Ətraf mühitin mühafizəsi üzrə dövlət fondunun sərf olunacağı istiqamətlər artırılıb

Bakı:

16 °C

94 %

3 m/s

Əlaqə

AZ RU EN

Ana səhifə / Sosial / Ətraf mühitin mühafizəsi üzrə dövlət fondunun sərf olunacağı istiqamətlər artırılıb

Ətraf mühitin mühafizəsi üzrə dövlət fondunun sərf olunacağı istiqamətlər artırılıb

11.01.2018 [10:04]

Azərbaycan Respublikası Nazirlər Kabineti tərəfindən “Ətraf mühitin mühafizəsi üzrə dövlət fondu haqqında Əsasnamə”yə dəyişikliklər edilməsi haqqında qərar qəbul olunub.
Nazirlər Kabinetindən AZƏRTAC-a verilən məlumata görə, qərara əsasən, ətraf mühitin mühafizəsi üzrə dövlət fondunun vəsaitləri elmi tədqiqat (o cümlədən, layihə-axtarış və təcrübi-metodiki) işlərinin aparılmasına, resursqənaətedici və ekoloji təmiz texnologiyalarının tətbiqinə, təbiətin mühafizəsi obyektlərinin tikintisinin, yenidən qurulmasının maliyyələşdirilməsinə, ətraf mühitin çirklənməsi nəticəsində dəymiş ziyanın və ekoloji tarazlığı pozulmuş təbii ekoloji sistemlərin bərpasına (o cümlədən, təbii obyektlərin və komplekslərin abadlaşdırılmasına, xüsusi mühafizə olunan təbiət ərazilərinin biotexniki planlarının layihələrinin hazırlanmasına və yerinə yetirilməsinə), çirklənmə və başqa mənfi təsirlər nəticəsində vətəndaşların sağlamlığına və ətraf mühitə vurulmuş zərərin bərpasına görə onlara müəyyən edilmiş kompensasiyanın verilməsinə, Azərbaycan Respublikasının ərazisində və Xəzər dənizinin milli sektorunda ətraf mühitin qorunması, təbiətdən istifadənin təşkili, təbii sərvətlərdən səmərəli istifadə edilməsi və onların bərpası, hidrometeoroloji proseslərin müşahidəsi və proqnozlaşdırılması, torpaqların münbitliyinin bərpası və artırılması ilə bağlı dövlət proqramlarının və layihələrin həyata keçirilməsinə, normativ-metodiki sənədlərin, normativ və texniki normativ hüquqi aktların işlənməsinə sərf olunacaq. Qərarda, həmçinin ekoloji maarifləndirmə və təhsil (o cümlədən əhalinin ekoloji bilik və tərbiyənin təbliğinə, habelə xarici ölkələrlə elmi-texniki əməkdaşlıq edilməsinə, konfrans və tədbirlərin keçirilməsinə), xüsusi mühafizə olunan təbiət ərazilərinin və obyektlərinin mühafizəsi, yaşıllıqların mühafizəsinə (o cümlədən, onların istifadəsinə, qorunmasına, bərpasına və genişləndirilməsinə) yönəldilmiş tədbirlərin maliyyələşdirilməsi, nadir və nəsli kəsilməkdə olan fauna və flora növlərinin mühafizəsi və bərpası, ətraf mühitin mühafizəsi sahəsində fəaliyyət göstərən dövlət orqanlarının maddi-texniki bazasının yaradılması və inkişafı (o cümlədən, texnoloji qurğuların, cihazların, avadanlıqların, nəqliyyat vasitələrinin, qeyri-maddi aktivlərin, mal materialların və ləvazimatların alınmasına, əsaslı və cari təmirinə), ətraf mühitin dövlət monitorinqinin təşkili və keçirilməsi, dövlət kadastrının aparılması, ətraf mühitin mühafizəsi sahəsində çalışan mütəxəssislərin həvəsləndirilməsi məqsədi ilə onların maddi stimullaşdırılması (o cümlədən, Azərbaycan Respublikası Ekologiya və Təbii Sərvətlər Nazirliyinin işçilərinin kollektiv və ya fərdi qaydada mükafatlandırılmasına, habelə müqavilə ilə işləyən mütəxəssis, ekspert və texniki işçilərə görə pul ödənişlərinə) kimi istiqamətlər də vəsaitin ayrılacağı tədbirlər sırasında yer alıb.

Paylaş:

Baxılıb: 577 dəfə