SOCAR-AQŞ Neftçilər Gününü təntənə ilə qeyd edib

Bakı:

25 °C

67 %

13 m/s

Əlaqə

AZ RU EN

Ana səhifə / İqtisadiyyat / SOCAR-AQŞ Neftçilər Gününü təntənə ilə qeyd edib

SOCAR-AQŞ Neftçilər Gününü təntənə ilə qeyd edib

22.09.2015 [10:18]

SOCAR-AQŞ Neftçilər Günü münasibəti ilə “Bakı Nobel İrsi Fondu”nda xüsusi tədbir keçirib. Mərasimdə müəssisənin inkişafında göstərdikləri xüsusi xidmətlərinə görə bir qrup əməkdaş müəssisə rəhbərliyi tərəfindən Fəxri Fərmanla təltif olunub və onlara xatirə hədiyyələri təqdim edilib.
Bununla yanaşı, SOCAR-AQŞ neft-qaz mühəndisliyi ixtisası üzrə təhsil alan Bakı Ali Neft Məktəbinin və Azərbaycan Dövlət Neft və Sənaye Universitetinin sonuncu kurs tələbələri Eltun Sadıqov və Azad Xankişiyevə müəssisənin 2015-2016-cı tədris ili üçün nəzərdə tutulan Tələbə Təqaüdünün verilməsi qərarını açıqlayıb. Tədrisdə yüksək nailiyyət, nümunəvi davranış göstərən hər iki tələbə müəssisə tərəfindən təşkil olunmuş müsabiqəni uğurla keçərək SOCAR-AQŞ təqaüdünün qalibi olmaq şansını əldə ediblər.
Tədbirdə Azərbaycan Respublikası Milli Məclisinin deputatları, təhsil və sənaye müəssisələrinin rəhbərləri və beynəlxalq neft-qaz şirkətlərinin məsul əməkdaşları iştirak ediblər.
Tədbirdə çıxış edən Bakı Ali Neft Məktəbinin rektoru Elmar Qasımov bildirib ki, SOCAR-AQŞ yarandığı gündən gənc milli kadrların hazırlanması məsələsinə xüsusi həssaslıqla yanaşır. “Bu gün gələcəyin 2 qazma mühəndisinə Tələbə Təqaüdünün verilməsi qərarının açıqlanması hər bir yerli müəssisə üçün örnək olmalıdır. Bu cür layihələr gəncləri həvəsləndirir, onları daha məsuliyyətli olmağa sövq edir və ən əsası işlə təmin olunmaq ehtimallarını çox asanlaşdırır”.
Daha sonra Milli Məclisin deputatı, YAP Siyasi Şurasının üzvü, partiyanın Nəsimi rayon təşkilatının sədri Məlahət İbrahimqızı çıxış edərək bildirib ki, yerli müəssisələrin inkişafı bizləri sevindirməyə bilməz: “SOCAR-AQŞ-nin timsalında biz əsası Ulu öndər Heydər Əliyev tərəfindən qoyulmuş milli neft strategiyasının bəhrələrini görürük. Müəssisənin milli qazma sənayesinə verdiyi töhfələr bizdə çox xoş təəssürat yaratdı. Bununla yanaşı, bu gün 2 gənc tələbəyə verilən qiymət, onların bilik və bacarıqlarının artırılması və gələcəkdə peşəkar kadr kimi yetişmələri üçün SOCAR-AQŞ-nin atdığı addım çox təqdirəlayiqdir”.
Sonda çıxış edən SOCAR-AQŞ-nin Baş direktoru Ramin İsayev deyib ki, SOCAR-AQŞ işçilərini özünün əsas sərvəti hesab edir. “Müəssisə yarandığı ilk illərdən indiyə kimi Azərbaycan qazma sənayesinin inkişafına önəmli töhfələr verir. Eyni zamanda, milli qazma müəssisələri sırasında yeniliklərə imza atan, yeni texnika və texnologiyaların uğurlu tətbiqi ilə daim öndə olmağı özünün prioriteti hesab edən SOCAR-AQŞ uğurlarını məhz peşəkar və təşəbbüskar kadr potensialının hesabına reallaşdırır. Müəssisə rəhbərliyi kadrların inkişafını daim diqqətdə saxlayır, onların bilik və bacarıqlarının artırılması üçün səylərini gücləndirir və eyni zamanda, müəssisənin inkişafında göstərdikləri xüsusi xidmətlərini hər zaman qiymətləndirir”.

Paylaş:

Baxılıb: 1091 dəfə