Daşkəsəndə 2014-cü il böyük uğurlarla yadda qalır

Bakı:

13 °C

54 %

13 m/s

Əlaqə

AZ RU EN

Ana səhifə / Sosial / Daşkəsəndə 2014-cü il böyük uğurlarla yadda qalır

Daşkəsəndə 2014-cü il böyük uğurlarla yadda qalır

25.12.2014 [09:28]

2014-cü il Daşkəsən rayonunun tarixində böyük uğurlarla yadda qalacaq. Belə ki, rayon ərazisində heç vaxt cari ildə olduğu miqyasda tikinti, quruculuq, abadlıq və yenidənqurma işləri aparılmayıb. İstifadəyə verilən yeni obyektlər, abadlaşan küçələr və yollar rayon sakinləri tərəfindən razılıq və minnətdarlıqla qarşılanır. İndi Daşkəsən şəhəri yaradan insanların diqqət və qayğısı sayəsində ölkənin dilbər güşələrindən birinə çevrilib.
Memarlıq üslubunda tikilən rayon İcra Hakimiyyətinin inzibati binası, tamamilə yenidən qurularaq müasir görünüş alan, daşkəsənlilərin fəxri olan və əbədiyaşar liderin xatirəsinə olan ehtiramı nümayiş etdirən Heydər Əliyev Mərkəzi, yeni avtovağzal və Xoşbulaq kəndində inşa olunmuş Gənclərin Təlim və İstirahət Mərkəzi, Statistika İdarəsinin yeni inzibati binası, Zağalı-Kollu-Çıraqlı avtomobil yolunun əsaslı tikintisi 2014-cü ildə əldə olunan ən böyük nailiyyətlərdəndir. Daşkəsənin uzun illər probleminə çevrilən sosial yönümlü məsələlər də artıq öz həllini tapıb.
Dünən isə Daşkəsən şəhərində daha bir yaraşıqlı, müasir tələblərə cavab verən ticarət mərkəzinin açılışı olub. Bu ticarət mərkəzində 25 yeni iş yeri yaradılması ilə bərabər, eyni zamanda, rayon əhalisinə də yüksək səviyyədə mədəni xidmət göstəriləcək. Daşkəsən rayon İcra Hakimiyyətinin başçısı Əhəd Abıyev ticarət mərkəzinin açılışında iştirak edib, kollektivə uğurlar arzulayıb, burada rayon sakinlərinə yaradılan şəraitdən razılığını bildirərək qeyd edib ki, ticarət mərkəzində müasir iş şəraiti qurulub. İşçilər naharla və geyimlə təmin olunublar.
Ə.Abıyev deyib ki, ölkəmizdə hər zaman sahibkarlığın inkişafına diqqət və qayğı göstərilir. Prezident İlham Əliyevin sahibkarlığın inkişafı ilə bağlı xüsusi sərəncamları var. İndi ölkə iqtisadiyyatının 85 faizdən çoxu sahibkarlığın payına düşür: “Bu gün rayonumuzda yeni ticarət mərkəzinin istifadəyə verilməsi nəticəsində yeni iş yerləri açılmış, işsizliyin qismən də olsa aradan qaldırılmasına şərait yaranmışdır. Məlumat üçün bildirim ki, belə xidmət sahələrinin və işsizliyin aradan qaldırılmasına kömək olan digər açılışların davamı olacaqdır. Daşkəsən yaxın illərdə ölkənin ən inkişaf etmiş rayonları sırasında özünə yer alacaqdır”.
Sonra ticarət mərkəzinə baxış keçirilib, mərkəz sakinlərin istifadəsinə verilib.
Daha sonra Dünya Azərbaycanlılarının Həmrəyliyi Günü və Yeni il bayramı münasibətilə “Yeni həyat” sarayında ümumrayon bayram tədbiri keçirilib.

Paylaş:

Baxılıb: 852 dəfə