Şəmkir rayonunda “Nurlu ömrün elm və insanlığa həsr olunmuş salnaməsi” adlı tədbir keçirilib

Bakı:

22 °C

73 %

5 m/s

Əlaqə

AZ RU EN

Ana səhifə / Arxiv / Şəmkir rayonunda “Nurlu ömrün elm və insanlığa həsr olunmuş salnaməsi” adlı tədbir keçirilib

Şəmkir rayonunda “Nurlu ömrün elm və insanlığa həsr olunmuş salnaməsi” adlı tədbir keçirilib

15.04.2026 [18:24]

15.04.2026-cı il tarixində YAP Şəmkir rayon təşkilatı Akademik Zərifə xanım Əliyevanın Anım günü nünasibəti ilə “Nurlu ömrün elm və insanlığa həsr olunmuş salnaməsi” adlı tədbir keçirildi.

Tədbirdə İlk öncə Ulu Öndər Heydər Əliyevin, Şəhidlərin əziz xatirəsi 1 dəqiqəlik sükutla yad edilir.

Sonra YAP Şəmkir rayon təşkilatının sədri Fəxrəddin Vəliyev tədbiri açıq elan edərək bildirdi ki, Zərifə xanım Əliyeva Azərbaycan tibb elminin inkişafında mühüm rol oynamış görkəmli alim və pedaqoqlardan biri kimi xüsusilə Azərbaycan Dövlət Həkimləri Təkmilləşdirmə İnstitutundakı fəaliyyəti ilə seçilmişdir. Onun bu institutdakı işi həm elmi, həm də praktiki səhiyyə sahəsində böyük əhəmiyyət kəsb etmişdir. Zərifə xanım uzun illər bu nüfuzlu təhsil ocağında çalışaraq həkim kadrlarının hazırlanmasına və onların peşəkar səviyyəsinin yüksəldilməsinə mühüm töhfələr vermişdir. O, oftalmologiya sahəsində ixtisaslaşmış həkimlərin təkmilləşdirilməsi istiqamətində müasir metodların tətbiqinə xüsusi diqqət yetirirdi. Onun təşəbbüsü ilə tədris prosesinə yeni yanaşmalar gətirilmiş, nəzəri biliklərlə yanaşı, praktik bacarıqların artırılması əsas prioritetə çevrilmişdir. Bu yanaşma sayəsində institutda təhsil alan həkimlər yalnız bilik baxımından deyil, həm də praktik fəaliyyət baxımından daha hazırlıqlı mütəxəssislər kimi formalaşırdılar.

F.Vəliyev qeyd etdi ki, Zərifə Əliyevanın institutdakı fəaliyyətinin əsas istiqamətlərindən biri də elmi tədqiqatların genişləndirilməsi olmuşdur. O, göz xəstəliklərinin, xüsusilə də peşə ilə bağlı yaranan görmə problemlərinin araşdırılması sahəsində dərin tədqiqatlar aparmışdır. Kimya sənayesində çalışan insanların görmə orqanlarında baş verən dəyişiklikləri öyrənərək bu sahədə mühüm elmi nəticələr əldə etmişdir. Bu tədqiqatlar yalnız Azərbaycan üçün deyil, beynəlxalq səviyyədə də diqqət çəkmiş, onun elmi nüfuzunu daha da artırmışdır. O, oftalmologiya sahəsində əldə etdiyi nəticələri müxtəlif elmi konfranslarda təqdim edir, beynəlxalq elmi ictimaiyyətlə sıx əlaqələr qururdu.

Onun rəhbərliyi altında institutda bir çox gənc alimlər yetişmiş, aspirantlar və doktorantlar elmi fəaliyyətə cəlb olunmuşdur. Zərifə xanım tələbələrinə və həmkarlarına qarşı tələbkar, eyni zamanda qayğıkeş münasibəti ilə seçilirdi. O, yalnız bilik ötürən müəllim deyil, həm də məsuliyyət hissini aşılayan peşəkar həkim idi. Onun yetişdirdiyi mütəxəssislər sonradan Azərbaycanın müxtəlif bölgələrində və xaricdə uğurla fəaliyyət göstərərək onun məktəbinin davamçılarına çevrilmişlər.

Sonra tədbirdə partiya fəallarından Famil Həmidov və digərləri akademik Zərifə Əliyevanın oftalmologiya sahəsində qazandığı nailiyyətlərdən, onun elmi məktəbinin bu gün də uğurla davam etdirildiyini qeyd etdilər. Bildirdilər ki, akademikin elmi irsi müasir səhiyyə sistemində mühüm əhəmiyyət kəsb edir və gələcək nəsillər üçün dəyərli mənbədir.

Paylaş:

Baxılıb: 278 dəfə