Asiya İnkişaf Bankının 2030-cu ilədək strategiyası təsdiqlənib

Bakı:

15 °C

77 %

9 m/s

Əlaqə

AZ RU EN

Ana səhifə / İqtisadiyyat / Asiya İnkişaf Bankının 2030-cu ilədək strategiyası təsdiqlənib

Asiya İnkişaf Bankının 2030-cu ilədək strategiyası təsdiqlənib

27.07.2018 [09:50]

Asiya İnkişaf Bankının (AİB) Direktorlar Şurası Asiya və Sakit okean regionun inkişaf edən ehtiyaclarına təşkilatın geniş perspektivini və strateji reaksiyasını əks etdirən uzunmüddətli - 2030-cu ilədək strategiyasını təsdiqləyib.
AİB-dən AZƏRTAC-a bildiriblər ki, bank regionun ən yoxsul və ən həssas ölkələrinə dəstək verməyə davam edəcək. Kövrək və münaqişələrdən təsirlənən yerlər, kiçik inkişaf etməkdə olan ada ölkələr, aşağı gəlirli, aşağı ortagəlirli və yuxarı ortagəlirli ölkələr kimi müxtəlif ölkələr qruplarının müxtəlif ehtiyaclarını ödəmək üçün fərqli yanaşmalar tətbiq edəcək. AİB bu ölkələrdə inkişafdan geri qalmış sahələr, yoxsul rayonlar və dayanıqlı olmayan sahələrə dəstəyin göstərilməsi işini əsas prioritet kimi götürəcək.
Eyni zamanda, AİB təhsil, səhiyyə və sosial müdafiə kimi sosial sahələrdə əməliyyatları genişləndirəcək.
AİB-in dəstəyi yeddi əməliyyat prioritetinə yönəldiləcək: qalan yoxsulluğun aradan qaldırılması və bərabərsizliyin azaldılması; gender bərabərliyində irəliləyişlərin sürətləndirilməsi; iqlim dəyişikliyinə qarşı mübarizə, iqlim və fəlakətə qarşı davamlılıq yaratmaq və ekoloji davamlılığı artırmaq; şəhərləri daha dinamik hala gətirmək; kənd təsərrüfatının inkişafı və ərzaq təhlükəsizliyinin təmin edilməsi; idarəetmə və institusional bacarıqların gücləndirilməsi və regional əməkdaşlıq və inteqrasiyanın təşviqi.
AİB-in həyata keçirdiyi əməliyyatların ən azı 75 faizi (dövlət zəmanəti olan və olmayan əməliyyatlar da daxil olmaqla 3 il müddətinə) 2030-cu ilədək gender bərabərliyini təşviq edəcək. 2030-cu ilə kimi AİB həyata keçirilən əməliyyatların 75 faizini (dövlət zəmanəti olan və olmayan əməliyyatlar da daxil olmaqla 3 il müddətinə) iqlim dəyişikliyinin təsirinin azaldılmasına və adaptasiyasına istiqamətləndirəcək. 2019-cu ildən 2030-cu ilə kimi olan dövrdə AİB-in öz resurslarından iqlim maliyyələşməsi 80 milyard dollara çatacaq. 2019-cu ilin ortalarında hazırlanacaq yeni bir korporativ nəticələr bazası AİB-in digər əməliyyat prioritetləri üçün daha çox hədəflərdən ibarət olacaq.
2030-cu ilədək strategiya çərçivəsində yeddi əməliyyat prioritetini dəstəkləmək üçün AİB 2024-cü ilədək əməliyyatların üçdə birinə çatmaq üçün özəl sektor əməliyyatlarını genişləndirəcək və şaxələndirəcək.
AİB-in özəl sektor əməliyyatları ekoloji, sosial və idarəetmə standartlarını yaxşılaşdırmağa yardım edəcək; bazarda mövcud olmayan maliyyələşdirməni məqbul şərtlərlə təmin edəcək; layihənin dizaynı və inkişafı nəticələrini yaxşılaşdıracaq. Yenilikçi infrastruktura əlavə olaraq, onlar aqrobiznesə dəstəyi artırır və özəl müəssisələr vasitəsilə sağlamlıq və təhsil kimi sosial sektorlara dəstək verəcək. AİB etibarlı maliyyəçi və maliyyə katalizatoru olmağa davam edəcək.
Təşkilat inkişaf etməkdə olan üzv ölkələri ilə ən müvafiq məlumat məhsulları və xidmətləri istehsal etmək üçün yaxından əməkdaşlıq edəcək. Proaktiv araşdırma aparacaq, yüksəkkeyfiyyətli siyasətlə bağlı məsləhətlər verəcək, ölkələrin institusional potensialını gücləndirəcək və bilik sahəsində əməkdaşlığı genişləndirəcək.
Strategiyanı hazırlayarkən hökumətlər, AİB rəhbərləri, aparıcı inkişaf mütəxəssisləri və qeyri-hökumət təşkilatları da daxil olmaqla, AİB-in üzvlüyündə geniş və təmsil olunan maraqlı tərəflər qrupu ilə geniş məsləhətləşmələr aparılıb.
Qeyd edək ki, 1966-cı ildə yaradılmış bu təşkilatın 67 üzvü var və onların 48-i regionda yerləşir. 2017-ci ildə AİB-in əməliyyatları 32,2 milyard dollar, o cümlədən birgə maliyyələşmə üzrə 11.9 milyard dollar təşkil edib.

Paylaş:

Baxılıb: 881 dəfə