Bank sektorunun inkişaf tendensiyası

Bakı:

11°C

93%

2m/s

Əlaqə

AZ RU EN

Ana səhifə / İqtisadiyyat / Bank sektorunun inkişaf tendensiyası

Bank sektorunun inkişaf tendensiyası

20.02.2024 [10:50]

“Fitch” Azərbaycanın iqtisadi artım proqnozunu açıqlayıb

Günel ABBAS

İqtisadiyyatın inkişafı həm də əhalinin pul gəlirlərinin artması ilə müşahidə olunur. Pul vəsaiti artdıqca onun necə yerləşdirilməsi daha çox gündəmdə olur. Əhalinin banklara qoyduğu vəsaitlərin həcminin artması ümumi iqtisadi inkişaf göstəriciləri, inflyasiyanın aşağı səviyyədə olması, Mərkəzi Bankın ölkədə həyata keçirdiyi pul siyasəti, milli valyutanın sabit və dayanıqlı olması kimi amillərlə əlaqəlidir. İlk növbədə, böhranla əlaqədar dünyanın əksər bankları ciddi problemlərlə üzləşsə də, ölkəmizdəki banklar vəziyyətdən uğurla çıxmağı bacarıblar.

Yeri gəlmişkən, “Fitch Ratings” beynəlxalq kredit reytinq agentliyinin Azərbaycanla bağlı apardığı qiymətləndirmədə bildirilib ki, Azərbaycanın bank sektorundakı vəziyyət yaxşılaşıb.Fitch qeyd edib ki, Azərbaycanın bank sektorunda vaxtı keçmiş borc əmsalı 2023-cü ildə rekord minimum səviyyəyə enərək ümumi kredit portfelinin 1,8 faizini (2022-ci ilin sonunda 2,9 faiz) təşkil edib, buna isə kreditləşmənin güclü artımı, kreditlərin qaytarılması və silinməsi dəstəkləyib.

Bildirilib ki, Azərbaycan banklarının kapitallaşması azalıb, lakin adekvatlıq əmsalına uyğun səviyyədə qalır: sektorun 1-ci dərəcəli kapitalın adekvatlıq əmsalı 2023-cü ildə 13,5 faiz (2022-ci ilin sonunda 15,2 ????) təşkil edib. Depozit bazasında cari hesabların üstünlük təşkil etməsi səbəbindən aktivlərin yüksək gəlirliyi və orta maliyyələşdirmə dəyəri ilə dəstəklənən sektorun mənfəətliyi güclü olaraq qalıb.

Agentlik həmçinin əlavə edib ki, depozitlərin dollarlaşması 2023-cü ildə 40 faizdən aşağı düşərək, 35 faizlik tarixi orta səviyyəyə yaxınlaşıb, 2023-cü ilin sonunda xarici valyutada olan kreditlər ümumi portfelin 19 faizinə (2022-ci ilin sonunda 20 faiz düşüb.Bununla yanaşı, “Fitch Ratings” beynəlxalq reytinq agentliyi bu il də Azərbaycanda iqtisadi artımın olacağını proqnozlaşdırıb.

Milli Məclisin iqtisadi siyasət, sənaye və sahibkarlıq komitəsinin üzvü Vüqar Bayramov “Yeni Azərbaycan”a açıqlamasında bildirib ki, Azərbaycan bank sektorunda iqtisadi göstəricilərə nəzər yetirdikdə problemli kreditlərin həcmində azalmaların olduğunu müşahidə edirik: “Buna uyğun olaraq depozit portfeli artır. Eləcə də kredit portfelinin strukturunun da keyfiyyət baxımından yenilənməsi müşahidə edilir. Nəticə etibarilə real sektora yönəldilən kreditlərin sayında artımlar var. Mərkəzi Bank tərəfindən yeni strategiyanın qəbul edilməsi növbəti illərdə də bank sektorunun inkişafına daha sistemli və ünvanlı yanaşmadan xəbər verir. Bu baxımdan bank sektorunda həyata keçirilən islahatlar və bu islahatların həm struktur, həm də institusional tərəfdən dərinləşməsi bütövlükdə sektorun dayanıqlılığını artırır.

Eyni zamanda sektorda əks təməl gücləşmə prosesini də sürətləndirir. Bu da rəqabətin müdafiəsi baxımından çox vacibdir. Ona görə də 2023-cü ilin yekunları bank sektorunda islahatlarla yadda qaldı. Düzdür, iki bankın müflisləşməsini qeydə aldıq, ancaq buna baxmayaraq həmin vəziyyət bank sektorundakı tarazlığa xüsusi təsir göstərmədi. Çünki aktivlərin öhdəlikləri bank sektoru üçün hansısa bir təhdid yaratmır. Amma növbəti dövr üçün bankların sağlamlaşdırılması, gücləndirilməsi və islahatların davam etdirilməsi ilə bağlı işlərin genişlənəcəyi gözlənilir. Bununla yanaşı yeni strategiyanın da hazırlanıb təsdiq edilməsi bir daha sübut edir ki, bu sektorda sistemli yanaşma müşahidə olunmaqdadır”.

Paylaş:

Baxılıb: 498 dəfə