Heydər Əliyev
yeni azerbaycan logo

Ana səhifə / Siyasət / Siyavuş Novruzov: Nə Cəmil Həsənli, nə Eldar Namazov, nə də digərləri Azərbaycan cəmiyyətində heç bir nüfuza malik deyillər

Siyavuş Novruzov: Nə Cəmil Həsənli, nə Eldar Namazov, nə də digərləri Azərbaycan cəmiyyətində heç bir nüfuza malik deyillər

20.02.2014 [09:26]

“Bu, müxalifətin yenidən təşkilatlanma ideyası xaricdən gəlir”. Bunu AzNews.az-a açıqlamasında Yeni Azərbaycan Partiyasının (YAP) İcra katibinin müavini, millət vəkili Siyavuş Novruzov deyib.
YAP İcra katibinin müavini “Milli şura”nın sədri Cəmil Həsənli ilə qurumun sabiq icraçı direktoru Eldar Namazov və digər təşkilat üzvləri arasındakı qarşılıqlı ittihamlara da münasibət bildirib: “Milli şura” təsisçiləri arasında qarşılıqlı ittihamların olacağı əvvəlcədən məlum idi. Ora toplanmış insanlar 5-6 partiya dəyişmiş və nəsə axtarışında olan insanlardır. Hesab edirəm ki, onlar demokratiya yox, şəxsi mənfəət əldə etmək məqsədilə bir yerə yığıldılar. Sonra isə mənfəəti bölüşdürə bilmədiklərindən qarşılıqlı ittihamlara başladılar.
İndi də bir-birlərini hörmətsiz edərək, nüfuzlu olmamaqda, yararsızlıqda, iqtidara işləməkdə günahlandırırlar.
Onsuz da nə Cəmil Həsənli, nə Eldar Namazov, nə də digərləri Azərbaycan cəmiyyətində heç bir nüfuza malik deyillər. Bunun da bariz nümunəsi kimi bu günkü vəziyyətlərini göstərmək olar. Onların iç üzü son proseslərdən sonra cəmiyyətə bir daha aydın oldu”.
S.Novruzov beynəlxalq təşkilatların da onlara diqqət ayırmadığını deyib: “Xarici QHT-lərin onlara gizli və ya aşkar maliyyə dəstəyi göstərməsinə baxmayaraq, Azərbaycan cəmiyyətində heç bir nüfuz qazana bilmədilər. Birmənalı demək olar ki, klassik müxalifət kimi adlandırılan bu qurumlar artıq cəmiyyətdə tam nüfuzdan düşüblər”.

Paylaş:
Baxılıb: 903 dəfə

Xəbər lenti

Hamısına bax

Mədəniyyət

Dünya

YAP xəbərləri

İqtisadiyyat

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31