Heydər Əliyev
yeni azerbaycan logo

Ana səhifə / Sosial / AZƏRBAYCAN RESPUBLİKASININ PREZİDENTİ, YENİ AZƏRBAYCAN PARTİYASININ SƏDRİ CƏNAB İLHAM ƏLİYEVƏ

AZƏRBAYCAN RESPUBLİKASININ PREZİDENTİ, YENİ AZƏRBAYCAN PARTİYASININ SƏDRİ CƏNAB İLHAM ƏLİYEVƏ

21.11.2015 [10:25]

Möhtərəm cənab Prezident,
Sizi rəhbəri olduğunuz hakim Yeni Azərbaycan Partiyasının (YAP) yaranmasının 23 illiyi münasibətilə ürəkdən təbrik edirik.
Əsası Ümummilli liderimiz Heydər Əliyev tərəfindən qoyulmuş Yeni Azərbaycan Partiyası ölkəmizin ictimai-siyasi mühitinə çox çətin bir vaxtda qədəm qoydu. Həmin dövrdə yenicə müstəqilliyini qazanmış Azərbaycan Respublikası çoxsaylı çətinliklər içərisində idi. Dövrün mürəkkəb şəraitini gözdən keçirərkən gənc dövlətin varlığını itirmək təhlükəsinin yaşandığını da xatırlamaq lazımdır. Məhz belə bir zaman kəsiyində Heydər Əliyev şəxsiyyətinin bənzərsiz idarəçilik qabiliyyəti, məharəti, əzmkarlığı və prinsipiallığı özünü YAP-ın timsalında yüksək təşkilatlanmış şəkildə göstərdi. Ulu öndər bu partiyanı formalaşdırmaqla təkcə bir siyasi qurumu ərsəyə gətirmədi, həm də Azərbaycan üçün tamamilə yeni mərhələnin başlandığını bəyan etdi. 23 illik bu mərhələ şərəf yolumuz, fəxarət mənbəyimiz, ölkəmizin daha böyük uğurlar qazanacağına əminlik yaradan misilsiz inkişaf, intibah və tərəqqi tariximizdir.
Yeni Azərbaycan Partiyası fəaliyyətdə olduğu müddətdə ideoloji məktəb rolunu oynamaqla yanaşı, yüksək siyasi mədəniyyət etalonuna da çevrilməyi bacardı. Qurumun ölkəmizdə partiyalararası münasibətlərin yeni forma və metodlarının hazırlanması sahəsindəki xidmətləri böyükdür. Bütün bunlar YAP-ın intellektual potensialından, novatorluq dəst-xəttindən qaynaqlanır.
Bu günün Yeni Azərbaycan Partiyası ümumxalq partiyasıdır. Azərbaycan xalqı fəaliyyətinin 23-cü ilində bu quruma etimadını bir daha göstərdi. YAP Azərbaycan Respublikasının Milli Məclisinə 1 noyabr 2015-ci il tarixində keçirilmiş seçkidə mütləq qələbə qazandı. Tam əminliklə bildiririk ki, hakim partiya rəhbərliyinizlə bundan sonra da böyük uğurlara imza atacaq. Azərbaycan jurnalistləri üçün bu uğurların müjdəçisi olmaq şərəf işidir.
Möhtərəm cənab Prezident, Sizi bir daha Yeni Azərbaycan Partiyasının yaranmasının 23 illiyi münasibətilə ürəkdən təbrik edir, müstəqil Azərbaycan Respublikasının daha da çiçəklənməsi yolundakı yorulmaz fəaliyyətinizdə yeni-yeni müvəffəqiyyətlər arzulayırıq.
Dərin hörmətlə,
Əflatun Amaşov,
Azərbaycan Mətbuat Şurasının sədri

Paylaş:
Baxılıb: 754 dəfə

Xəbər lenti

Hamısına bax

Ədəbiyyat

Analitik

Ədəbiyyat

Serial oxucusu

25 Aprel 08:50

Ədəbiyyat

Şənbə üçün nəzm

25 Aprel 08:38  

Arxiv
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30