“Elmə yatırılan sərmayə inkişafa yatırılan sərmayədir” adlı layihə çərçivəsində tədbir keçirilib

Bakı:

13 °C

76 %

4 m/s

Əlaqə

AZ RU EN

Ana səhifə / Sosial / “Elmə yatırılan sərmayə inkişafa yatırılan sərmayədir” adlı layihə çərçivəsində tədbir keçirilib

“Elmə yatırılan sərmayə inkişafa yatırılan sərmayədir” adlı layihə çərçivəsində tədbir keçirilib

15.07.2015 [10:08]

Azərbaycan Respublikasının Prezidenti yanında Gənclər Fondunun maliyyə dəstəyi ilə “Elmə yatırılan sərmayə inkişafa yatırılan sərmayədir” adlı layihənin təqdimatı keçirilib. Tədbirdə “Yeni Azərbaycan” qəzetinin baş redaktoru, siyasi elmlər üzrə elmlər doktoru Hikmət Babaoğlu, “SƏS” Media Qrupunun rəhbəri, fəlsəfə üzrə fəlsəfə doktoru Bəhruz Quliyev və fəal gənclər iştirak ediblər.
Layihənin rəhbəri Polad İbrahimov layihənin məqsədi haqqında məlumat verərək bildirib ki, əsas hədəf gənclərin elmə marağının artırılması, onların elmi fəaliyyətinin təşviq edilməsi, elmin inkişafı, həmçinin, gənc alimlərin daha səmərəli fəaliyyətinin təmin edilməsi istiqamətində dövlət tərəfindən görülən işlərin təbliğ edilməsidir: “Layihə çərçivəsində “Azərbaycanlı gənc alimlərin elmi fəaliyyətinin təbliği”, “Azərbaycan elminin gələcək inkişafı gənc alimlərin fəaliyyətindən asılıdır”, “Qüdrət elmdədir başqa cür heç kəs, heç kəsə üstünlük eyləyə bilməz” mövzularında təlimlər keçirir, ölkənin tanınmış elm xadimlərini bu görüşlərə cəlb edirik”.
Çıxış edən “Yeni Azərbaycan” qəzetinin baş redaktoru Hikmət Babaoğlu bildirib ki, hər bir cəmiyyəti irəli aparacaq vasitə yalnız elmdir: “Elm olmasa heç bir sahə inkişaf edə bilməz. Bu mənada cənab Prezident İlham Əliyevin Azərbaycan elminə, elmin inkişafına qayğısı yüksək dəyərləndirilməlidir. Dövlət başçısının son illər ərzində imzaladığı sərəncamlar elmin inkişafının daim dövlətimizin diqqət mərkəzində olduğunu bir daha təsdiqləyir. Ümumiyyətlə, bu istiqamətdə son illər bir sıra vacib addımlar atılıb. Elmin İnkişaf Fondunun yaradılması, xüsusilə, gənclərin elmə cəlb olunması, AMEA-nın institutlarının maddi-texniki bazasının möhkəmləndirilməsi, akademiyadan vaxtilə bu və digər səbəblərə görə alınmış binaların geri qaytarılması, akademiya əməkdaşlarının əməkhaqlarının artırılması, Akademiya şəhərciyində akademik kitabxananın tikintisi ilə bağlı Sərəncamın verilməsi, ali məktəblərdə tədrisin səviyyəsinin artırılması yönündə ciddi islahatlar görülən işlərin daha effektiv nəticələr verməsini şərtləndirir”.
Daha sonra çıxış edən “SƏS” Media Qrupunun rəhbəri, fəlsəfə üzrə fəlsəfə doktoru Bəhruz Quliyev qeyd edib ki, gənclərin həyata keçirdiyi bu cür layihələr birbaşa elmin inkişafına xidmət edir: “Dövlətin əsas prioritet istiqamətlərindən biri də məhz neft sektorundan gələn gəlirlərin, insan kapitalına yönəldilməsidir. Dövlətçilik şüurunun yüksəldilməsi baxımından Azərbaycan özünün intellektli gənclərinə, alimlərinə qiymət verir. 1980-ci illərin sonları, 1990-cı illərin əvvəllərində insanlar elmdən uzaqlaşmışdı. Gənclər ümumiyyətlə elmdən kənarlaşmışdı. O illərdə cəmiyyətin elmi inkişafından söhbət gedə bilməzdi. Amma bütün bunlara baxmayaraq o dövrün yenidən araşdırılmasına ehtiyac var. Çünki çatışmamazlıqlarla yanaşı, həmin dövrün müsbət tərəfləri də olub. Təkcə alimlərimizin sayına baxsaq fikrimcə kifayət edər. Onu da deyim ki, Ulu öndər Heydər Əliyevin Azərbaycanda hakimiyyətə gəlişindən sonra sanki bütün sahələrdə bir canlanma, inkişaf getdi. Vətəndaş cəmiyyəti formalaşdı, gənclərin rolu genişləndirildi”.
Sonda gənclər layihə haqqında öz fikirlərini bölüşüblər.

Paylaş:

Baxılıb: 799 dəfə