Heydər Əliyev
yeni azerbaycan logo

Ana səhifə / Siyasət / Milli Məclisin regional məsələlər komitəsinin iclası keçirilib

Milli Məclisin regional məsələlər komitəsinin iclası keçirilib

25.01.2014 [10:51]

Yanvarın 24-də Azərbaycan Respublikası Milli Məclisinin regional məsələlər komitəsinin iclası keçirilib.
AzərTAc xəbər verir ki, əvvəlcə iclasda komitənin Milli Məclisin 2013-cü il payız sessiyasında gördüyü işlər barədə hesabat dinlənilib.
Sədr Arif Rəhimzadə bildirib ki, hesabat dövründə regional məsələlər komitəsi Milli Məclisin 2013-cü il payız sessiyasının qanunvericilik işləri və komitənin iş planına uyğun olaraq fəaliyyət göstərib.
Ədliyyə Nazirliyinin Bələdiyyələrlə İş Mərkəzinin rəisi Mehdi Səlimzadə “Bələdiyyələrin fəaliyyətinə inzibati nəzarəti həyata keçirən orqanın illik məruzəsi”ni təqdim edib.
Hesabat məruzəsi Milli Məclisin plenar iclasına tövsiyə olunub.
Sonra komitənin Milli Məclisin 2014-cü il yaz sessiyası üçün iş planı haqqında məlumat verilib. Bildirilib ki, iş planına respublikanın inzibati ərazi bölgüsündə, eləcə də bəzi qanunlarda qismən dəyişikliklər edilməsi haqqında qanun layihələri daxildir. Komitə müvafiq orqanlardan və vətəndaşlardan daxil olan təkliflərin təhlili və ümumiləşdirilməsini, vətəndaşların qəbulu, daxil olan ərizə və şikayətlərə baxılmasını planlaşdırır.
İclasda, həmçinin “Azərbaycan Respublikasının 2002-ci il 15 mart tarixli qanunu ilə təsdiq edilmiş “Bələdiyyə torpaqlarının ayrılmasına dair sənədlərin hazırlanması və razılaşdırılması qaydaları haqqında Əsasnamə”də dəyişikliklər edilməsi barədə” və “Bakı şəhərinin Xəzər və Pirallahı rayonlarının inzibati ərazi bölgüsündə qismən dəyişikliklər edilməsi haqqında” qanun layihələri müzakirə edilib.
Müzakirələrdən sonra qanun layihələri Milli Məclisin plenar iclasında baxılmağa tövsiyə olunub.

Paylaş:
Baxılıb: 967 dəfə

Xəbər lenti

Hamısına bax

YAP xəbərləri

İqtisadiyyat

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31