Binəqədi rayonu da yeni tədris ilinə uğurlarla qədəm qoyub

Bakı:

19 °C

77 %

3 m/s

Əlaqə

AZ RU EN

Ana səhifə / Sosial / Binəqədi rayonu da yeni tədris ilinə uğurlarla qədəm qoyub

Binəqədi rayonu da yeni tədris ilinə uğurlarla qədəm qoyub

18.09.2014 [09:56]

Rayonda 2013-2014-cü dərs ilinin yekunları və yeni tədris ilində qarşıda duran vəzifələrə həsr olunmuş Şura iclası keçirilib
Ölkənin hər yerində olduğu kimi, Bakının Binəqədi rayonunda da yeni tədris ilinə hazırlıq yüksək səviyyədə həyata keçirilib. Bunu sözügedən sahədə atılan addımlar və keçirilən silsilə tədbirlər də təsdiqləyir. Belə ki, rayonda 2013-2014-cü dərs ilinin yekunları və yeni tədris ilində qarşıda duran vəzifələrə həsr olunmuş Şura iclası keçirilib. Tədbirdə Binəqədi rayon İcra Hakimiyyəti başçısının müavini Vüsar İsmayılov, Bakı şəhəri üzrə Təhsil İdarəsi müdirinin müavini Hüseyn Əsgərov, Bakı Pedaqoji Kadrların İxtisasartırma və Yenidənhazırlanma İnstitutunun rektoru, Binəqədi rayon Ziyalılar Cəmiyyətinin sədri Asəf Zamanov, rayon hüquq-mühafizə orqanlarının, icra strukturlarının və tədris müəssisələrinin rəhbərləri, həmçinin, ali məktəblərə qəbul zamanı yüksək nəticə göstərmiş orta məktəb məzunları və rayon ictimaiyyətinin nümayəndələri iştirak ediblər.
Tədbir iştirakçıları və qonaqlar öncə Ulu öndər Heydər Əliyevin Binəqədi rayon İcra Hakimiyyətinin binasındakı büstü önünə gül dəstələri qoyub, dahi şəxsiyyətin ruhuna öz dərin ehtiramlarını bildiriblər.
Şura iclasını giriş nitqi ilə açan Binəqədi RİH başçısının müavini Vüsar İsmayılov Ulu öndər Heydər Əliyevin Azərbaycan təhsilinin inkişafındakı əvəzsiz xidmətlərindən, bu gün Prezident İlham Əliyevin təhsil sahəsində apardığı uğurlu siyasətdən danışıb. O, Azərbaycanda təhsilə qayğının ən yüksək səviyyədə olduğunu, bu sahədə həyata keçirilən islahatların, ilk növbədə, ölkəmizin xoşbəxt gələcəyinə hesablandığını diqqətə çatdırıb.
Sonra Binəqədi RİH başçısı Aparatının İctimai-siyasi və humanitar məsələlər şöbəsinin müdiri Nuridə Allahyarova “Binəqədi rayonunda 2013-2014-cü dərs ilinin yekunları və yeni tədris ilində qarşıda duran vəzifələr” mövzusunda məruzə ilə çıxış edib.
Tədbir 18 saylı Bakı Peşə Liseyinin direktoru Rəhim Ağamalıyev, 284 saylı tam orta məktəbin ali məktəblərə qəbul zamanı yüksək nəticə göstərmiş məzunu Elnarə Rüstəmzadə, həmçinin, 126 saylı tam orta məktəbi qızıl medalla bitirmiş və ali məktəblərə qəbul zamanı yüksək nəticə göstərmiş məzun Rasim Həsənzadənin çıxışları ilə davam edib.
Öz növbəsində, Bakı şəhəri üzrə Təhsil İdarəsinin müdir müavini Hüseyn Əsgərov çıxışında hazırda ölkəmizdə dünya standartlarına cavab verə biləcək səviyyədə, yüksək keyfiyyətli təhsil almaq üçün dövlət tərəfindən hərtərəfli şərait yaradıldığını bildirib.
Tədbirin sonunda ali məktəblərə qəbul zamanı yüksək nəticələr göstərmiş məzunlar Binəqədi rayon İcra Hakimiyyəti tərəfindən təltif olunublar.
Sentyabrın 15-də isə rayonun ümumtəhsil məktəblərində yeni dərs ilinin başlanması münasibətilə bayram tədbirləri keçirilib. 182 saylı tam orta məktəbdə keçirilən bayram tədbirində iştirak edən Binəqədi rayon İcra Hakimiyyəti başçısının müavini Aygün Əliyeva məktəbliləri, valideyn və müəllimləri təbrik edib, onlara yeni dərs ilində uğurlar arzulayıb. Ötən tədris ilinin də Binəqədi rayonu üçün uğurlu olduğunu diqqətə çatdıran natiq ali məktəblərə qəbul imtahanlarında rayon məktəblilərindən 75 nəfərin 600-dən yuxarı bal toplayaraq yüksək nəticələr göstərdiyini vurğulayıb. A.Əliyeva bütün bu uğurların əsasında təhsilə göstərilən dövlət qayğısının dayandığını bildirib. Prezident İlham Əliyevin iştirakı ilə 182 saylı tam orta məktəb binasının yeni korpusunun açılışının rayon təhsil işçiləri və məktəbliləri üçün əlamətdar hadisə kimi yadda qaldığını diqqətə çatdıran RİH başçısının müavini “təhsil sahəsində şahidi olduğumuz nailiyyətlər dövlətimizin başçısı İlham Əliyevin ardıcıl, məqsədyönlü və Azərbaycanın gələcək inkişaf perspektivlərinə hesablanmış təhsil strategiyasından qaynaqlanır”, - deyib.
Mərasimdən sonra Aygün Əliyeva birincilərin ilk dərsinin gedişi ilə tanış olub. Tədbirin sonunda rayon sakini olan bir qrup aztəminatlı ailələrdən olan şagirdlərə məktəbli forması, çanta və məktəb ləvazimatları paylanıb.
Nadir AZƏRİ

Paylaş:

Baxılıb: 1277 dəfə