Mehriban Vəzir Əli Kərimlinin çirkin oyununu ifşa etdi

Bakı:

28 °C

47 %

11 m/s

Əlaqə

AZ RU EN

Ana səhifə / Siyasət / Mehriban Vəzir Əli Kərimlinin çirkin oyununu ifşa etdi

Mehriban Vəzir Əli Kərimlinin çirkin oyununu ifşa etdi

06.05.2016 [10:08]

Oqtay Gülalıyevin gizli qrupdakı statusunu açıqlayan Mehriban Vəzir “Milli şura”dan qovuldu
Bir neçə gün öncə İctimai Birliklərin Mədən Sənayesində Şəffaflığın Artırılması Koalisiyasının iclasında baş verənlər “Milli şura” adlanan qondarma qurumda toplaşanların hansı simaya malik olduqlarını növbəti dəfə üzə çıxardı. Vətəndaş cəmiyyəti institutlarının birliklərindən biri kimi tanınan Koalisiyada nəzarəti ələ keçirmək, bu qurumun fəaliyyətini siyasi istiqamətlərə yönəltmək istəyən Əli Kərimli və Cəmil Həsənov kimiləri bu dəfə də ifşa olundular.
Belə ki, Mədən Sənayesində Şəffaflığın Artırılması Koalisiyasının şurasına və monitorinq qrupuna keçirilən seçkilərdə üstünlük qazanmağa çalışan radikal ünsürlər ikinci mərhələdə bundan ölkəmizə qarşı öz maraqları üçün istifadə etməyə niyyətləniblər. “Milli şura” adlanan qondarma qurumun Koalisiyadakı “canfəşançısı” Oqtay Gülalıyevin sosial şəbəkədəki gizli qruplarda paylaşdığı status bu çirkin oyunun bütün konturlarını ifşa etdi. Belə ki, məhz “Milli şura”nın koordinasiya şurasının üzvü (artıq keçmiş üzvü) Mehriban Vəzir deyib ki, O.Gülalıyev öz statusunda “Milli şura” üzvlərinin bu qurumun şurasına və monitorinq qrupuna seçilməsini qələbə adlandırıb və açıq şəkildə də bundan siyasi məqsədlər üçün istifadə edəcəklərini bildirib. Vurğulayaq ki, Mədən Sənayesində Şəffaflığın Artırılması Koalisiyasının üzvləri bununla bağlı O.Gülalıyevdən izahat tələb ediblər. O.Gülalıyev də izahat verməkdən boyun qaçırıb. Baş verənlər isə Ə.Kərimli və yandaşlarının növbəti dəfə hansı siyasi kimliyə malik olduğunu ortaya qoyub.
Bunun ardından isə O.Gülalıyevin, dolayısı ilə Əli Kərimlinin və Cəmil Həsənovun mənfur niyyətlərini ifşa etmiş Mehriban Vəzir qondarma şuranın üzvlüyündən “çıxarılıb”. Bu barədə Mehriban Vəzirin özü məlumat verib. Bildirib ki, “Milli şura”nın Koordinasiya Mərkəzinin növbəti iclasında “qurumun əsasnaməsinə və fəaliyyət prinsiplərinə zidd hərəkətlərə yol verdiyinə görə” Koordinasiya Mərkəzi üzvlərinin yekdil qərarı ilə xaric edilib. M.Vəzir özü etiraf edib ki, bu qərar İctimai Birliklərin Mədən Sənayesində Şəffaflığın Artırılması Koalisiyasında tutduğu mövqe ilə, yəni qondarma “şura”nın və onun rəhbərlərinin niyyətlərinin ifşası ilə bağlıdır: “Milli şura”ya verilən yalan-böhtan hesabatın üstünü açdığım üçün məni oradan uzaqlaşdırdılar”.
Bu addım bir daha radikal ünsürlərin əsl simalarını ortaya çıxarır. Özlərini “demokrat” adlandıran, əslində isə fərqli maraqların xidmətçisi qismində Azərbaycan dövlətinin uğurlarına qarşı mübarizədə “beşinci kolon” qismində iştirak edən belələri üçün milli dəyər adlanan məfhumun olmadığı bir daha sübut olundu. Sosial şəbəkələrdəki qapalı qruplarda mənfur oyunlar hazırlayan, hazırkı həssas dövrdə ermənipərəst dairələrin siyasi aləti rolunda çıxış etməyə can atan bu azsaylı dəstə artıq öz tərəfdarları tərəfindən ifşa edilirlər. İfşa edənlərin isə aqibəti eyni olur. M.Vəzir də Razi Nurullayev, Şakir Abbasov və digərləri kimi Ə.Kərimlinin qəzəbinə “düçar” oldu...
Pərviz SADAYOĞLU

Paylaş:

Baxılıb: 861 dəfə