Heydər Əliyev
yeni azerbaycan logo

Ana səhifə / Xarici siyasət / Üçüncü Qlobal Müştərək Cəmiyyətlər Forumuna hazırlıqla bağlı məsələlər müzakirə olunub

Üçüncü Qlobal Müştərək Cəmiyyətlər Forumuna hazırlıqla bağlı məsələlər müzakirə olunub

03.10.2014 [09:39]

Nyu-Yorkda 4-cü Konkordia Sammitində təmsil olunan Nizami Gəncəvi Beynəlxalq Mərkəzinin baş katibi Rövşən Muradov tədbir çərçivəsində bir sıra görüşlər keçirib.
Diasporla İş Üzrə Dövlət Komitəsindən AzərTAc-a bildirilib ki, mərkəzin həmsədri, Latviyanın sabiq prezidenti Vayra Vike-Frayberqa, həmçinin təşkilatın üzvləri, Polşanın sabiq dövlət başçısı Aleksandr Kvasnevski və Gürcüstanın eks-prezidenti Mixail Saakaşvili ilə görüşlərdə Nizami Gəncəvi Beynəlxalq Mərkəzinin gələcək fəaliyyət planları, əsasən də 2015-ci ildə keçiriləcək üçüncü Qlobal Müştərək Cəmiyyətlər Forumuna hazırlıqla bağlı məsələlər müzakirə olunub.
Foruma hazırlıq prosesinə dair mərkəzin üzvü, BMT baş katibinin xüsusi müşaviri Nafis Sadik ilə görüşdə də geniş fikir mübadiləsi aparılıb.
Meksikanın eks-prezidenti Filipe Kalderon, Çilinin sabiq dövlət başçısı Sebastyan Pinyera, Kolumbiyanın keçmiş rəhbəri Alvaro Uribe ilə görüşdə isə Nizami Gəncəvi Beynəlxalq Mərkəzi ilə əməkdaşlıq təklifləri, qurumun gələcək layihələrində onların təcrübəsindən faydalanmaq imkanları müzakirə edilib. Sabiq dövlət başçıları mərkəzlə yaxından əməkdaşlıq təklifini müsbət qarşılayıb və işbirliyinə hazır olduqlarını bildiriblər.
Qeyd edək ki, sabiq prezident, baş nazir və tanınmış siyasi xadimlər bu günlərdə ABŞ-ın Nyu-York şəhərində keçirilən 4-cü Konkordia Sammitində bir araya gəliblər. Sammitin sonuncu günündə ABŞ-ın 43-cü prezidenti Corc Buş və xanımı Laura Buşun xüsusi mühazirəsi təşkil olunub.

Paylaş:
Baxılıb: 1268 dəfə

Xəbər lenti

Hamısına bax

Analitik

Xəbər lenti

YAP xəbərləri

MEDİA

Siyasət

Gündəm

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30