Heydər Əliyev
yeni azerbaycan logo

Ana səhifə / Siyasət / Azərbaycan gənclər təşkilatlarının nümayəndələri Fəxri xiyabanı və Şəhidlər xiyabanını ziyarət ediblər

Azərbaycan gənclər təşkilatlarının nümayəndələri Fəxri xiyabanı və Şəhidlər xiyabanını ziyarət ediblər

04.02.2014 [09:36]

1996-cı il fevralın 2-də Azərbaycan Prezidenti Heydər Əliyevin Sərəncamı əsasında Gənclər və İdman Nazirliyinin təşəbbüsü ilə azərbaycanlı gənclərin I Forumu keçirilib. 1997-ci ildə Ümummilli lider 2 fevralın Azərbaycan Gəncləri Günü elan edilməsi ilə bağlı Fərman imzalayıb.
Hər il bu gün Azərbaycanda təntənə ilə qeyd olunur.
AzərTAc xəbər verir ki, fevralın 3-də Azərbaycan Gəncləri Gününə həsr olunmuş tədbirlər çərçivəsində gənclər və idman naziri Azad Rəhimov, nazirliyin əməkdaşları, gənclər təşkilatlarının nümayəndələri Fəxri xiyabana gələrək Azərbaycan xalqının Ümummilli lideri, müasir müstəqil Azərbaycan dövlətinin qurucusu və memarı Heydər Əliyevin xatirəsini ehtiramla yad edib, məzarı önünə əklil qoyublar.
Görkəmli oftalmoloq alim, akademik Zərifə xanım Əliyevanın da xatirəsi anılıb, məzarı üzərinə gül dəstələri düzülüb.
A.Rəhimov jurnalistlərə müsahibəsində bildirib ki, Azərbaycanda dövlət gənclər siyasəti həyata yeni qədəm qoyan gənc nəslin öz imkanlarını reallaşdırması, gənclər birliklərinin inkişafı, onların təşəbbüslərinin dəstəklənməsi üçün hüquqi, iqtisadi və təşkilati şəraitin və təminatın yaranmasına istiqamətlənib.
Sonra Şəhidlər xiyabanında Azərbaycanın azadlığı və suverenliyi uğrunda canlarından keçmiş qəhrəman Vətən övladlarının xatirəsi yad edilib, məzarları üzərinə güllər düzülüb, “Əbədi məşəl” memorialının önünə əklil qoyublar.

Paylaş:
Baxılıb: 968 dəfə

Xəbər lenti

Hamısına bax

İqtisadiyyat

Analitik

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31