Xəzər rayonunda 2016-cı ilin birinci rübünün sosial-iqtisadi inkişafının yekunlarına və qarşıda duran vəzifələrə həsr olunmuş yığıncaq keçirilib

Bakı:

28 °C

74 %

7 m/s

AZ RU EN

Ana səhifə / İqtisadiyyat / Xəzər rayonunda 2016-cı ilin birinci rübünün sosial-iqtisadi inkişafının yekunlarına və qarşıda duran vəzifələrə həsr olunmuş yığıncaq keçirilib

Xəzər rayonunda 2016-cı ilin birinci rübünün sosial-iqtisadi inkişafının yekunlarına və qarşıda duran vəzifələrə həsr olunmuş yığıncaq keçirilib

15.04.2016 [10:02]

Dünən Xəzər rayon İcra Hakimiyyətində 2016-cı ilin birinci rübündə sosial-iqtisadi inkişafın yekunları və qarşıda duran vəzifələrə dair hesabat yığıncağı keçirilib. Hesabat yığıncağında Xəzər rayon İcra Hakimiyyətinin başçısı Gülağa İslamov, Milli Məclisin Əmək və sosial siyasət komitəsinin sədr müavini Rauf Əliyev, Yeni Azərbaycan Partiyası (YAP) Xəzər rayon təşkilatının sədri Namiq Əhmədov, rayonun idarə, müəssisə və hüquq-mühafizə orqanlarının rəhbərləri iştirak ediblər.
Tədbirdə çıxış edən Xəzər rayon İcra Hakimiyyətinin başçısı Gülağa İslamov 9 aprel 2016-cı il tarixində Azərbaycan Respublikasının Prezidenti cənab İlham Əliyevin Sədrliyi ilə keçirilən Nazirlər Kabinetinin 2016-cı ilin birinci rübünün sosial-iqtisadi inkişafının yekunlarına və qarşıda duran vəzifələrə həsr olunmuş hesabat iclasında dövlət başçısının proqram xarakterli çıxışında verdiyi tövsiyə və tapşırıqlar haqqında məlumat verib.
Bu ilin birinci rübündə Xəzər rayonunun sosial-iqtisadi inkişafının yekunları və qarşıda duran vəzifələr haqqında rayon İcra Hakimiyyəti başçısının müavini Lalə Əhmədova məruzə edib.
Sonra Xəzər rayon Su-Kanal Departamentinin rəisi Mübariz Nəsirov, rayon Məşğulluq Mərkəzinin direktoru Gülşən Sadıqova və rayon Gigiyena və Epidemiologiya Mərkəzinin müdiri Qair Cərullayev hesabat dövründə görülən işlər barədə məlumat veriblər.
Daha sonra tədbirdə çıxış edən Milli Məclisin Əmək və sosial siyasət komitəsinin sədr müavini Rauf Əliyev dünyada neftin qiymətinin aşağı düşməsi nəticəsində cari ilin birinci rübündə yaranan vəziyyətdən danışaraq, ümumi daxili məhsulun aşağı düşməsinə, gəlirlərin və dövlət tərəfindən yatırılan investisiyaların azalmasına baxmayaraq, görüləcək işlər nəticəsində Azərbaycanın iqtisadiyyatının bu il də artacağına ümid etdiyini bildirib. O, Azərbaycan Prezidenti İlham Əliyevin qərarı ilə yaradılmış Mənzil İnşaatı Dövlət Agentliyinin və “Ərzaq Məhsullarının tədarükü və təchizatı” ASC-nin əhalinin sosial-iqtisadi vəziyyətinin daha da yaxşılaşdırılması üçün əlverişli şərait yaradacağını qeyd edib.
Hesabat iclasının yekununda G.İslamov Xəzər rayonunun sosial-iqtisadi inkişafı, əhalinin həyat səviyyəsinin yaxşılaşdırılması, geniş abadlıq və quruculuq işlərinin aparılması istiqamətində rüb ərzində çox böyük işlərin görüldüyünü deyib və qarşıda nəzərdə tutulmuş bütün tədbirlərin vaxtında və yüksək səviyyədə yerinə yetiriləcəyinə əminlik ifadə edib.

Paylaş:

Baxılıb: 1170 dəfə