təhlükəsizliyindəki rolunu kiçiltməyə çalışdığı zamanlarda hansı durumla üzləşmişdisə, bu dəfə də eyni taleyi yaşayacaq. O da həmkarı “filankəs o-qızı” kimi əsl mahiyyətini, əsl kimliyini növbəti dəfə cəmiyyətə göstərmiş oldu. Ermənipərəst kimliyini...

Mənsur

Paylaş:

Baxılıb: 594 dəfə