Ermənistanın növbəti hərbi cinayəti

Bakı:

25 °C

69 %

15 m/s

Əlaqə

AZ RU EN

Ana səhifə / Siyasət / Ermənistanın növbəti hərbi cinayəti

Ermənistanın növbəti hərbi cinayəti

30.03.2021 [09:04]

Ekspertlərin qeyd etdikləri kimi, hərbi təyinatı olmayan ərazilərin belə minalanması və minalanmış ərazilərin xəritələrinin Azərbaycana verilməməsi beynəlxalq hüquq normalarının kobudcasına pozulmasıdır
Vətən müharibəsində qazanılan qələbə nəticəsində Azərbaycanın ərazi bütövlüyü bərpa olundu. Eyni zamanda, dünya ictimaiyyəti erməni vandalizmi ilə daha yaxından tanış oldu. 30 ilə yaxın işğal altında saxladığı Azərbaycan torpaqlarını xarabalığa çevirən, kəndlərimizi, şəhərlərimizi yerlə-yeksan edən ermənilər müharibədə məğlub olduqdan sonra da öz mənfur xislətlərinə uyğun davranışlarını davam etdirirlər. Belə ki, təcavüzkar ölkənin ötən dövr ərzində işğal altında saxladığı torpaqlara, hətta hərbi təyinatı olmayan ərazilərə belə minalar yerləşdirməsi məlumdur. Lakin işğaldan azad edilmiş Azərbaycan torpaqlarına basdırılmış minaların xəritələri hələ də Azərbaycana verilməyib. Bu isə beynəlxalq konvensiyalara ziddir.
Məsələ ilə bağlı Milli Məclisin deputatı, YAP İdarə Heyətinin üzvü Cavid Osmanov deyib ki, Ermənistan 30 ilə yaxın müddət ərzində işğal altında saxladığı Azərbaycan ərazilərində basdırdığı minaların xəritələrini təqdim etməkdən boyun qaçırmaqla növbəti hərbi cinayət törədir: “10 noyabr razılaşması ilə döyüş əməliyyatları dayandırılandan indiyə qədər həm hərbçilərimiz, həm də mülki insanlarımız mina partlayışları nəticəsində həlak olub, ağır yaralanıblar. Ermənilər öz çirkin xislətlərinə sadiq qalaraq hərbi təyinatı olmayan əraziləri də minalayıblar. Onlar bunu məqsədli şəkildə ediblər. Məqsəd də, təbii ki, daha çox insanın həlak olmasıdır. Azərbaycan 10 noyabr Bəyanatına əsasən, bütün işlərin həyata keçirilməsinə şərait yaratsa da, bir çox məsələlərdə humanistlik göstərsə də, Ermənistan tərəfi bunun əksini nümayiş etdirir. Yəni Ermənistan öz təxribatlarını, cinayət əməllərini davam etdirir. Beynəlxalq qanunlara əsasən, Ermənistan bu xəritələri qarşı tərəfə təqdim etməlidir. Xəritələri verməkdən boyun qaçırmaq beynəlxalq hərbi cinayətdir”.
C.Osmanov qeyd edib ki, Ermənistan minalanmış ərazilərin xəritələrini verməkdən boyun qaçırmaqla həm də işğaldan azad olunan ərazilərdə bərpa işlərini, insanların öz yurdlarına qayıtmasını ləngitməyə çalışır. Onun sözlərinə görə, aydın görünür ki, Ermənistan öz cinayətkar əməllərindən əl çəkmək niyyətində deyil.
Milli Məclisin deputatı, YAP İdarə Heyətinin üzvü Şahin İsmayılov da qeyd edib ki, Ermənistanın bu addımları beynəlxalq qanunlara əsasən, yolverilməzdir. Millət vəkili vurğulayıb ki, 1999-cu ildə qəbul olunmuş beynəlxalq Konvensiyaya görə, piyadalara qarşı minaların tətbiqi, ehtiyatının toplanması, istehsalı və verilməsi qadağan edilib: “2020-ci ilin noyabrın 10-da üçtərəfli Bəyanatı imzalayan, Azərbaycanın işğal altındakı 3 rayonunu döyüşsüz təslim edən Ermənistan əldə olunmuş razılığı pozur. Ermənistanın bu davranışları beynəlxalq hüquq normaları ilə ziddiyyət təşkil edən müharibə cinayətidir. Bütün bunlar bir daha Ermənistanın faşist ideologiyasına xidmət etdiyini təsdiqləyir. Fikrimcə, beynəlxalq ictimaiyyət minalanmış ərazilərin xəritələrinin Azərbaycana verilməməsinə qarşı etiraz səsini ucaltmalıdır”.
Nardar BAYRAMLI

Paylaş:

Baxılıb: 602 dəfə