"Yeni Azərbaycan"ın "Güclü dövlət naminə" təşviqat kampaniyası

Bakı:

22 °C

94 %

1 m/s

Əlaqə

AZ RU EN

Ana səhifə / Gündəm / "Yeni Azərbaycan"ın "Güclü dövlət naminə" təşviqat kampaniyası - 06 mart

"Yeni Azərbaycan"ın "Güclü dövlət naminə" təşviqat kampaniyası - 06 mart

07.03.2009 [15:41]

Yeni Azərbaycan Partiyasının təşəbbüsü ilə yaradılmış “Yeni Azərbaycan” referendum üzrə təşviqat qrupu ümumxalq səsverməsinin təşviqat kampaniyası çərçivəsində Bakıda və Abşeron rayonunda bir sıra görüşlər keçirib. Azərbaycan Respublikasının Konstitusiyasına təklif olunan əlavə və dəyişikliklərlə bağlı ümumxalq səsverməsinin təşviqat kampaniyasının tərkib hissəsi olaraq, dünən “Yeni Azərbaycan” təşviqat qrupunun səlahiyyətli nümayəndələrinin və vəkillərinin iştirakı ilə keçirilən görüşlərdə geniş maarifləndirici və izahetmə işləri aparılıb.
Referendum aktının əsas mahiyyəti barədə seçicilərə məlumat verilməsi və onlarda islahatların məqsədi və məramı barədə ətraflı təsəvvür yaradılması şəffaflığa təminat verən başlıca amillərdəndir. “Güclü dövlət naminə” devizi altında təşviqat kampaniyası aparan “Yeni Azərbaycan” təşviqat qrupu da məhz bu məqsədlə konstitusiyaya təklif olunan əlavə və dəyişiklərin ümumxalq və dövlətçilik mənafeyinə xidmət etdiyini seçicilərin nəzərinə çatdırır.
Dünən “Yeni Azərbaycan” referendum üzrə təşviqat qrupunun səlahiyyətli nümayəndələrinin və vəkillərinin “Güclü dövlət naminə” devizi altında həyata keçirdikləri təşviqat kampaniyası çərçivəsində Bakının Yasamal, Səbayel, Nərimanov, Nizami rayonlarında, Qaradağ rayonunun Lökbatan qəsəbəsində, Binəqədi rayonunun M.Ə.Rəsulzadə qəsəbəsində, Sabunçu rayounun Zabrat qəsəbəsində, Abşeron rayonunun Fatmayı qəsəbəsində, Əzizbəyov rayonunun Qala qəsəbəsində seçicilərlə görüşlər keçirilib.
“Yeni Azərbaycan” referendum üzrə təşviqat qrupunun səlahiyyətli nümayəndələrindən YAP İdarə Heyətinin üzvlərindən MM-in deputatı Mixail Zabelin və Kərim Kərimov, təşviqat qrupunun vəkillərindən YAP İdarə Heyətinin üzvlərindən, YAP Səbayel rayon təşkilatının sədri Zahid Qaralov və BDU-nun professoru Şahlar Əsgərov “Yeni Azərbaycan” referendum üzrə təşviqat qrupunun Mərkəzi Seçki Komissiyasındakı məşvərətçi səshüquqlu nümayəndəsi, MM-in deputatı Rauf Əliyev, eləcə də təşviqat qrupunun rayon və şəhər qərargahlarının nümayəndələri görüşlərdə iştirak ediblər.
Keçirilmiş bütün görüşlərdə Konstitusiyaya təklif olunan əlavə və dəyişikliklərin hər bir vətəndaşın mənafeyinə və dövlətçiliyimizin daha da gücləndirilməsi məqsədinə xidmət etdiyi diqqətə çatdırılıb. Qeyd olunub ki, bütün ölkə vətəndaşları növbəti sınaq qarşısındadır. Əhəmiyyətli hadisə, mühüm siyasi kampaniya olan ümumxalq səsverməsi dövlətimizin möhkəmlənməsi baxımından çox əhəmiyyətli və vacibdir. Nəzərdə tutulan əlavə və dəyişikliklərin hər biri layiqli həyat tərzimizi müəyyənləşdirən, gələcəyimiz üçün etibarlı qarant olan yeniliklərlə zəngindir. İlk Konstitusiyamızın qəbulundan keçən müddətdə ölkə iqtisadiyyatı dinamik inkişaf yolu ilə irəliləyib, əhalinin sosial müdafiəsinin təminatı üçün önəmli islahatlar aparılıb. Son illərdə həyatımızın bütün sahələrində hiss olunan bu inkişafın qanunlarımızda da əks olunması üçün Konstitusiyaya əlavə və dəyişiklərin edilməsi sosial sifariş olmaqla, həm də həyatın tələbidir.
çıxışlarda bildirilmişdir ki, demokratiyanın əsas şərti insanlara azadlıq və seçib, seçilmək hüquqlarının verilməsi, azad şəffaf seçkilərin keçirilməsidir. Bir nəfərin 2 dəfədən artıq dövlət başçısı seçilməsinə qoyulan məhdudiyyət demokratiyanın tələbinə ziddir. İnsanlar bütün dünya birliyi tərəfindən yüksək qiymətləndirilən Azərbaycanın bugünkü inkişafının davamına tərəfdardır. Buna görə də keçirilən görüşlərdə əlavə və dəyişikliklərə öz münasibətini bildirən seçicilər əsasən bu məsələyə ciddi münasibət bildirir, mövcud iqtidarın dövlətçilik siyasətini dəstəkləyir və davamlı olmasını tələb edir.

Paylaş:

Baxılıb: 1795 dəfə