Heydər Əliyev
yeni azerbaycan logo

Ana səhifə / Sosial / Masallıda təşkil edilmiş yay düşərgəsinin ikinci günü maraqlı tədbirlərlə zəngin olub

Masallıda təşkil edilmiş yay düşərgəsinin ikinci günü maraqlı tədbirlərlə zəngin olub

25.07.2014 [10:06]

Masallı rayonundakı “Viləş” hotelində Dünya Təbiəti Mühafizə Fondunun (WWF) Azərbaycan Nümayəndəliyinin, IDEA (Ətraf Mühitin Mühafizəsi Naminə Beynəlxalq Dialoq) İctimai Birliyinin, Heydər Əliyev Mərkəzinin və Təhsil Nazirliyinin birgə təşkilatçılığı ilə həyata keçirilən “Qafqaz bəbirlərinin (Panthera pardus) mühafizəsi” layihəsi çərçivəsində “Bəbirləri qoruyaq!” yay düşərgəsinin ikinci günü maraqlı tədbirlərlə zəngin olub.
AzərTAc xəbər verir ki, Masallı, Cəlilabad və Yardımlı rayonlarından olan 30-dan çox məktəblinin iştirak etdiyi yay düşərgəsinin əsas məqsədi Qafqaz bəbirlərinin məskunlaşdıqları yerlərin yaxınlığında yaşayan məktəbliləri bu nadir heyvan növü haqqında məlumatlandırmaq və onun mühafizəsi işini təbliğ etməkdir.
Düşərgənin ikinci günündə məktəblilər hidrobioloji tədqiqatlar apararaq suyun çirklənmə dərəcəsini təyin ediblər. Bu məqsədlə Vudvisin bioindeks metodundan istifadə olunaraq suda yaşayan onurğasızları təyin edilib, xüsusi cədvəl vasitəsilə çirklənmə dərəcəsi müəyyənləşdirilib.
Günün ikinci yarısında yaxınlıqdakı meşə ərazisinə ekskursiya təşkil olunub. Dəstə üzvləri qruplara bölünərək ərazidəki ağac növlərini, onların yaşını, hündürlüyünü, diametrini və ekoloji vəziyyətini təyin ediblər.
Təhsil Nazirliyinin Respublika Ekoloji Tərbiyə və Təcrübəçilik Mərkəzi direktorunun müavini Lalə Dadaşova qeyd edib ki, bu göstəricilər əsasında insanın təsərrüfat fəaliyyətinin ətraf mühitə təsiri qiymətləndirilib və məktəblilər bəbirin yaşadığı mühitin qorunmasının əhəmiyyətini bir daha dərk ediblər.
Daha sonra iştirakçılar “Gənc ekoloqlar”, “Gənc meşəçilər”, “Gənc zooloqlar” dəstələrinə bölünərək “Bəbirin həyatı” adlı viktorinaya qatılıblar.
Dünya Təbiəti Mühafizə Fondunun Azərbaycan Nümayəndəliyinin əməkdaşı Sevinc Saruxanova qeyd edib ki, məktəblilər viktorinada bəbirlərin həyat tərzi, yaşadığı ərazilər, azalması səbəbləri və qorunması yolları barədə sualları cavablandıraraq düşərgə müddətində əldə etdikləri bilikləri fəal şəkildə nümayiş etdiriblər.
Sonda viktorina və rəsm müsabiqəsinin qaliblərinə hədiyyələr təqdim edilib.

Paylaş:
Baxılıb: 839 dəfə

Xəbər lenti

Hamısına bax

İqtisadiyyat

YAP xəbərləri

Gündəm

Analitik

Xəbər lenti

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30