Rumıniyalı gənclər ölkəmizdə səfərdədirlər

Bakı:

27 °C

47 %

3 m/s

Əlaqə

AZ RU EN

Ana səhifə / Siyasət / Rumıniyalı gənclər ölkəmizdə səfərdədirlər

Rumıniyalı gənclər ölkəmizdə səfərdədirlər

26.07.2011 [09:22]

Rumıniyanın hakim Demokrat Liberal Partiyası Gənclər Birliyinin nümayəndə heyəti Oğuzda və Şəkidə olub
Yeni Azərbaycan Partiyası (YAP) Gənclər Birliyinin dəvəti ilə ölkəmizdə səfərdə olan Rumıniyanın hakim Demokrat Liberal Partiyası (PDL) Gənclər Birliyinin nümayəndə heyəti iyulun 23-də Fəxri Xiyabana gələrək ümummilli lider Heydər Əliyevin xatirəsini ehtiramla anıb, məzarı önünə gül dəstələri qoyub.
Qonaqlar Şəhidlər Xiyabanını da ziyarət edib, Azərbaycanın müstəqilliyi və ərazi bütövlüyü uğrunda mübarizədə canlarından keçmiş qəhrəman Vətən övladlarının məzarları üstünə tər çiçəklər düzüblər.
Rumıniyalı gənclər iyul ayının 24-də isə Oğuz rayonunda səfərdə olublar. Məlumat üçün bildirək ki, iyulun 24-də Oğuzda Yeni Azərbaycan Partiyası (YAP) Gənclər Birliyinin “Yay məktəbi”nin dördüncü mərhələsi start götürüb.Təlimlərə paytaxtın müxtəlif rayonlarını təmsil edən YAP Gənlər Birliyi (GB) üzvlərindən 50-dən artıq fəal qatılıb. İyulun 3-dən start götürən “Yay məktəbi” lalihəsi respublikanın üç- Oğuz, Qəbələ və Lerik rayonlarında keçirilir.Təlimlərin keçirilməsində əsas məqsəd YAP GB üzlərinin mədəni istirahətini təşkil etmək, gənclərin bir-birləri ilə ünsiyyətini yaxşılaşdırmaq, region gəncləri ilə paytaxt gəncləri arasında əlaqələri möhkələndirmək, gənclərin elmi, intellektual potensialının yüksəldilməsinə xidmət edən yarışları, idman oyunlarını, digər tədbirləri keçirməkdir. “Yay məktəbi”nin rəsmi açılışında YAP Sədrinin müavini - İcra katibi, Milli məclisin üzvü Əli Əhmədov, millət vəkilləri, müvafiq dövlət strukturlarının rəsmiləri iştirak ediblər.
İyulun 24-də “Yay məktəbi”nin iştirakçıları Oğuz rayon mərkəzində Ulu öndər Heydər Əliyevin adını daşıyan parka gəliblər, burada ümumilli liderin xatirəsinə ucaldılan abidənin önünə tər çiçək dəstələri düzüblər.
Tədbirdə YAP-ın mətbuat xidmətinin rəhbəri, partiyanın Siyasi Şurasının üzvü Hüseyn Paşayev, “Səs” qəzetinin baş redaktoru Bəhruz Quliyev, YAP Oğuz rayon təşkilatının sədri Saleh Məhərrəmov, YAP GB-nin sədri Seymur Orucov və Oğuz rayon İcra Hakimiyyətinin rəsmiləri iştirak ediblər.
Həmin gün Azərbaycanda səfərdə olan Rumıniyanın hakim Liberal-Demokrat Partiyasının gənc üzlərindən ibarət nümayəndə heyəti də Oğuz rayonuna səfərə gəliblər. “Afra” hotelinin önündə YAP gəncləri Rumıniyadan olan həmkarlarını gül-çiçəklə qarşılayıblar.
Sonra Oğuz Olimpiya Kompleksində YAP və PDL gənclər təşkilatları arasında mini-futbol üzrə yoldaşlıq matçı təşkil olunub. Gərgin mübarizə şəraitində keçən qarşılaşmanın birinci hissəsində YAP gəncləri daha fəallıq göstəriblər.
Birinci hissə 1-0 hesabı ilə “meydan sahibləri”nin xeyrinə başa çatıb.
İkinci hissədə qonaqlar fəallıqlarını artırıblar və rəqibi oyunu mərkəzdən başlamağa məcbur ediblər. Az sonra YAP gəncləri də qonaqlara eyni “jest”lə cavab veriblər.
Hakimin final fiti səslənənədək YAP gəncləri hesabdakı malik olduqları üstünlüyü qoruya biliblər. Yoldaşlıq görüşü elə 2-1 hesabı ilə də başa çatıb.
Sonra Oğuz rayonunda YAP Gənclər Birliyinin “Yay məktəbi”nin iştirakçıları “Gənclik və müasirlik” adlı seminar keçiriblər.
Qonaqlar isə Şəkiyə səfər ediblər.
Səlim Loğmanoğlu

Paylaş:

Baxılıb: 1037 dəfə