Heydər Əliyev
yeni azerbaycan logo

Ana səhifə / Sosial / “Aşıq Şəmşir” Mədəniyyət Ocağı xeyriyyə tədbirlərini davam etdirir

“Aşıq Şəmşir” Mədəniyyət Ocağı xeyriyyə tədbirlərini davam etdirir

25.04.2020 [15:18]

“Aşıq Şəmşir” Mədəniyyət Ocağı İctimai Birliyi koronavirus (COVID-19) xəstəliyinin Azərbaycanda geniş yayılmasının qarşısının alınması məqsədilə ölkə rəhbərliyi tərəfindən həyata keçirilən mübarizə tədbirlərinə öz dəstəyini davam etdirir.

AZƏRTAC xəbər verir ki, İctimai Birliyin sədri Qənbər Qurbanovun tapşırığı ilə Bakı şəhərində və ətraf rayonlarda sosial qayğıya ehtiyacı olan vətəndaşlara müvafiq yardımlar edilib və insanlara zəruri maarifləndirici məlumatlar çatdırılıb.

Bu məqsədlə keçirilən növbəti aksiya zamanı 60-dan çox sosial qayğıya ehtiyacı olan aztəminatlı, şəhid ailələri və Qarabağ müharibəsi veteranlarının ailələri ilə görüşlər keçirilib, onlara ərzaq yardımı göstərilib, eyni zamanda, tibbi maska paylanılıb.

Görüşlərdə iştirak edən sakinlər xüsusi vurğulayıblar ki, bu çətin və məsuliyyətli günlərdə dövlətin hərtərəfli qayğısı ilə əhatə olunublar və bütün bunlara görə ölkə rəhbərliyinə minnətdardırlar.

Bu taleyüklü günlərdə ölkə başçısı İlham Əliyevin “Biz birlikdə güclüyük!” çağırışını özünün kredosuna çevirən “Aşıq Şəmşir” Mədəniyyət Ocağı İctimai Birliyinin fəalları qeyd ediblər ki, İctimai Birlik tərəfindən bundan sonra da koronavirusla mübarizə tədbirləri çərçivəsində fəaliyyət davam etdiriləcək, sosial qayğıya ehtiyacı olan vətəndaşlara mütəmadi olaraq yardımlar ediləcək.

Paylaş:
Baxılıb: 417 dəfə

Xəbər lenti

Hamısına bax

Siyasət

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31