“Gənc jurnalistlərin ictimai-siyasi mövzular üzrə ixtisaslaşması” layihəsi davam edir

Bakı:

14 °C

72 %

7 m/s

Əlaqə

AZ RU EN

Ana səhifə / Sosial / “Gənc jurnalistlərin ictimai-siyasi mövzular üzrə ixtisaslaşması” layihəsi davam edir

“Gənc jurnalistlərin ictimai-siyasi mövzular üzrə ixtisaslaşması” layihəsi davam edir

02.10.2015 [10:25]

Dünən Gənc Politoloqlar Mərkəzinin Azərbaycan Respublikasının Prezidenti yanında Gənclər Fondunun maliyyə dəstəyi ilə reallaşdırdığı “Gənc jurnalistlərin ictimai-siyasi mövzular üzrə ixtisaslaşması” layihəsi çərçivəsində növbəti seminar-treninq keçirilib. Seminarda ekspertlər və KİV nümayəndələri iştirak ediblər.
Öncə çıxış edən layihə rəhbəri Elşən Orucov “Gənc jurnalistlərin ictimai-siyasi mövzular üzrə ixtisaslaşması” layihəsi çərçivəsində keçirilən treninqin əsas məqsədinin hüquqi-demokratik cəmiyyətin fəal iştirakçısı olan gənclərin siyasi, hüquqi biliklərinin artırılmasına və təkmilləşdirilməsinə dəstək olmaqdan ibarət olduğunu bildirib. O həmçinin layihənin əsas vəzifəsinin məhz gənclərin ideya-siyasi və mənəvi tərbiyəsində mühüm rol oynayan peşəkar jurnalistlərin yetişməsinə kömək etməkdən ibarət olduğunu da söyləyib. Elşən Orucov deyib ki, layihədən faydalananlar ali məktəbi bitirmiş və media sahəsində çalışan, ictimai-siyasi mövzularda reportajlar hazırlayan gənc jurnalistlər olacaqlar.
Bundan başqa, tədbir iştirakçılarına layihə çərçivəsində görüləcək işlər barədə də ətraflı məlumat verilib. Bildirilib ki, 100-dən artıq KİV nümayəndəsinin qatılacağı layihə ümumilikdə üç ay ərzində reallaşdırılacaq. Layihə çərçivəsində gənc jurnalistlər üçün jurnalistika, politologiya və hüquq sahəsində tanınmış alimlərin və ekspertlərin iştirakı və rəhbərliyi ilə müxtəlif mövzularda seminar-treninqlər keçiriləcək. Layihənin bağlanış mərasimi isə İsmayıllı rayonunda baş tutacaq.
Sonra gənc jurnalistlər ictimai-siyasi mövzular ətrafında, o cümlədən, BMT-nin 70-ci sessiyası ilə bağlı geniş fikir mübadiləsi aparıblar. Seminar-treninq çərçivəsində, eyni zamanda, “Azərbaycan jurnalistikası və dünya təcrübəsi” mövzusu ətrafında da fikir mübadiləsi aparılıb, həm ekspertlərin, həm də layihə iştirakçılarının rəy və mövqeləri dinlənilib.
Öz növbəsində, layihə iştirakçıları qarşısında çıxış edən Prezident Administrasiyasının İctimai-siyasi məsələlər şöbəsinin sektor müdiri Qafar Əliyev ictimai-siyasi mövzular üzrə aktuallıq kəsb edən bu cür treninqlərin keçirilməsinin gənc jurnalistlərin təkmilləşməsinə mühüm töhfə olduğunu söyləyib. Qafar Əliyev, eyni zamanda, ölkəmizin müstəqillik əldə etdikdən sonra qısa müddət ərzində bütün sahələrdə çox böyük uğurlar əldə etdiyini də vurğulayıb. Sektor müdiri ölkəmizin qarşısında duran daxili və xarici məsələlərin həlli üçün ideya-siyasi təbliğat işlərinin daha da artırılmasının vacib olduğunu bildirib. Bu baxımdan layihənin xüsusilə əhəmiyyətli olduğunu deyən Qafar Əliyev gənc jurnalistlərin bu layihə çərçivəsində daha da təkmilləşəcəyini, eyni zamanda, bunun onlar üçün faydalı ola biləcəyini də qeyd edib.
Vüsalə CAVANŞİR

Paylaş:

Baxılıb: 689 dəfə