Ölkəmizin idmanı gələcəkdə də daha böyük zirvələr fəth etmək potensialına malikdir

Bakı:

17 °C

94 %

9 m/s

Əlaqə

AZ RU EN

Ana səhifə / Arxiv / Ölkəmizin idmanı gələcəkdə də daha böyük zirvələr fəth etmək potensialına malikdir

Ölkəmizin idmanı gələcəkdə də daha böyük zirvələr fəth etmək potensialına malikdir

01.05.2026 [14:46]

Məlumdur ki, son illərdə ölkəmizdə idmanın inkişafı dövlət siyasətinin prioritet istiqamətlərindən biri kimi müəyyən edilib. Cənab Prezident İlham Əliyevin rəhbərliyi ilə formalaşdırılan idman strategiyası nəticəsində ölkəmiz regionun idman mərkəzlərindən birinə çevrilib, Azərbaycan bayrağı beynəlxalq yarışlarda dəfələrlə yüksəklərə qaldırılıb. Müasir idman infrastrukturu, peşəkar məşqçi heyəti və dövlət dəstəyi bu uğurların əsasını təşkil edir. Yeri gəlmişkən, Avropa çempionatında güləşçilərimizin komanda hesabında çempion olması təsadüfi nəticə deyil. Bu, illərdir aparılan düzgün siyasətin və zəhmətin məntiqi nəticəsidir. Xüsusilə qeyd etmək lazımdır ki, Prezident İlham Əliyevin idmançılarla görüşləri müntəzəm xarakter daşıyır. Bu kontekstdə Avropa çempionatında komanda hesabında çempion olan güləşçilərimizin Prezident İlham Əliyev tərəfindən qəbul edilməsi də həmin ardıcıl siyasətin və formalaşmış ənənənin tərkib hissəsidir. Möhtərəm Prezidentin görüş zamanı idmançıların qazandığı qələbəyə yüksək qiymət verməsi, onların əməyinə göstərilən diqqət və gələcək uğurlarına dair səsləndirdiyi fikirlər bir daha göstərdi ki, dövlətimizin başçısı idman sahəsində əldə olunan hər bir nailiyyəti şəxsən izləyir və yüksək dəyərləndirir. Onu da qeyd edək ki, görüşün ən önəmli məqamlarından biri də onun motivasiyaedici xarakter daşımasıdır. Cənab Prezident İlham Əliyevin idmançılarla səmimi ünsiyyəti, onların hər birinin əməyini xüsusi qeyd etməsi yalnız qalibləri deyil, bütövlükdə Azərbaycan gəncliyini ruhlandırır. Bu diqqət hər bir idmançıya aydın mesaj verir ki, zəhmət, əzmkarlıq və Vətənə bağlılıq hər zaman dövlətimiz tərəfindən yüksək qiymətləndirilir.

Məlum olduğu kimi, Ölkəmiz bu gün artıq təkcə regionda deyil, beynəlxalq miqyasda da güclü idman ölkəsi kimi tanınır. Son illərdə Azərbaycanda idmanın inkişafı sistemli dövlət siyasətinin mühüm istiqamətlərindən birinə çevrilib, nəticədə ölkəmiz bir sıra nüfuzlu beynəlxalq yarışlara ev sahibliyi edib. Xüsusilə Birinci Avropa Oyunları, İslam Həmrəyliyi Oyunları kimi mötəbər yarışların Bakıda yüksək səviyyədə təşkili Azərbaycanın idman ölkəsi kimi beynəlxalq nüfuzunu daha da gücləndirib. Qeyd etmək lazımdır ki, bu tədbirlər yalnız idman yarışı kimi deyil, eyni zamanda ölkəmizin təşkilatçılıq imkanlarını, müasir infrastrukturunu və beynəlxalq əməkdaşlıq potensialını nümayiş etdirib. Eyni zamanda, müxtəlif Avropa və dünya çempionatlarının ölkəmizdə keçirilməsi Azərbaycanın idman xəritəsində xüsusi yer tutduğunu təsdiqləyir.

Ən əsası, Bakı bu gün beynəlxalq idman tədbirlərinin keçirildiyi etibarlı mərkəzlərdən biri kimi qəbul olunur. Bütün bu uğurların əsasında isə Prezident İlham Əliyevin rəhbərliyi ilə həyata keçirilən məqsədyönlü idman siyasəti dayanır!

Anar Rzayev,

YAP Göygöl rayon təşkilatı üzrə Şəhriyar kənd ərazi partiya təşkilatının fəal üzvü

Paylaş:

Baxılıb: 224 dəfə