Cavanşir Paşazadə: Azərbaycanda innovativ əsaslı sənaye quruculuğu geniş vüsət alıb

Bakı:

14°C

82%

5m/s

Əlaqə

AZ RU EN

Ana səhifə / İqtisadiyyat / Cavanşir Paşazadə: Azərbaycanda innovativ əsaslı sənaye quruculuğu geniş vüsət alıb

Cavanşir Paşazadə: Azərbaycanda innovativ əsaslı sənaye quruculuğu geniş vüsət alıb

22.09.2020 [08:48]

“Müasirləşməni starteji hədəf kimi müəyyənləşdirən Azərbaycanda son illərdə innovativ əsaslı sənaye quruculuğu geniş vüsət alıb. Hazırda sənayeləşmə Prezident İlham Əliyevin uğurla həyata keçirdiyi iqtisadi siyasətin mühüm tərkib hissəsini təşkil edir”.
Bu fikirləri Milli Məclisin deputatı Cavanşir Paşazadə deyib.
Cavanşir Paşazadə bildirib ki, respublikamızın sənaye xəritəsi həm paytaxt Bakıda, həm də digər şəhərlərdə və bölgələrdə yaradılan müəssisələr hesabına zənginləşir. Bütövlükdə, respublika üzrə dörd sənaye mərkəzinin yaradılması istiqamətində intensiv iş aparılır. O cümlədən artıq regionlarda bir neçə sənaye məhəlləsi yaradılıb və onlar uğurla fəaliyyət göstərirlər.
Millət vəkilinin sözlərinə görə, Azərbaycanda yeni sənayeləşmə siyasətində dünyanın qabaqcıl ölkələrinin müsbət təcrübəsinə istinad edilir: “Belə ki, yeni istehsal müəssisələri bir qayda olaraq ən yüksək standartlar, müasir yanaşmalar və çağırışlar nəzərə almaqla yaradılır. Sumqayıt Kimya Sənaye Parkı deyilənlərə yaxşı nümunədir. Bildiyiniz kimi, Azərbaycan Respublikasının Prezidenti İlham Əliyev sentyabrın 14-də “Sumqayıt Kimya Sənaye Parkı” Məhdud Məsuliyyətli Cəmiyyətinin nəzdində Peşə Təhsil Mərkəzinin açılışında iştirak edib. Açılış mərasimində dövlətimizin başçısı bildirib ki, bu gün biz Sumqayıt Kimya Sənaye Parkının timsalında yeniləşən, güclənən Azərbaycanı görürük. Qeyd edim ki, Azərbaycandakı müasir sənaye quruculuğu beynəlxalq səviyyədə də diqqətlə izlənilir. Bunun təsdiqi olaraq xatırlatmaq yerinə düşər ki, 2020-ci ilin yanvar ayında Azərbaycan Prezidentinin İsveçrə Konfederasiyasına növbəti səfəri çərçivəsində Dünya İqtisadi Forumunun ölkəmizdə afilə edilmiş regional mərkəzinin yaradılması ilə bağlı niyyət protokolu imzalanıb. Sənədi Prezident İlham Əliyev və Forumun prezidenti Borge Brende imzalayıblar. Bu cür mərkəzlər çox məhdud sayda ölkələrdə yaradılır və onların əsas məqsədi dördüncü sənaye inqilabının səbəb olduğu çağırış və imkanların həyata keçirilməsidir”.
Deputat onu da söyləyib ki, son illərdə Sumqayıtın iqtisadi potensialının əhəmiyyətli dərəcədə artması ölkəmizdə aparılan sənayeləşmə siyasətinin yaxşı nəticələrə gətirib çıxardığını təsdiqləyir. Belə ki, hazırda Sumqayıt məhz müasir sənaye şəhəri kimi inkişaf etdirilir. Prezident İlham Əliyevin bildirdiyi kimi, Sumqayıt bu gün nəinki Azərbaycanın, Cənubi Qafqazın ikinci böyük sənaye mərkəzidir.

Paylaş:

Baxılıb: 541 dəfə