Heydər Əliyev
yeni azerbaycan logo

Ana səhifə / Sosial / Qəbələdə 31 - mart Azərbaycanlıların Soyqırımı Gününə həsr olunan tədbir keçirilib

Qəbələdə 31 - mart Azərbaycanlıların Soyqırımı Gününə həsr olunan tədbir keçirilib

01.04.2014 [09:11]

Qəbələ rayon İcra Hakimiyyətinin təşkilatçılığı ilə rayon Mədəniyyət mərkəzində 31 mart-Azərbaycanlıların Soyqırımı Günü münasibəti ilə tədbir keçirilib. Öncə tədbir iştirakçıları soyqırımı qurbanlarının xatirəsini bir dəqiqəlik sükutla yad ediblər. Tədbiri giriş sözü ilə açan Qəbələ rayon İcra Hakimiyyəti başçısının müavini, ictimai-siyasi və humanitar məsələlər şöbəsinin müdiri Ətayə Osmanova ermənilərin zaman-zaman Azərbaycan xalqına, türk millətinə, müsəlmanlara qarşı törətdikləri cinayətlərdən danışıb, bu təcavüzün bu gün də davam etdiyini bildirib. Qeyd edilib ki, ermənilər bu gün dünyaya özlərini məzlum bir xalq kimi təqdim etmək istəyirlər: “Amma hər bir kəs bilməlidir ki, Azərbaycana, xalqımıza qarşı ermənilər tərəfindən dəhşətli soyqırımları törədilib. Sovet dövründə tarixin saxtalaşdırılmasına cəhd göstərərək bu hadisələri gizli saxlamağa çalışan ermənilər müəyyən dövrdə öz istəklərinə çatmışdılar. Amma müstəqillik əldə etdikdən sonra, Ümummilli liderimiz Heydər Əliyevin səyi nəticəsində bu soyqırımı əsl qiymətini aldı. 1998-ci ildə Ulu öndər tərəfindən imzalanan Fərmana əsasən 31 mart hər il Azərbaycanlıların Soyqırımı Günü kimi qeyd olunur”.
Daha sonra Yeni Azərbaycan Partiyası Qəbələ rayon təşkilatı Gənclər Birliyinin sədri Ramil Qəribov geniş məruzə ilə çıxış edib. O, XX əsrdə ermənilər tərəfindən Azərbaycan xalqına qarşı törədilmiş qətliamların, vəhşiliklərin tarixindən bəhs açıb. Vurğulanıb ki, xalqımızın qan yaddaşına çevrilən 31 mart heç zaman unudulmayacaq. Natiq bildirib ki, Ümummilli liderimiz Heydər Əliyev ermənilərin törətdikləri bu soyqırımla bağlı həqiqətlərin dünyaya çatdırılmasında böyük işlər görüb və bu gün də həmin siyasi kurs Prezident İlham Əliyev tərəfindən davam etdirilir.
Tədbirdə Qəbələ rayon Mədəniyyət və turizm şöbəsinin inspektoru Anar Rüstəmli, Təhsil şöbəsinin nümayəndəsi Arifə Bayramova, o cümlədən, ictimaiyyət adından Qüdrət Səmədov və digərləri çıxış ediblər.
Pərviz SADAYOĞLU

Paylaş:
Baxılıb: 917 dəfə

Xəbər lenti

Hamısına bax

Analitik

Xəbər lenti

YAP xəbərləri

MEDİA

Siyasət

Gündəm

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30