Mübariz Qurbanlı: 2010-cu ildə Azərbaycan beynəlxalq müstəvidə ciddi uğurlar qazanıb

Bakı:

26 °C

56 %

11 m/s

Əlaqə

AZ RU EN

Ana səhifə / Siyasət / Mübariz Qurbanlı: 2010-cu ildə Azərbaycan beynəlxalq müstəvidə ciddi uğurlar qazanıb

Mübariz Qurbanlı: 2010-cu ildə Azərbaycan beynəlxalq müstəvidə ciddi uğurlar qazanıb

06.01.2011 [12:26]

“2010-ci il Azərbaycan üçün uğurlu il olub. Azərbaycan Prezidentinin xalqımıza etdiyi yeni il təbrikində qazanılmış uğurlar barədə geniş məlumat verilib. Belə ki, ölkəmizin sosial, iqtisadi, siyasi sahədəki uğurlarla bərabər beynəlxalq miqyasda əldə etdiyi uğurlar da xüsusi qeyd olunub”. Bu fikirləri yap.org.az saytına açıqlamasında YAP İcra katibinin müavini, Milli Məclisin deputatı Mübariz Qurbanlı deyib.
M.Qurbanlı bildirib ki, 2010-cu il beynəlxalq münasibətlər sistemində Azərbaycanın mövqeyinin daha da gücləndirilməsi baxımdan əhəmiyyətlidir. Onun sözlərinə görə, ötən il ərzində Ermənistanın Azərbaycana təcavüzü nəticəsində yaranmış olan Dağlıq Qarabağ münaqişəsinin sülh yolu ilə həlli istiqamətində Prezidentimizin uğurlu siyasəti davam edib.
“Diplomatik müstəvidə bir sıra sənədlərin Azərbaycanın xeyrinə qəbul edilməsinə nail olmuşuq. ATƏT, Avropa Şurası, BMT, İslam Konfransı Təşkilatı, EKO, MDB və digər beynəlxalq və regional qurumlarda Ermənistanın Azərbaycana təcavüzünü ittiham edən və işğal olunmuş ərazilərin azad edilməsinə çağırış edən sənədlər qəbul edilib. Bu sənədlər sırasında NATO-nun Lissabon sammiti zamanı qəbul olunmuş qətnaməni xüsusi qeyd etmək lazımdır. NATO-nun müasir dünyamızda yeri və rolu hamıya bəllidir. Bu təşkilatın beynəlxalq münasibətlər sistemində hadisələrə də təsiri böyükdür. Həmin sənəddə Azərbaycanın ərazi bütövlüyünün müdafiə olunması 2010-cu il ərzində diplomatik sahədə ən ciddi uğurlardan biridir. Bu sənədin qəbul edilməsi Ermənistanda təşvişlə qarşılandı” deyə M.Qurbanlı vurğulayıb.
YAP İcra katibinin müavini bildirib ki, ATƏT-in Astana sammitində də ölkəmizin maraqlarına uyğun bəyanatlar verilib. Onun sözlərinə görə, Azərbaycan ötən il BMT-nin Baş Məclisinə də Ermənistanın təcavüzü ilə bağlı sənədlər təqdim edib. Bu fakt diplomatik baxımdan ölkəmizin manevr imkanlarının genişliyini nümayiş etdirib. “Prezident İlham Əliyevin 2010-cu il ərzində bir sıra ölkələrə səfərləri, eləcə də Azərbaycana bəzi dövlət başçılarının səfərləri, ikitərəfli və çoxtərəfli əlaqələrimizin inkişafı baxımından əhəmiyyətli rol oynayıb. Eyni zamanda, qeyd etmək istəyirəm ki, inkişaf baxımından Azərbaycan Ermənistanı dəfələrlə üstələyib. Hazırda Ermənistanda 1,8 milyon insan qalıb. İşğalçı ordu ilə birlikdə Dağlıq Qarabağda 45-50 min əhali yaşayır. Bir sözlə, Ermənistanla müqayisədə üstünlüyümüz 10 dəfə çoxdur” deyən M.Qurbanlı vurğulayıb ki, 2011-ci ildə də Azərbaycanın Ermənistana qarşı təzyiq siyasəti davam edəcək.

Paylaş:

Baxılıb: 1060 dəfə