Beynəlxalq arenada birgə əməkdaşlıq regionda sabitliyin və sülhün bərqərar olması üçün mühüm əhəmiyyət kəsb edir

Bakı:

13 °C

76 %

11 m/s

AZ RU EN

Ana səhifə / Siyasət / Beynəlxalq arenada birgə əməkdaşlıq regionda sabitliyin və sülhün bərqərar olması üçün mühüm əhəmiyyət kəsb edir

Beynəlxalq arenada birgə əməkdaşlıq regionda sabitliyin və sülhün bərqərar olması üçün mühüm əhəmiyyət kəsb edir

18.12.2012 [00:35]

Azərbaycan ilə Çin arasında əlaqələr bütün sahələrdə inkişaf edir. Hər iki ölkənin parlamenti münasibətlərimizin daha da genişlənməsinə və möhkəmlənməsinə çalışır.
AzərTAc xəbər verir ki, bu fikirlər Milli Məclisin Azərbaycan-Çin parlamentlərarası əlaqələr üzrə işçi qrupunun rəhbəri, YAP Sədrinin müavini-İcra katibi Əli Əhmədovun dekabrın 17-də Çin Xalq Respublikasının Siyasi Konsultativ Şurasının Ümumçin Komitəsi sədrinin müavini Bay Liçenin başçılıq etdiyi nümayəndə heyəti ilə görüşdə səslənib.
Ə.Əhmədov bildirib ki, parlamentlərimiz arasındakı sıx əlaqələr dövlətlərimizin və xalqlarımızın dostluğunun daha da möhkəmlənməsinə xidmət edir.
Bildirilib ki, Azərbaycan-Çin əlaqələrinin dərin tarixi kökləri vardır. Azərbaycanda Çinin sürətli inkişafı diqqətlə izlənilir. Düşünürük ki, qarşılıqlı səfərlərimizlə biz bu inkişafa stimul veririk. Çinin Azərbaycanın ərazi bütövlüyünü dəstəkləməsi iki ölkə arasında siyasi sahədə də sıx əlaqələr qurmağa şərait yaradıb.
Ə.Əhmədov Çin Kommunist Partiyası ilə Yeni Azərbaycan Partiyası arasındakı əlaqələrdən də danışıb, hakim partiyalar arasındakı dostluğun əhəmiyyətini qeyd edib.
İqtisadi əlaqələrə toxunan Ə.Əhmədov bildirib ki, Azərbaycan iqtisadiyyatı xarici sərmayələr üçün açıqdır və çinli sahibkarlar iqtisadiyyatın müxtəlif sahələrinə investisiya qoya bilərlər. Bu, ölkələrimiz arasında ticarət dövriyyəsini də artıra bilər.
Bay Liçen deyib ki, ikitərəfli əməkdaşlığın genişlənməsi hər iki ölkənin xalqlarının rifahına xidmət edir. Çin Kommunist Partiyasının 18-ci qurultayından sonra Azərbaycan ilə münasibətlərin daha da inkişaf etdirilməsi qarşıya məqsəd qoyulub. Düşünürük ki, parlamentlərimiz arasındakı dostluq əlaqələri daha da genişlənməlidir və bunun üçün bütün imkanlar vardır. Biz beynəlxalq arenada da əməkdaşlığımızı inkişaf etdirməliyik və bir-birimizə dəstək verməliyik. Hesab edirik ki, bu əməkdaşlıq regionda sabitliyin və sülhün bərqərar olmasında mühüm əhəmiyyət kəsb edəcəkdir.
Görüşdə qarşılıqlı səfərlərin intensivləşdirilməsi, iqtisadi, siyasi, mədəni, humanitar sahələrdə əməkdaşlıq, təcrübə mübadiləsi və s. məsələlər ətrafında geniş fikir mübadiləsi aparılıb.

Paylaş:

Baxılıb: 987 dəfə