Qarsın "Sərhəd TV" telekanalı: Hər gün Gürcüstan üzərindən Ermənistana 150 türk "TIR" maşını keçir

Bakı:

8 °C

93 %

2 m/s

AZ RU EN

Ana səhifə / Siyasət / Qarsın "Sərhəd TV" telekanalı: Hər gün Gürcüstan üzərindən Ermənistana 150 türk "TIR" maşını keçir

Qarsın "Sərhəd TV" telekanalı: Hər gün Gürcüstan üzərindən Ermənistana 150 türk "TIR" maşını keçir

19.01.2010 [08:49]

Qarsda yayımlanan “Sərhəd TV” telekanalı ilə Ermənistanın Gümrü şəhərində yayımlanan “Lori TV” telekanalı arasında əməkdaşlıq haqqında protokol imzalanıb. APA-nın “Radikal” qəzetinə istinadən yaydığı məlumata görə, əməkdaşlıq çərçivəsində “Sərhəd TV” kanalının əməkdaşları Ermənistana gedərək Gümrü şəhərindən reportajlar hazırlayıblar. Qeyd edək ki, “Sərhəd TV” telekanalının sahibi Qarsın keçmiş bələdiyyə başqanı Naif Əlibəyoğludur. Kanalın proqram rəhbəri Əlican Əlibəyoğlu həyata keçirilən layihənin erməni və türk xalqları arasında problemləri aradan qaldırmağa, iki xalqın bir-birini daha yaxından tanımasına xidmət etdiyini bilıdirib. Ermənistana hər gün Gürcüstandan keçməklə 150 türk “TIR” maşınının keçdiyini deyən Əlibəyoğlu əslində iki ölkə arasında sərhədlərin formal olaraq bağlı olduğunu vurğulayıb: “Ermənistanda mağazalarda satılan malların 80 faizi Türkiyədə istehsal olunmuş mallardır. İki ölkə arasında qarşılıqlı təyyarə uçuşları həyata keçirilir. Sərhədlər simvolik olaraq bağlıdır. Hamı Ermənistanla Azərbaycana arasında problemlərin tezliklə həll olunmasını və sərhədlərin açılmasını gözləyir”.
“Ermənilərlə dostluq” siyasəti yürüdən “Sərhəd TV”nin aparıcısı özgür Toğrul iki ölkənin jurnalistləri arasında dostluq münasibətlərini inkişaf etdirməyi qarşılarına məqsəd qoyduqlarını deyib: “Ermənistandan olan həmkarlarımız Qarsa gəldi, biz ora getdik. Qarşılıqlı etimad mühiti formalaşır. Xüsusilə gənclər məsələlərə daha sülhpərvər prizmadan yanaşır və sərhədlərin açılmasını istəyirlər. Türk və erməni xalqlarının mədəniyyətləri bir-birinə çox bənzəyir. Bu bölgədə münasibətləri inkişaf etdirmək istəyirik”.
“Sərhəd TV” ermənilərlə əməkdaşlıq çərçivəsində yeni proqramlar hazırlanacağını bəyan edib. Qeyd edək ki, kanalın sahibi Naif Əlibəyoğlu Qarsda bələdiyyə başqanı olduğu dövrdə də Ermənistanla sərhədlərin açılması istiqamətində aktiv siyasət yürüdüb. Erməniləri Qarsa dəvət edərək birgə festivallar keçirmək, Qarsda türk-erməni dostluğunu simvolizə edən abidənin ucaldılması, Gümrü və Qars şəhərlərinin qardaşlaşması kimi təşəbbüslər məhz Naif Əlibəyoğlunun adı ilə bağlıdır. Milliyyətcə kürd olan Əlibəyoğlunun Ermənistanla yaxınlaşmağa yönəlik bu təşəbbüslərinə müxtəlif Avropa fondları tərəfindən maddi dəstək verilib.

Paylaş:

Baxılıb: 1048 dəfə