Türkiyə mediası Yeni Azərbaycan Partiyasının nümayəndə heyətinin Ankaradakı görüşlərini geniş işıqlandırıb

Bakı:

26 °C

64 %

10 m/s

AZ RU EN

Ana səhifə / Siyasət / Türkiyə mediası Yeni Azərbaycan Partiyasının nümayəndə heyətinin Ankaradakı görüşlərini geniş işıqlandırıb

Türkiyə mediası Yeni Azərbaycan Partiyasının nümayəndə heyətinin Ankaradakı görüşlərini geniş işıqlandırıb

09.06.2021 [09:39]

Məlum olduğu kimi, ötən həftə Yeni Azərbaycan Partiyası (YAP) Sədrinin müavini - Mərkəzi Aparatın rəhbəri Tahir Budaqovun rəhbərlik etdiyi nümayəndə heyəti Türkiyənin paytaxtı Ankarada səfərdə olub. Ölkəmizin media orqanları ilə yanaşı, qardaş Türkiyənin aparıcı kütləvi informasiya vasitələri tərəfindən də YAP Sədrinin müavini - Mərkəzi Aparatın rəhbəri Tahir Budaqovun rəhbərlik etdiyi nümayəndə heyətinin qardaş ölkəyə səfəri geniş işıqlandırılıb.
Belə ki, “Anadolu” və “Doğan” xəbər agentlikləri, “Hürriyət”, “Sabah”, “Milliyət”, “Yeni şəfəq”, “Təqvim”, “Ərzurum” kimi Türkiyənin aparıcı qəzetləri, habelə digər media orqanları səfərlə bağlı materiallar yayıblar. Adları qeyd edilən media orqanlarında YAP Sədrinin müavini - Mərkəzi Aparatın rəhbəri Tahir Budaqovun rəhbərlik etdiyi nümayəndə heyətinin Türkiyə Prezidenti, hakim Ədalət və İnkişaf Partiyasının (AKP) Sədri Rəcəb Tayyib Ərdoğan tərəfindən qəbulu, həmçinin AKP Sədrinin birinci müavini, Türkiyə Böyük Millət Məclisinin üzvü Numan Kurtulmuş, Ədalət və İnkişaf Partiyası Sədrinin beynəlxalq məsələlər üzrə müavini Əfkan Ala, Ədalət və İnkişaf Partiyası Sədrinin müavini, Türkiyə Respublikasının sabiq Baş naziri Binəli Yıldırım ilə görüşləri, eləcə də iki qardaş ölkənin hakim siyasi partiyaları arasında əməkdaşlığa dair niyyət protokolunun imzalanması öz əksini tapıb.
Səfərlə bağlı xəbərlərdə nümayəndə heyətinin Türkiyə Prezidenti Rəcəb Tayyib Ərdoğan tərəfindən qəbuluna, eyni zamanda, qəbul zamanı qardaş ölkənin dövlət başçısının Ədalət və İnkişaf Partiyası ilə Yeni Azərbaycan Partiyası arasında əlaqələrin inkişafının vacibliyi barədə fikirlərinə geniş yer verilib. Materiallarda qeyd edilib ki, Prezident Rəcəb Tayyib Ərdoğan iki hakim partiya arasında əməkdaşlığın genişləndirilməsinin tərəflər üçün olduqca faydalı olacağına əminliyini ifadə edib.
Qeyd edək ki, Türkiyənin media orqanları nümayəndə heyətinin bütün görüşlərinə dair xəbər və materiallara geniş yer veriblər. Eyni zamanda, YAP və AKP arasında əməkdaşlığa dair niyyət protokolunun imzalanması mərasimindən sonra YAP Sədrinin müavini - Mərkəzi Aparatın rəhbəri Tahir Budaqovun və AKP Sədrinin birinci müavini Numan Kurtulmuşun birgə mətbuat konfransında səsləndirdikləri fikirlər də mediada geniş əks olunub.
Materiallarda qeyd olunub ki, səfər çərçivəsində keçirilən görüşlərdə iki qardaş ölkənin hakim partiyaları arasında çoxistiqamətli əlaqələrin vəziyyəti yüksək qiymətləndirilib.

Paylaş:

Baxılıb: 613 dəfə