Ana Dilimiz – Milli Kimliyimizin Əbədi Simvolu

Bakı:

26 °C

50 %

6 m/s

Əlaqə

AZ RU EN

Ana səhifə / Arxiv / Ana Dilimiz – Milli Kimliyimizin Əbədi Simvolu

Ana Dilimiz – Milli Kimliyimizin Əbədi Simvolu

30.07.2026 [12:03]

Azərbaycan xalqının milli kimliyini, tarixini və mənəvi dəyərlərini yaşadan ən böyük sərvətlərdən biri onun ana dilidir. Dil hər bir xalqın varlığını təsdiq edən, onun keçmişini gələcəyi ilə birləşdirən mühüm mənəvi irsdir. Azərbaycan dilinin qorunması, inkişaf etdirilməsi və dövlət dili kimi möhkəmləndirilməsi istiqamətində böyük xidmətləri olan şəxsiyyətlərdən biri də Ulu Öndər Heydər Əliyev olmuşdur.

Ulu Öndər Heydər Əliyev siyasi fəaliyyətinin bütün dövrlərində ana dili məsələsinə xüsusi diqqətlə yanaşmış, Azərbaycan dilinin hüquqlarının qorunması üçün daim qətiyyətli mövqe nümayiş etdirmişdir. O, yaxşı anlayırdı ki, dil məsələsi yalnız ünsiyyət məsələsi deyil, həm də xalqın milli özünüdərk məsələsidir. Buna görə də Azərbaycan dilinin qorunmasını və inkişafını dövlətçilik siyasətinin mühüm istiqamətlərindən biri hesab edirdi.Sovet dövründə milli dillərin inkişafı qarşısında müxtəlif məhdudiyyətlərin olduğu bir şəraitdə ana dili məsələsini gündəmə gətirmək böyük cəsarət tələb edirdi. Belə mürəkkəb bir dövrdə Heydər Əliyev Azərbaycan dilinin mövqeyinin qorunması istiqamətində ardıcıl fəaliyyət göstərmişdir. O, süni maneələrə baxmayaraq, ana dilimizin dövlət səviyyəsində qorunmasının vacibliyini daim diqqətdə saxlamışdır.Ulu Öndər ziyalıların, elm və mədəniyyət nümayəndələrinin ana dilinin inkişafındakı rolunu yüksək qiymətləndirir, onları bu istiqamətdə fəal olmağa çağırırdı. Onun təşəbbüsü ilə Azərbaycan dilinin nüfuzunun artırılması, cəmiyyətdə daha geniş istifadə olunması və milli dəyər kimi qorunması üçün mühüm addımlar atılmışdır.Heydər Əliyev SSRİ Konstitusiyası haqqında danışarkən vətəndaşların təhsil hüququna xüsusi diqqət çəkmiş, bu hüququn ana dilində təhsil almaq imkanı ilə sıx bağlı olduğunu vurğulamışdır. Bu yanaşma xalqın öz dilində təhsil almasının, milli mədəniyyətini və düşüncə tərzini qorumasının nə qədər vacib olduğunu göstərirdi.Ulu Öndərin ana dili sahəsində həyata keçirdiyi siyasət Azərbaycan dilinin gələcək inkişafı üçün möhkəm zəmin yaratdı. Müstəqillik illərində bu istiqamətdə görülən işlər daha da genişləndi, Azərbaycan dili dövlət dili kimi cəmiyyətin bütün sahələrində öz layiqli yerini tutdu. Latın qrafikalı Azərbaycan əlifbasına keçid də milli-mədəni həyatımızda mühüm hadisələrdən biri oldu.

Bu gün Azərbaycan dilinin qorunması və inkişaf etdirilməsi dövlət siyasətinin əsas istiqamətlərindən biri olaraq davam etdirilir. Cənab Prezident İlham Əliyevin rəhbərliyi ilə ana dilimizin təbliği, onun saflığının qorunması və beynəlxalq səviyyədə tanıdılması istiqamətində mühüm tədbirlər həyata keçirilir.

1 Avqust – Azərbaycan əlifbası və Azərbaycan dili Günü bizə ana dilimizin keçdiyi tarixi yolu, onun qorunması uğrunda göstərilən səyləri və hər birimizin üzərinə düşən məsuliyyəti xatırladır. Ana dilimizə sevgi və hörmət göstərmək, onu düzgün şəkildə istifadə etmək və gələcək nəsillərə zəngin miras kimi ötürmək hər bir Azərbaycan vətəndaşının mənəvi borcudur. Çünki dilini qoruyan xalq öz milli kimliyini, tarixini və gələcəyini qoruyur.

Elçin Salahov

YAP Kəlbəcər rayon təşkilatının məsləhətçisi

Paylaş:

Baxılıb: 208 dəfə