Səbail rayonu 20-ci yaşayış sahəsində növbəti iftar süfrəsi təşkil olunub

Bakı:

28 °C

58 %

17 m/s

Əlaqə

AZ RU EN

Ana səhifə / Sosial / Səbail rayonu 20-ci yaşayış sahəsində növbəti iftar süfrəsi təşkil olunub

Səbail rayonu 20-ci yaşayış sahəsində növbəti iftar süfrəsi təşkil olunub

10.07.2015 [10:00]

Səbail rayonunun müxtəlif yaşayış sahələrində müqəddəs Ramazan ayında iftar süfrələrinin təşkili ənənəvi hal alıb. Ay ərzində rayonun qəsəbələri və yaşayış sahələrində iftar süfrələri təşkil olunub.
Səbail rayon İcra Hakimiyyəti və Yeni Azərbaycan Partiyası (YAP) Səbail rayon təşkilatının birgə təşəbbüsü ilə növbəti iftar süfrəsi təşkil edilib. Bu tədbir rayonun 20-ci yaşayış sahəsindəki “Bakı gecələri” şadlıq sarayında rayon rəhbərliyi və ictimaiyyətinin, YAP Səbail rayon təşkilatının idarə heyəti üzvlərinin və fəallarının, bələdiyyələrin, rayonda fəaliyyət göstərən dini icmaların nümayəndələrinin, Bayıl-20-ci yaşayış sahəsində yaşayan müharibə veteranları, şəhid ailələri, ərazidə məskunlaşmış məcburi köçkünlərin - ümumilikdə 400 nəfərin iştirakı ilə keçirilib.
İftar mərasimi rayonda fəaliyyət göstərən dini icmaların rəhbərləri tərəfindən “Qurani-Kərim”dən ayələrin və Ramazan duasının oxunması ilə başlayıb. İçərişəhər “Cümə” məscidinin dini icmasının sədri, axund hacı Surxay Məmmədli, “Bibiheybət Ziyarətgah məscidi” dini icmasının sədri, qazi hacı Rahib Babayev və İçərişəhər “Həzrət Məhəmməd məscidi” dini icmasının sədri hacı Xanmirzə Bağırov müqəddəs kitabımız olan “Qurani-Kərim”in bizə nazil olduğu bu ayın fəzilətindən danışıb, süfrə açılmasında əməyi olan hər bir şəxsə öz minnətdarlıqlarını çatdırıblar.
Mərasimdə çıxış edən Səbail rayon İcra Hakimiyyətinin başçısı, YAP Siyasi Şurasının üzvü Asif Əsgərov mübarək Ramazan ayı münasibəti ilə iftar mərasimində iştirak edənləri salamlayaraq qeyd edib ki, Ramazan həmrəylik, dostluq, qardaşlıq, sevgi, mərhəmət və ruzi ayıdır. Buna görə də, Azərbaycanda və eləcə də, Səbail rayonunda açılan bu iftar süfrələri ölkəmizdə ənənəvi tolerantlığı nümayiş etdirir. Asif Əsgərov ölkəmizdə sabitlik, inkişaf, birlik, vicdan azadlığı və tolerantlığın hökm sürməsinin Ulu öndər Heydər Əliyevin təməlini qoyduğu müdrik siyasət nəticəsində mümkün olduğunu və bu siyasəti Azərbaycan Respublikasının Prezidenti İlham Əliyevin də uğurla davam etdirdiyini vurğulayıb, ölkə başçısının apardığı siyasət nəticəsində Azərbaycanda tolerantlıq ənənələrinin daha da möhkəmlənməsindən, bir çox məscid və dini ibadət yerlərinin əsaslı təmir olunmasından və yenilərinin, o cümlədən, Səbail rayonunda “Bibiheybət” məscidinin, həmçinin, Qafqazda ən böyük məscid olan “Heydər” məscidinin tikintisindən danışıb.
Tədbirdə Ramazan ayının sonuna kimi iftar süfrələrinin Səbail rayonunun müxtəlif yerlərində, o cümlədən, gündəlik olaraq İçərişəhər “Cümə” və “Bibiheybət” məscidlərində də keçiriləcəyi bildirilib.
Milli Məclisin Elm və təhsil komitəsinin sədri, YAP Səbail rayon təşkilatının sədri Şəmsəddin Hacıyev də iftar süfrəsində iştirak edib.

Paylaş:

Baxılıb: 883 dəfə