“Bakı-2015” Avropa Oyunları Ümumrusiya Beynəlxalq Jurnalistlər Festivalına dəvət olunub

Bakı:

24 °C

60 %

13 m/s

Əlaqə

AZ RU EN

Ana səhifə / İdman / “Bakı-2015” Avropa Oyunları Ümumrusiya Beynəlxalq Jurnalistlər Festivalına dəvət olunub

“Bakı-2015” Avropa Oyunları Ümumrusiya Beynəlxalq Jurnalistlər Festivalına dəvət olunub

04.10.2014 [10:40]

“Bakı -2015” Avropa Oyunları Ümumrusiya Beynəlxalq Jurnalistlər Festivalında gələn ilin yayında paytaxtımızda təşkil ediləcək birinci Avropa Oyunları haqqında ətraflı təqdimat keçirəcək.
“Bakı-2015” Avropa Oyunları Əməliyyat Komitəsindən AzərTAc-a bildiriblər ki, bir həftə davam edəcək nüfuzlu görüş Rusiya Federasiyasının bu ilin əvvəlində Qış Olimpiya və Paralimpiya Oyunlarına uğurla ev sahibliyi etmiş Soçi şəhərində baş tutur.
“Bakı-2015”in korporativ direktoru Elçin Səfərov Avropa Oyunları Əməliyyat Komitəsi tərəfindən qazanılmış son uğurları və Azərbaycanın idman nailiyyətlərini müzakirə etmək üçün Soçi şəhərinə gedən nümayəndə heyətinə rəhbərlik edəcək.
E.Səfərov bununla bağlı deyib: “Biz Ümumrusiya Beynəlxalq Jurnalistlər Festivalına dəvət olunmaqdan qürur duyur və tədbiri səbirsizliklə gözləyirik. Bu, qonşu ölkənin “Bakı-2015” Avropa Oyunları ilə bağlı planların nə dərəcədə inkişaf etdiyini, artıq oyunlara qitədə maraq və stimulun yaranmasını anlamaq üçün əhəmiyyətli fürsətdir. Bizim təqdimatımız və mühazirəmizdə əsas diqqət ilk Avropa Oyunlarının 20 idman növü üçün innovativ planlarına və bu vaxtadək görülən işlərə necə nail olmağımıza cəmləşəcək. Mən bu təklifə görə Rusiya Jurnalistlər İttifaqının rəhbəri Vsevolod Boqdanova təşəkkür edirəm”.
Rusiya Jurnalistlər İttifaqı tərəfindən təşkil olunan Ümumrusiya Beynəlxalq Jurnalistlər Festivalı artıq 18 ildir ki, keçirilir və bu festivalda 1000-dən çox nüfuzlu media nümayəndələri iştirak edəcəklər.
Digər iştirakçıların sırasına Birləşmiş Millətlər Təşkilatının üzvləri, UNESCO-nun nümayəndələri, müxtəlif beynəlxalq jurnalist təşkilatlarının və Avropa media qurumlarının rəhbərləri daxildirlər.
Gələn il iyunun 12-dən 28-dək keçiriləcək “Bakı-2015” Avropa Oyunları qitə üçün çoxsaylı idman növləri üzrə təşkil ediləcək çox maraqlı və innovativ yarışlar olacaq.
“Bakı-2015” Avropa Oyunları, ümumilikdə, 20 idman növü üzrə keçiriləcək. Bunlardan 16-sı Olimpiya, dördü qeyri-Olimpiya idman növü olacaq. On yeddi yarış günü müddətində Avropanın müxtəlif ölkələrindən 6 mindən çox idmançının öz ölkələrini təmsil edəcəyi gözlənilir.
İdmanın doqquz növü 2016-cı ildə Rio-de Janeyroda keçiriləcək Yay Olimpiya Oyunları üçün seçmə yarışlara imkan yaradacaq. Həmin idman növlərinə oxatma, yüngül atletika, velosiped idmanı, atıcılıq, üzgüçülük, stolüstü tennis, taekvondo, triatlon və voleybol daxildir.
Xatırladaq ki, birinci Avropa Oyunlarının Bakıda keçirilməsi haqqında qərar 2012-ci ilin dekabr ayında Avropa Olimpiya Komitəsinin (AOK) Baş Assambleyasında qəbul edilib. “Bakı-2015” Avropa Oyunları Əməliyyat Komitəsi AOK ilə əməkdaşlıq şəraitində Oyunları təşkil və idarə edəcək.

Paylaş:

Baxılıb: 1154 dəfə