Daşkəsəndə 15 İyun- Milli Qurtuluş Günü münasibətilə tədbir keçirilib

Bakı:

19 °C

72 %

2 m/s

Əlaqə

AZ RU EN

Ana səhifə / Sosial / Daşkəsəndə 15 İyun- Milli Qurtuluş Günü münasibətilə tədbir keçirilib

Daşkəsəndə 15 İyun- Milli Qurtuluş Günü münasibətilə tədbir keçirilib

14.06.2014 [10:26]

Daşkəsən rayonunda 15 İyun - Milli Qurtuluş Günü silsilə tədbirlərlə qeyd edilib. Daşkəsən rayon İcra Hakimiyyəti başçısının təsdiq etdiyi tədbirlər planına uyğun olaraq, rayonun bütün idarə, müəssisə və təşkilatlarında, ümumtəhsil məktəblərində, mədəni-maarif, səhiyyə müəssisələrində, bir sözlə, bütün yaşayış məntəqələrində toplantılar, “dəyirmi masalar” keçirilib, ümumtəhsil məktəblərindən şagird və müəllim kollektivlərinin rayonun Heydər Əliyev Mərkəzinə ekskursiyaları təşkil olunub. Yaşayış məntəqələrinin hər birində bu əlamətdar gün münasibətilə iməciliklər keçirilib, ərazilərin abadlaşdırılması və yaşıllaşdırılması işləri aparılıb.
Növbəti tədbirlər isə dünən baş tutub. Əvvəlcə tədbir iştirakçıları Ulu öndər Heydər Əliyevin rayon mərkəzindəki abidə kompleksini ziyarət edərək önünə gül-çiçək dəstələri düzüb, Heydər Əliyev Mərkəzində olublar.
Daha sonra “Yeni həyat” sarayında keçirilən tədbirdə çıxış edən rayon İcra Hakimiyyətinin başçısı Əhəd Abıyev deyib ki, 1991-ci il oktyabr ayının 18-də Azərbaycan özünün dövlət müstəqilliyi haqqında Konstitusiya aktı qəbul etdi. Lakin bu müstəqilliyi, azadlığı daxili və xarici düşmənlərimiz hər vasitə ilə boğmağa, müstəqil Azərbaycan Respublikasını iflic vəziyyətə salmağa çalışırdılar: “Bir tərəfdən Dağlıq Qarabağ müharibəsi, digər tərəfdən daxildəki özbaşınalıqlar, mövcud siyasi qarşıdurmalar ölkədə müstəqilliyi günbəgün məhvə aparırdı. Belə bir məqamda Ümummilli liderimiz Heydər Əliyev 1993-cü ilin iyun ayında xalqın təkidli xahiş və tələbindən sonra Bakıya gəldi. Ulu öndər öz çıxışında sonralar belə qeyd edirdi: “Müstəqilliyi elan etmək asan, ancaq onu qorumaq olduqca çətindir. Mən bir vətəndaş kimi də, Prezident kimi də Azərbaycan dövlətinin keşiyində durmuşam, duracağam. Bu yolda hər gün, hər an şəhid olmağa hazıram”.
Əhəd Abıyev deyib ki, Azərbaycan bu gün həm siyasi, həm də iqtisadi cəhətdən dünyanın qüdrətli dövlətlərindən birinə çevrilib. İqtisadi artım tempinə görə ölkəmiz nəinki regionda, həm də dünyada lider mövqeyə çatıb. Regionda heç bir irimiqyaslı layihə Azərbaycanın iştirakı və razılığı olmadan həyata keçirilmir. Azərbaycan Prezidenti İlham Əliyevin Ulu öndərimiz Heydər Əliyevin inkişaf strategiyasını uğurla davam etdirməsi xalqımıza, ölkəmizin müstəqilliyinə yeni-yeni nailiyyətlər bəxş edib. Azərbaycan təkcə regionun deyil, eləcə də dünyanın lider dövlətləri sırasına çıxıb.
Ümumrayon tədbiri rayonun tanınmış incəsənət ustalarının musiqi nömrələri ilə davam etdirilib.

Paylaş:

Baxılıb: 1251 dəfə