Heydər Əliyev
yeni azerbaycan logo

Ana səhifə / Sosial / Müstəqillik Günü münasibətilə tədbir-sərgi təşkil edilib

Müstəqillik Günü münasibətilə tədbir-sərgi təşkil edilib

17.10.2014 [09:19]

Azərbaycan bir əsrdə iki dəfə müstəqillik qazanıb. Çox təəssüf ki, Azərbaycan Xalq Cümhuriyyətinin ömrü uzun olmadı. 1991-ci il oktyabrın 18-də Müstəqillik haqqında Konstitusiya Aktının qəbul olunması ilə respublikamız yenidən müstəqilliyini bərpa edib.
AzərTAc xəbər verir ki, bu fikirləri oktyabrın 16-da Azərbaycan İstiqlal Muzeyinin ekspozisiyasında dövlət müstəqilliyimizin bərpasının 23-cü ildönümünə həsr olunmuş “Yaşa, var ol hər zaman, doğma Vətən - Azərbaycan!” mövzusunda tədbir-sərgidə muzeyin direktoru Fəridə Şəmsi söyləyib. Qeyd edib ki, müstəqilliyimizin bərpasının 23-cü ildönümü münasibətilə muzeyin İsmayıllı şəhərindəki Heydər Əliyev Mərkəzi ilə birlikdə təşkil etdiyi sərgidə mərkəzin nəzdində fəaliyyət göstərən “Bacarıqlı əllər” rəsm dərnəyinin üzvlərinin 60-dan çox əl işi nümayiş olunur.
Fəridə Şəmsi, həmçinin, muzey haqqında məlumat verərək bildirib ki, bu incəsənət ocağı 1991-ci ildən fəaliyyət göstərir. Bu günlərdə muzeyin www.istiqlalmuzeyi.gov.az saytı istifadəyə verilib.
Tədbirdə İsmayıllı rayon Mədəniyyət və Turizm Şöbəsinin müdiri Azər Abbasov, İsmayıllı şəhərindəki Heydər Əliyev Mərkəzinin direktoru Şəkər Hacıyeva və digər çıxış edənlər Dövlət Müstəqilliyi Günü münasibətilə qonaqları təbrik ediblər.
Bildirilib ki, memarı və qurucusu Ulu öndər Heydər Əliyevin olduğu müasir müstəqil Azərbaycan Respublikası hər sahədə yeni uğurlar qazanır, onun bir parçası olan İsmayıllı rayonu da sürətlə inkişaf edir.

Paylaş:
Baxılıb: 851 dəfə

Xəbər lenti

Hamısına bax

İqtisadiyyat

YAP xəbərləri

Gündəm

Analitik

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30