Professor Əli Həsənov: Azərbaycan Respublikasının ekoloji təhlükəsizlik siyasəti uğurla həyata keçirilir

Bakı:

18 °C

72 %

2 m/s

AZ RU EN

Ana səhifə / Siyasət / Professor Əli Həsənov: Azərbaycan Respublikasının ekoloji təhlükəsizlik siyasəti uğurla həyata keçirilir

Professor Əli Həsənov: Azərbaycan Respublikasının ekoloji təhlükəsizlik siyasəti uğurla həyata keçirilir

17.05.2014 [11:15]

Azərbaycan Respublikası Prezidenti Administrasiyasının İctimai-siyasi məsələlər şöbəsinin müdiri, professor Əli Həsənovun “strategiya.az” saytında “Azərbaycan Respublikasının ekoloji təhlükəsizlik siyasəti” adlı məqaləsi yayımlanıb. Məqalənin giriş hissəsində XXI əsrin ən aktual problemlərindən olan, ciddi müzakirə predmetinə çevrilən ekoloji təhlükəsizliyin mahiyyətindən bəhs edilib və bildirilib ki, vaxtında həllini tapa bilməyən və kiçik bir təbiət hadisəsi kimi izah olunan bəzi ekoloji problemlər indi artıq bəşəriyyət qarşısında qlobal, qarşısıalınmaz fəlakətlərlə başa çata biləcək prosesə çevrilib.
Məqalədə Azərbaycanın ekoloji vəziyyətindən və bu sahədə təhlükəsizliyin təmin olunması istiqamətində görülən sistemli işlərdən bəhs edilib. Qeyd olunub ki, Azərbaycanın müstəqillik illərində formalaşdırdığı ekoloji təhlükəsizlik siyasətinin əsas istiqamətlərini respublika ərazisində ekoloji vəziyyətin sağlamlaşdırılması, su ehtiyatlarının çirklənməsinin və torpaqların aşınmasının qarşısının alınması, biomüxtəlifliyin qorunması, yaşıllıqların artırılması, atmosfer havasının mühafizəsi, neft və digər tullantılarla çirklənmiş torpaqların təmizlənməsi, sənaye və məişət tullantılarının idarə olunmasının təkmilləşdirilməsi və s. təşkil edir.
Müəllif qeyd edib ki, müasir dövrdə yaranmış ekoloji və sosial-iqtisadi vəziyyət nəzərə alınaraq, Azərbaycanın ekoloji siyasəti aşağıdakı istiqamətlər üzrə həyata keçirilir:
* ətraf mühitin çirklənməsinin minimuma endirilməsi və onun mühafizəsinin tənzimlənməsi məqsədilə mütərəqqi üsulların tətbiq edilməsi;
* indiki və gələcək nəsillərin tələbatını ödəmək məqsədilə təbii ehtiyatlardan və tükənməyən alternativ enerji mənbələrindən istifadə olunması;
* qlobal ekoloji problemlər üzrə milli səviyyədə tələbatların qiymətləndirilməsi və onların həlli yollarının müəyyənləşdirilməsi və s.
Professor Əli Həsənov antropogen təsirlər nəticəsində çirklənmiş ərazilərin təmizlənməsi, SSRİ dövründən respublikanın sənaye müəssisələri ərazilərində yığılıb qalmış təhlükəli istehsal tullantılarının zərərsizləşdirilməsi, şirin su ehtiyatlarının qorunması və səmərəli istifadəsi, həmçinin, əhalinin ekoloji cəhətdən təmiz içməli su ilə təmin olunması, Xəzərin ekologiyasının qorunması və yaxşılaşdırılması üçün görülən tədbirlərdən yazıb.
“Ekoloji təhlükəsizlik sahəsində vəziyyət və aparılan işlərin qısa təhlilindən aydın olur ki, Azərbaycanın davamlı iqtisadi inkişafı ölkənin ekoloji təhlükəsizliyinin təmin olunmasına, ətraf mühitin mühafizəsi və sağlamlaşdırılmasına, əhalinin sağlamlığının təmin edilməsinə, ardıcıl və səmərəli ekoloji təhlükəsizlik siyasətinin yürüdülməsinə və s. vacib həyati məsələlərin həllinə öz müsbət təsirini göstərmişdir. Hər bir ölkədə ekoloji təhlükəsizliyin təmin olunması yönündə atılan addımlar isə ümumdünya səviyyəsində qlobal ekoloji problemlərin həllinə və bütövlükdə bəşəriyyətin sağlam gələcəyinin təmin olunmasına layiqli töhfəsini verir” - deyə, məqalədə qeyd olunub.
NURLAN

Paylaş:

Baxılıb: 983 dəfə