Gültəkin Hacıbəylidən növbəti ermənipərəst mövqe...
30.06.2021 [10:03]
Hər zaman milli maraqlara zidd mövqedə dayanan radikal müxalifət düşərgəsinin təmsilçiləri indi də işğaldan azad olunmuş ərazilərin bərpası, orada aparılan yenidənqurma, bərpa-abadlıq işləri, eləcə də Böyük Qayıdış planı ilə bağlı manipulyasiyalar etməyə çalışırlar. Bu mənada, “fəallığı” ilə seçilən Gültəkin Hacıbəyli də mütəmadi olaraq öz məkrli niyyətinə uyğun yalanlar yaymağa cəhdlər göstərir, qələbəmizə kölgə salmaq üçün dəridən-qabıqdan çıxır. Məsələn, xarici ermənipərəst dairələrin dəstəyi ilə yaradılmış internet kanalına müsahibə verən Gültəkin Hacıbəyli yenidən işğaldan azad edilmiş torpaqlara, daha dəqiq desək Şuşaya qayıdışla bağlı absurd iddialar səsləndirməklə cəmiyyətdə çaşqınlıq yaratmağa cəhd göstərib. Əslində, indiyə qədər istər Şuşada, istərsə də işğaldan azad edilmiş digər torpaqlarda aparılan genişmiqyaslı bərpa-quruculuq işləri, ermənilərin 30 ilə yaxın işğal altında saxladıqları torpaqlarda basdırdıqları minalar haqqında bir kəlmə belə danışmayan G.Hacıbəylinin birdən-birə məskunlaşma və qayıdış məsələsi ilə bağlı reallığa uyğun olmayan “fikir”lər səsləndirməsi heç də təsadüfi deyil. Yəni bu, onu göstərir ki, radikal ünsürlər xaricdəki ermənipərəst mərkəzlərdən növbəti sifariş alıblar.
Məsələ ilə bağlı fikirlərini bölüşən Milli Məclisin deputatı Müşfiq Məmmədli bildirib ki, radikal müxalifət nümayəndələrinin Şuşa və digər işğaldan azad edilmiş regionlarda aparılan bərpa-quruculuq işlərinə qara yaxması, qayıdış və məskunlaşma ilə bağlı aparılan fəaliyyətə kölgə salmaq cəhdləri yolverilməzdir. Onun sözlərinə görə, Azərbaycan dövləti bu işləri yüksək təhlükəsizlik şəraiti yaratmaqla davam etdirir: “Həmin regionlarda ermənilər tərəfindən çoxsaylı minalar basdırılıb və ilkin mərhələdə bərpa-quruculuq işləri ilə paralel olaraq həm də minatəmizləmə işləri görülməkdədir. Bilindiyi kimi, ermənilər yalnız Ağdamda 97 min mina basdırıblar və onlar təmizlənməlidir. Bununla yanaşı, Azərbaycan dövləti işğaldan azad edilmiş torpaqlara böyük qayıdışın reallaşması ilə bağlı mühüm addımlar atmaqdadır”.
Millət vəkili onu da deyib ki, radikal düşərgə təmsilçiləri məskunlaşma ilə bağlı manipulyasiya etməyə çalışması qərəzdən xəbər verir: “Görəsən, radikal müxalifət təmsilçiləri bir dəfə də olsun erməni vandalizmi və ya işğaldan azad edilmiş torpaqlarda ermənilərin basdırdıqları minalarla bağlı açıqlama veriblərmi? Bu fakt öz yalanları ilə Azərbaycanın həyata keçirdiyi məqsədyönlü tədbirlərə qara yaxmağa çalışanların məhz erməniləri himayə edən dairələrin sifarişləri ilə danışdıqlarının göstəricisidir”.
Milli Məclisin deputatı Vüqar İskəndərov da radikalların yalan kampaniyalarının xaricdəki ermənipərəst mərkəzlərin tezisləri ilə eynilik təşkil etdiyini dilə gətirib. Onun sözlərinə görə, sosial şəbəkələrdə radikal müxalifətin apardığı kampaniyalardan bəlli olur ki, Azərbaycan dövlətinin 30 ilə yaxındır öz torpaqlarında yaşamaq hüququ əlindən alınmış insanların doğma yurd-yuvalarında təhlükəsiz yaşamasını təmin etməsi bir erməni revanşistlərini, bir də radikal müxalifəti narahat edir: “Dövlətimiz işğaldan azad olunmuş şəhər və rayonlarımızın bərpası ilə bağlı planlı iş aparır. “2021-2025-ci illərə dair sosial-iqtisadi inkişaf Strategiyası”nın hazırlanması məqsədilə işğaldan azad olunmuş ərazilərə böyük qayıdış üzrə dayanıqlı məskunlaşma və iqtisadi fəaliyyətə reinteqrasiya üzrə alt İşçi Qrup fəaliyyət göstərir. Erməni vandalizmi nəticəsində xarabalığa çevrilmiş həmin ərazilərimiz qısa zamanda dirçələcək və orada yaşamaq üçün infrastruktur yaradılacaq”.
Vüqar İskəndərov əlavə edib ki, bütün bu görülən işləri görməzdən gələn radikal müxalifət təmsilçilərinin davranışları onların dövlət, xalq mənafeyinə uyğun deyil, xarici sifarişlər əsasında fəaliyyət göstərdiklərini bir daha təsdiqləyir.
Pərviz SADAYOĞLU
Xəbər lenti
Hamısına bax
Dünya
16 May 23:17
Sosial
16 May 22:23
Sosial
16 May 21:54
Dünya
16 May 21:40
Dünya
16 May 20:29
Dünya
16 May 19:16
Dünya
16 May 18:33
Sosial
16 May 17:22
Sosial
16 May 16:48
Siyasət
16 May 15:50
Sosial
16 May 14:27
Gündəm
16 May 13:05
Gündəm
16 May 12:21
Gündəm
16 May 11:59
Siyasət
16 May 11:36
İqtisadiyyat
16 May 11:14
Sosial
16 May 10:53
Analitik
16 May 10:30
Analitik
16 May 10:17
Ədəbiyyat
16 May 09:58
Analitik
16 May 09:31
Sosial
16 May 09:15
Ədəbiyyat
16 May 08:50
Ədəbiyyat
16 May 08:33
Dünya
15 May 23:35
Dünya
15 May 23:17
Gündəm
15 May 23:14
Sosial
15 May 22:40
Mədəniyyət
15 May 22:31
Dünya
15 May 22:18
Elm
15 May 21:56
Sosial
15 May 21:23
Sosial
15 May 21:10
Dünya
15 May 20:45
İqtisadiyyat
15 May 20:32
Dünya
15 May 20:19
Sosial
15 May 19:53
Sosial
15 May 19:30
Dünya
15 May 19:17
Ədəbiyyat
15 May 18:55
Dünya
15 May 18:45
Sosial
15 May 18:10
Sosial
15 May 17:55
Gündəm
15 May 17:48
Dünya
15 May 17:34
Dünya
15 May 16:58
Dünya
15 May 16:26
Sosial
15 May 16:14
Sosial
15 May 16:04
Siyasət
15 May 16:03
Siyasət
15 May 16:02
Dünya
15 May 15:50
Gündəm
15 May 15:45
Siyasət
15 May 15:40
Mədəniyyət
15 May 15:39
Dünya
15 May 15:19
YAP xəbərləri
15 May 15:15
YAP xəbərləri
15 May 15:05
Dünya
15 May 14:46
Gündəm
15 May 14:30
Dünya
15 May 14:22
Elanlar
15 May 13:57
Sosial
15 May 13:55
Dünya
15 May 13:51
Dünya
15 May 13:47
Mədəniyyət
15 May 13:46
Xəbər lenti
15 May 13:42
Dünya
15 May 13:17
Gündəm
15 May 12:42
Sosial
15 May 12:41
