Heydər Əliyev
yeni azerbaycan logo

Ana səhifə / Siyasət / Sübut Əsədov: Azərbaycan Dağlıq Qarabağ münaqişəsinin həllinə hərbi və siyasi vasitələrlə nail oldu

Sübut Əsədov: Azərbaycan Dağlıq Qarabağ münaqişəsinin həllinə hərbi və siyasi vasitələrlə nail oldu

18.12.2020 [08:58]

“Azərbaycan Prezidenti, Ali Baş Komandan İlham Əliyevin rəhbərliyi ilə əldə edilən möhtəşəm qələbəmiz Zəfər paradı ilə təntənəli şəkildə qeyd olundu. Azərbaycanın əldə etdiyi möhtəşəm qələbədən sonra artıq regionda tamamilə yeni vəziyyət mövcuddur”. Bunu “Yeni Azərbaycan”a açıqlamasında Azərbaycan Respublikaçılar Partiyasının sədri Sübut Əsədov deyib.
O bildirib: “Prezident İlham Əliyevin ATƏT-in Minsk qrupunun Fransadan və ABŞ-dan olan həmsədrlərini qəbul edərkən söylədiyi kimi, Ermənistan-Azərbaycan Dağlıq Qarabağ münaqişəsinin həlli regionda vəziyyəti dəyişdirib. Azərbaycan 30 ilə yaxın davam edən münaqişənin həllinə hərbi və siyasi vasitələrlə nail oldu. İşğalçı Ermənistanı döyüş meydanında məğlub edərək, düşməni kapitulyasiya sənədini imzalamağa məcbur etdi. Bölgədə yeni təhlükəsizlik və əməkdaşlıq formatının yaradılması üçün Azərbaycan mühüm işlər gördü. Ona görə də bundan sonra Azərbaycanın regiondakı geosiyasi statusunun və rolunun artacağı şübhəsizdir”.
“BMT-nin Təhlükəsizlik Şurasının qətnamələrininin tam yerinə yetirilməsinə nail olan Azərbaycan bütün dünyaya sübut etdi ki, Dağlıq Qarabağ münaqişəsinin hərbi-siyasi yolla həlli mümkündür. Dövlət başçısının vurğuladığı kimi, müvafiq mandata malik olsa da, ATƏT-in Minsk qrupu 28 il ərzində münaqişənin həllində heç bir rol oynamadı”, - deyə S.Əsədov bildirib.
Q.ZİYƏDDİNOĞLU

Paylaş:
Baxılıb: 467 dəfə

Xəbər lenti

Hamısına bax

İqtisadiyyat

Sosial

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31