Cəbrayıl şəhərinin azad edilməsinin altıncı ildönümüdür

Bakı:

20 °C

83 %

4 m/s

Əlaqə

AZ RU EN

Ana səhifə / Arxiv / Cəbrayıl şəhərinin azad edilməsinin altıncı ildönümüdür

Cəbrayıl şəhərinin azad edilməsinin altıncı ildönümüdür

05.10.2026 [16:15]

1993-cü il avqustun 23-də Ermənistan Silahlı Qüvvələri tərəfindən işğal edilmiş Cəbrayıl rayonu da işğal olunmuş digər ərazilərimiz kimi Ermənistanın vandalizm siyasətinin qurbanı olmuşdur. İşğal nəticəsində Cəbrayıl rayonuna 13,928 milyard ABŞ dolları məbləğində ziyan dəymiş, buradakı evlər, infrastruktur obyektləri ciddi dağıntılara məruz qalmışdır. Təəssüflə bildirmək lazımdır ki, Azərbaycan uzun illər boyu üzləşdiyi işğal, soyqırımı, vandalizm aktları ilə bağlı beynəlxalq təşkilatları, dövlətləri və dünya ictimaiyyətini məlumatlandırsa da Ermənistana bununla bağlı heç bir təzyiq olunmamış və Ermənistan isə öz məkrli əməllərini reallaşdırmaq üçün müxtəlif təxribatlar törətməyə davam etmidir. Bütün dünya anlamalıdır ki, dövlət siyasəti saxtakarlıq üzərində qurulan ermənilərin əməlləri təkcə Azərbaycana deyil, bütün dünya üçün təhdiddir.

Beynəlxalq hüququn aliliyini daim qəbul edən və bunu bütün münaqişələrin həllində ən faydalı və alternativsiz vasitə kimi qəbul edən Azərbaycan isə uzun illər boyu sərgilədiyi mövqenin tam əksi ilə üz-üz qalmışdı. Dövlətimizin və xalqımızın mövqeyini dəfələrlə beynəlxalq tribunalardan bəyan edən dövlət başçısı İlham Əliyevin bildirdiyi kimi, Azərbaycan xalqının səbri tükənməz deyil və bir qarış torpağını belə heç kimə güzəştə getməyəcək. Azərbaycan güclü dövlətdir və onun güclü ordusu var, sülh yolu nəticə verməzsə, Ermənistan məkrli niyyətlərindən əl çəkməzsə, Azərbaycan istənilən yolla öz ərazi bütövlüyünü bərpa edəcək və tarixi torpaqlarını işğaldan azad edəcək.

Ölkəmiz Ermənistan silahlı qüvvələrinin 2020-ci ilin 27 sentyabr tarixində dövlət sərhəddimizdə törətdiyi təxribatlara cavab olaraq əks-hücum əməliyyatına başlamışdır. Beləliklə, milli qürurumuzu özümüzə qaytaran və 44 gün davam edən Vətən müharibəsində bir sıra tarixi torpağımızla yanaşı, Cəbrayıl rayonu da işğaldan azad edilmişdir. Dövlət başçısı, Ali Baş Komandan İlham Əliyevin rəhbərliyi qəhrəman Azərbaycan Ordusu öz qətiyyəti, peşəkarlığı, cəsarəti ilə düşməni dizi üstə çökdürərək, tarixi zəfərə imza atmış, ərazi bütövlüyümüzü təmin etmişdir.

Bu gün torpaqlarımız artıq azaddır. Bu gün işğaldan azad edilmiş ərazilərimiz yenidən qurulur, əvvəlki görkəminə və ruhuna qayıdır. Qaçqın və köçkünlərin ən qısa zamanda öz yurd-yuvasına geri qayıtması üçün təxirsalınmaz dövlət proqramları icra olunur. Bir sözlə, Qarabağımız yenidən inkişaf edəcək, dirçələcək, dünya Azərbaycanın qüdrətinin və qətiyyətinin şahidi olduğu kimi, buradakı abadlıq, quruculuq işləri ilə humanist və ümumbəşəri dəyələrə verdiyi töhfələrin də şahidi olacaq.

2023-cü ilin iyulun 31-də Prezident İlham Əliyevin “Azərbaycan Respublikasının işğaldan azad edilmiş əraziləri üzrə şəhər günlərinin təsis edilməsi haqqında” imzaladığı Sərəncama əsasən hər il 4 oktyabr – Cəbrayıl Şəhəri Günü kimi təntənəli şəkildə qeyd olunur.

Vüsar İsmayılov

Yeni Azərbaycan Partiyası Binəqədi rayon təşkilatının sədri

Paylaş:

Baxılıb: 37 dəfə