Heydər Əliyev
yeni azerbaycan logo

Ana səhifə / Sosial / Qubadlı ictimaiyyəti Novruz bayramı münasibətilə tədbir keçirib

Qubadlı ictimaiyyəti Novruz bayramı münasibətilə tədbir keçirib

19.03.2015 [10:18]

Sumqayıt şəhərində məskunlaşmış Qubadlı rayonundan olan məcburi köçkünlər Novruz bayramı münasibətilə təntənəli tədbir keçirib. Qubadlıdan olan məcburi köçkünlərin kompakt məskunlaşdığı ərazilərdə, o cümlədən, Sumqayıt şəhərindəki 42-ci məhəllədə 10 saylı peşə liseyinin həyətində keçirilən bayram şənliyində rayon İcra Hakimiyyətinin və Qubadlı ictimaiyyətinin nümayəndələri iştirak ediblər. Öncə yandırılmış tonqal ətrafında məcburi köçkünlərlə görüşən rayon İcra Hakimiyyətinin başçısı Malik İsaqov onları bayram münasibətilə təbrik edib. Tədbirdə milli adət-ənənələrimizə hörmət, milli bayramlarımızın yüksək səviyyədə qeyd edilməsi xüsusi olaraq vurğulanıb. Qeyd olunub ki, Novruz ümumxalq bayramı kimi uzun əsrlərdən bəri yurdumuzun hər bir guşəsində müxtəlif el şənlikləri və mərasimlərlə qarşılanır. Bildirilib ki, Tanrıya, kainatın nizamına və ana təbiətə sonsuz sevginin parlaq ifadəsi olan bu bayramın qədim ənənələrinin bütün rəngarəngliyi ilə qorunub saxlanılması Azərbaycan xalqının öz tarixi-mədəni keçmişinə yüksək ehtiramının və milli-mənəvi dəyərlərə dərin bağlılığının nümayişidir. Bu bayramda kimsəsizlərə, ehtiyacı olanlara, ahıl insanlara baş çəkmək, onlara bayram sovqatı vermək savab hesab edilir.
Daha sonra rayon İcra Hakimiyyətinin başçısı Malik İsaqov Qubadlı camaatının hər zaman əsası Ümummilli lider Heydər Əliyev tərəfindən qoyulan və bu gün Prezident İlham Əliyev tərəfindən uğurla davam və inkişaf etdirilən dövlət siyasətini dəstəklədiyini diqqətə çatdırıb. Tədbirdə Prezident İlham Əliyevin apardığı siyasət nəticəsində torpaqlarımızın işğaldan azad ediləcəyinə və bayram tonqallarının gələcək illərdə işğaldan azad edilən yurdlarımızda yandırılacağına inam ifadə edilib.
Ənənəvi olaraq bu bayram ərəfəsində məcburi köçkünlərdən olan 780 aztəminatlı, imkansız ailələrə, o cümlədən, şəhid ailələrinə Qubadlı rayon İcra Hakimiyyəti tərəfindən bayram sovqatları paylanıb.
“Bərgüşad” ansamblının, rayon incəsənət xadimlərinin ifalarında konsert proqramı, Novruzun simvolu olan Kosa və Keçəlin əyləncəli hərəkətləri tədbirə xüsusi bəzək qatıb. Bayram tonqalı ətrafında xalq rəqsləri ifa edilib. Daha sonra bayram şənliyi çay sürfəsi ətrafında davam etdirilib.
PƏRVİZ

Paylaş:
Baxılıb: 774 dəfə

Xəbər lenti

Hamısına bax

İqtisadiyyat

YAP xəbərləri

YAP xəbərləri

YAP xəbərləri

YAP xəbərləri

YAP xəbərləri

YAP xəbərləri

İqtisadiyyat

YAP xəbərləri

Gündəm

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30