Yeni Azərbaycan Partiyasının rayon və şəhər təşkilatları sədrlərinin ümumrespublika müşavirəsi keçirilib

Bakı:

28 °C

49 %

10 m/s

AZ RU EN

Ana səhifə / Siyasət / Yeni Azərbaycan Partiyasının rayon və şəhər təşkilatları sədrlərinin ümumrespublika müşavirəsi keçirilib

Yeni Azərbaycan Partiyasının rayon və şəhər təşkilatları sədrlərinin ümumrespublika müşavirəsi keçirilib

19.01.2016 [10:11]

Əli Əhmədov: Ötən il ərzində Azərbaycanın müasirləşməsi, modernləşməsi, beynəlxalq müstəvidə mövqelərinin möhkəmlənməsi istiqamətində uğurlu siyasət həyata keçirilib
Yanvarın 16-da Yeni Azərbaycan Partiyasının rayon və şəhər təşkilatları sədrlərinin ümumrespublika müşavirəsi keçirilib. Müşavirədə 2015-ci ilin yekunları və qarşıda duran vəzifələr müzakirə olunub.
Azərbaycan Respublikası Baş nazirinin müavini, YAP Sədrinin müavini - İcra katibi Əli Əhmədov 2016-cı ilin ölkəmiz, xalqımız və partiyamız üçün uğurlu olmasını arzulayıb. O, əmin olduğunu bildirib ki, bu ildə də partiyamızın yerli strukturları səmərəli fəaliyyət göstərərək ümumi inkişafa öz töhfələrini verəcəklər.
2015-ci ilin ölkəmiz üçün uğurlu il olduğunu deyən YAP Sədrinin müavini qeyd edib ki, ötən il ərzində görülən işlər, əldə olunan nəticələr Prezident İlham Əliyevin Sədrliyi ilə Nazirlər Kabinetinin 2015-ci ilin sosial-iqtisadi inkişafının yekunlarına və qarşıda duran vəzifələrə həsr olunmuş iclasında geniş müzakirə olunub: “Belə ki, ötən il ərzində iqtisadiyyatda inkişaf meyilləri müşahidə olunub, ən başlıcası, əhalinin sosial təminatı ilə əlaqədər hökumətin müəyyənləşdirdiyi layihələr ardıcıl surətdə həyata keçirilib və bu sahədə hər hansı layihə təxirə salınmayıb. Bu, 2015-ci ilin bütövlükdə dəyərləndirilməsi ilə əlaqədar istinad edəcəyimiz ən güclü arqumentlərdən biridir. Prezidentimizin siyasətində sosial məsələlər mühüm əhəmiyyət kəsb edir və bu baxımdan da 2015-ci ildə nəzərdə tutulan proqramlar ardıcıl surətdə yerinə yetirilib. 2015-ci il ölkəmizdə “Kənd təsərrüfatı ili” elan olunmuşdu və bu il çərçivəsində də kənd təsərrüfatının inkişafı üçün mühüm tədbirlər həyata keçirilib. Bunun nəticəsində də il ərzində bu sahədə də inkişaf baş verib. Görülən işlər əsasında gələcəkdə kənd təsərrüfatının iqtisadiyyatımızda daha önəmli yer tutması üçün ciddi bir bazanın yaradılması haqda fikir bildirmək mümkündür. Bütövlükdə, abadlaşma, müasirləşmə sahəsində siyasət ötən il də davam edib. Uğurları təkcə Bakıda deyil, regionlarda da görünməkdədir”.
Əli Əhmədov qeyd edib ki, ötən il ərzində Azərbaycanın müasirləşməsi, modernləşməsi, beynəlxalq müstəvidə mövqelərinin möhkəmlənməsi istiqamətində uğurlu siyasət həyata keçirilib. Onun sözlərinə görə, ötən il Birinci Avropa Oyunlarının Azərbaycanda keçirilməsi də ölkəmizin böyük uğurlarından biridir: “Bu hadisə Avropanın nəzərində Azərbaycanın inkişaf etmiş ölkə kimi qəbul olunmasının nəticəsidir. Oyunların yüksək səviyyədə keçirilməsi isə ölkəmizin nə qədər böyük potensiala malik olduğunu bir daha təsdiqlədi, ölkəmizi dünyaya daha yaxşı təqdim etmək üçün vasitə oldu”.
“2015-ci ilin mühüm hadisələrindən biri də parlament seçkiləri oldu. Bu seçkilərdə xalqımız bir daha Prezident İlham Əliyevin siyasətinə səs verdi. Yeni Azərbaycan Partiyası mütəşəkkil qaydada seçki kampaniyası həyata keçirdi və qələbə qazandı. Seçki kampaniyasının uğurlu olmasında təbii ki, partiyanın rayon və şəhər təşkilatlarının fəaliyyətinin də böyük rolu var. Seçki kampaniyasında yerli strukturlarımız səmərəli fəaliyyət göstərdilər, partiyamızın qələbəsi üçün fədakarlıqla çalışdılar. İnanırıq ki, yerli strukturlarımız bundan sonra da üzərlərinə düşən vəzifələri layiqincə yerinə yetirmək üçün səylə çalışacaqlar”, - deyə YAP-ın Sədr müavini vurğulayıb.
Əli Əhmədov qarşıda duran vəzifələrlə əlaqədər partiyanın rayon və şəhər təşkilatlarının rəhbərlərinə tövsiyə və tapşırıqlarını verib.
Müşavirədə YAP İcra katibinin müavini, Dini Qurumlarla İş üzrə Dövlət Komitəsinin sədri Mübariz Qurbanlı iştirak edib.

Paylaş:

Baxılıb: 821 dəfə