Heydər Əliyev
yeni azerbaycan logo

Ana səhifə / Mədəniyyət / Azərpaşa Nemətov: Bakı beynəlxalq teatr konfransı bütün dünyada tanınan sənət adamlarının diqqət mərkəzindədir

Azərpaşa Nemətov: Bakı beynəlxalq teatr konfransı bütün dünyada tanınan sənət adamlarının diqqət mərkəzindədir

29.10.2014 [09:56]

Yarandığı gündən xalqımızın milli mənəvi dəyərlərini qoruyan, təbliğ edən, mütərəqqi ideyalar aşılayan Azərbaycan teatrı son on ildə özünün yeni inkişaf dövrünü yaşayır. Azərbaycan Respublikasının Prezidenti İlham Əliyevin 2009-cu il 18 may tarixli Sərəncamı ilə təsdiq edilmiş “Azərbaycan teatrı 2009-2019-cu illərdə” Dövlət Proqramı teatrlarımızın inkişafı yolunda atılmış mühüm bir addımdır. Sözügedən proqrama uyğun olaraq, paytaxtımızda üçüncü dəfədir ki, müasir dövrün teatr problemlərinə həsr olunmuş beynəlxalq konfrans keçirilir.
Azərbaycan Teatr Xadimləri İttifaqının sədri, Xalq artisti Azərpaşa Nemətov konfrans barədə fikirlərini AzərTAc-ın müxbiri ilə bölüşüb.
Bildirib ki, Bakı beynəlxalq teatr konfransı bütün dünyada tanınan sənət adamlarının diqqət mərkəzindədir. İndiyədək keçirilmiş birinci və ikinci konfransa dünyanın müxtəlif ölkələrindən sənətkarlar gəlib. Bu il keçiriləcək Üçüncü Bakı Beynəlxalq Teatr Konfransının iştirakçıları isə ölkələrin və nümayəndələrin sayı baxımından əvvəlkilərdən daha çoxdur.
A.Nemətov qeyd edib ki, builki konfransın iştirakçılarından bəziləri ölkəmizlə artıq tanışdırlar, digərləri isə Bakıda ilk dəfə olacaqlar. Şübhəsiz ki, onlar paytaxtımızı gəzəcək, teatrlara gedəcək, tamaşalara baxacaqlar. Konfransda təkcə bugünkü dünya teatrının taleyi deyil, onun gələcək inkişaf yolları da alimlər, böyük rejissorlar, prodüserlər, teatr mütəxəssisləri tərəfindən müzakirə ediləcək. Onların sırasında bu möhtəşəm tədbirə ev sahibliyi edəcək Azərbaycanın nümayəndələri də olacaq.
Hesab edirəm ki, konfransda müzakirə ediləcək məsələlər dünya, eləcə də Azərbaycan teatrı üçün çox əhəmiyyətli olacaq. Bir misal deyim. İtaliyanın Pikkolo Teatrının rəhbəri bu konfransda iştirak edəcək. Bu, vaxtilə Corco Strelerin teatrı olub. Corco Streler isə 10 ilə yaxındır ki, dünyasını dəyişib. İndi həmin teatrda görkəmli rejissorlar tamaşalar hazırlayırlar.
İnanıram ki, beynəlxalq teatr konfransı çərçivəsində keçiriləcək çoxsaylı tədbirlər Azərbaycan və dünya teatr sənətinin yeni inkişaf mərhələsinə qədəm qoyması və birgə layihələrin hazırlanması baxımından əhəmiyyətli olacaq.

Paylaş:
Baxılıb: 1011 dəfə

Xəbər lenti

Hamısına bax

Xəbər lenti

YAP xəbərləri

MEDİA

Siyasət

Gündəm

İqtisadiyyat

MEDİA

44 günün dastanı...

08 Noyabr 09:34

Analitik

Siyasət

Ədəbiyyat

ZƏFƏR NƏĞMƏLƏRİ

08 Noyabr 08:28

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30