Heydər Əliyev
yeni azerbaycan logo

Ana səhifə / İdman / “Bakcell” “UEFA U-17 Avropa Çempionatı Azərbaycan-2016”nın rəsmi sponsoru oldu

“Bakcell” “UEFA U-17 Avropa Çempionatı Azərbaycan-2016”nın rəsmi sponsoru oldu

19.03.2016 [10:10]

Azərbaycanın ilk mobil operatoru və aparıcı mobil internet provayderi olan “Bakcell”in baş ofisində “UEFA U-17 Avropa Çempionatı Azərbaycan-2016”nın Yerli Təşkilat Komitəsi ilə şirkət arasında sponsorluq müqaviləsinin imzalanması mərasimi keçirilib.
Azərbaycan Futbol Federasiyaları Assosiasiyasının (AFFA) baş katibi, Avropa Çempionatının Yerli Təşkilat Komitəsinin sədri Elxan Məmmədov və “Bakcell”in baş icraçı direktoru Riçard Şirer tərəfindən imzalanan sponsorluq müqaviləsinin şərtlərinə əsasən şirkət 5-21 may 2016-cı il tarixində Azərbaycanda keçiriləcək çempionatın təşkilati işlərinə maliyyə dəstəyi göstərməklə yanaşı, turnirin mobil rabitə partnyoru olacaq, həmçinin Yerli Təşkilat Komitəsinin əməkdaşlarını mobil cihazlar və rabitə ilə təmin edəcək.
“Azərbaycanda mühüm idman tədbirlərinin keçirilməsi ənənəvi hal alıb. Biz də milli operator olaraq, öz növbəmizdə, bu tədbirlərə dəstək göstərməyi özümüzə borc hesab edirik. Azərbaycanda futbolun inkişaf etdirilməsi istiqamətində AFFA ilə tərəfdaşlığımız çərçivəsində davamlı şəkildə bir çox işlər görmüşük. Bundan öncə Azərbaycanda keçirilən “FIFA U-17” Qadınlararası Dünya Çempionatının da rəsmi sponsoru olmuşduq. Bu il Bakıda təşkil olunacaq “UEFA U-17” Avropa Çempionatının keçirilməsində əlimizdən gələn dəstəyi göstərməyimiz üçün AFFA tərəfindən verilən imkana görə təşəkkürümüzü bildiririk”, - deyə “Bakcell”in baş icraçı direktoru Riçard Şirer bildirib.
“Sevindirici haldır ki, 2012-ci ildən etibarən “Bakcell” şirkəti təkcə AFFA ilə deyil, ümumilikdə Azərbaycan futbolu ilə həmrəylik nümayiş etdirir. Bildiyiniz kimi, “FIFA U-17 Qadınlararası Dünya Çempionatı Azərbaycan-2012”nin təşkili zamanı da biz “Bakcell” ilə əməkdaşlıq etmişik. İndi isə “Bakcell” “UEFA U-17” Avropa Çempionatının rəsmi sponsoru olacaq. Bundan əlavə, “Bakcell”in əməkdaşlığı ilə “Mançester Yunayted Futbol Məktəbi” layihəsi də uğurla həyata keçirilir. Ümid edirəm ki, gələcəkdə də bu səmərəli əməkdaşlığı davam etdirəcəyik”.
Qeyd edək ki, “FIFA U-17” Avropa Çempionatı UEFA-nın üzvü olan ölkələrin “U-17” milli yığma komandaları arasında 2001-ci ildən etibarən keçirilir. Sonuncu dəfə 2015-ci ildə bu çempionat Bolqarıstanda keçirilib.
Səlim LOĞMANOĞLU

Paylaş:
Baxılıb: 1040 dəfə

Xəbər lenti

Hamısına bax

İqtisadiyyat

Siyasət

Siyasət

Mədəniyyət

MEDİA

Analitik

Ədəbiyyat

Sosial

İqtisadiyyat

YAP xəbərləri

YAP xəbərləri

YAP xəbərləri

YAP xəbərləri

YAP xəbərləri

YAP xəbərləri

İqtisadiyyat

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30