Gələcək hədəflər və yeni çağırışlar

Bakı:

29 °C

48 %

7 m/s

Əlaqə

AZ RU EN

Ana səhifə / Arxiv / Gələcək hədəflər və yeni çağırışlar

Gələcək hədəflər və yeni çağırışlar

16.07.2026 [10:43]

Şuşada keçirilən IV Qlobal Media Forumunda Prezident İlham Əliyev Azərbaycanın daxili və xarici siyasətinin mühüm istiqamətlərini, regional təhlükəsizlik və qlobal əməkdaşlıq məsələlərini əks etdirən konseptual çıxış etdi. Dövlət başçısının bəyanatları ölkəmizin beynəlxalq münasibətlər sistemindəki yerini və gələcək hədəflərini aydın şəkildə ortaya qoyur.

Prezident çıxışında Azərbaycana qarşı tətbiq edilən ikili standartlar və tarixi ədalətsizliklərə də geniş yer ayırdı. Azərbaycan yeganə keçmiş sovet respublikası idi ki, ABŞ Konqresinin ayrı-seçkiliyinə məruz qalmışdı. 907-ci düzəliş Konqres tərəfindən nə qədər tez tam ləğv edilərsə, bu, hamı və xüsusilə Azərbaycan üçün bir o qədər yaxşı olar. ABŞ Prezidenti Co Baydenin keçmiş fəaliyyətinə diqqət çəkən dövlət başçısı, onun senator olduğu dövrdə Azərbaycana qarşı sanksiyaların tətbiqi təşəbbüsünün müəlliflərindən biri olduğunu və regiona baxışının da məhz belə formalaşdığını xatırlatdı.

IV Qlobal Media Forumunda Prezident İlham Əliyev diqqətə çatdırdı ki, insan hüquqları ilə bağlı məsələlər ümumbəşəri xarakter daşıyır və siyasi alətə çevrilməməlidir. Xarici çağırışlara gəlincə, müraciətlərin məzmunca fərqli olmasına baxmayaraq, onların ana xəttinin dəyişməz qaldığı və Azərbaycanın yalnız öz gücünə güvənə biləcəyi qeyd edildi.

Prezident İlham Əliyev Forumda bildirdi ki, Azərbaycan qlobal enerji təhlükəsizliyinin təmin olunmasında və yaşıl enerjiyə keçiddə liderliyini davam etdirir. Bu ildən etibarən Azərbaycan Almaniya və Avstriyaya qaz ixracına başlamışdır. Paralel olaraq, ölkədə bərpa olunan enerji mənbələrinin inkişafı diqqət mərkəzindədir və Azərbaycanda Günəş enerjisinin inkişafı üzrə çoxsaylı layihələr uğurla həyata keçirilir.

Dövlət başçısı bəyan etdi ki, Cənubi Qafqazda dayanıqlı sülhün və təhlükəsizliyin təmin edilməsi Azərbaycanın əsas prioritetidir və sülhə nail olunması ən ali məqsəddir. Regionun gələcək simasını dəyişəcək TRIPP layihəsi (Tramp Marşrutu) nəqliyyat bağlılığı xəritəsini tamamilə yeniləyəcək və Cənubi Qafqazda təhlükəsizliyin möhkəmlənməsinə xidmət edəcəkdir. Təhlükəsizlik tədbirlərinin tərkib hissəsi olaraq, Azərbaycan qarşılıqlı fəaliyyətin yeni bir fəslini – müdafiə sahəsində əməkdaşlığı açmışdır.

Ölkənin daxili regional və siyasi vəziyyətini qiymətləndirən Prezident İlham Əliyev daxili sabitliyin yüksək səviyyədə olduğunu bildirdi. Potensial risklərə gəldikdə isə, xoşbəxtlikdən Azərbaycanın daxili riskləri, hətta potensial daxili təhdidləri belə mövcud deyil. Bu, ölkədə həyata keçirilən düzgün daxili siyasətin və xalq-iqtidar birliyinin bariz nümunəsidir.

Əlişah Rəcəbov
YAP Ağdaş rayon təşkilatının sədri

Paylaş:

Baxılıb: 156 dəfə