Tarixdə ilk dəfə...

Bakı:

11 °C

82 %

1 m/s

Əlaqə

AZ RU EN

Ana səhifə / Xarici siyasət / Tarixdə ilk dəfə...

Tarixdə ilk dəfə...

30.09.2023 [11:30]

Mərkəzi Avropa və Asiya bir masa arxasında

Günel ABBAS

Mərkəzi Asiya regionu yeni geosiyasi nizamlanmada mühüm əhəmiyyətə malik coğrafiyalardandır. Şərq-Qərb tranzitinin mərkəzində yer alan, hətta iqtisadi layihələrin əsas keçid stansiyalarından biri kimi xarakterizə olunan region bütün güclər üçün xüsusi anlam kəsb edir. Yeni dövrdə dünyanın aparıcı dövlətləri Mərkəzi Asiya ilə münasibətlərin inkişafında maraqlı olduğunu açıq şəkildə biruzə verirlər. Təbii ki, bu amil Azərbaycan və Türkiyə üçün də olduqca müsbət özünəməxsus perspektiv yaradır. TDT-də yaxın tərəfdaş qismində təmsil olunan bu dövlətlərin yaxın gələcəkdə iqtisadi əlaqələri daha da şaxələnə bilər. Çünki Qərbin regiona marağının artması yeni layihələri gündəmə gətirə bilər.

Belə ki, Almaniya Kansleri Olaf Şolts sentyabrın 29-da Berlində beş Mərkəzi Asiya ölkəsinin prezidentləri ilə görüş keçirib. Qazaxıstan, Qırğızıstan, Tacikistan, Türkmənistan və Özbəkistan liderləri ilk dəfədir Avropa İttifaqına üzv olan dövlətin başçısı ilə birgə danışıqlar aparıblar. Almaniya hökuməti daha əvvəl bildirmişdi ki, görüşdə xüsusilə ikitərəfli münasibətlər, iqtisadi əlaqələr və enerji sektorunda əməkdaşlıq müzakirə olunacaq.

Qeyd edək ki, bundan əvvəl də O.Şolts və Qazaxıstan Prezidenti Kasım-Jomart Tokayev arasında ikitərəfli danışıqlar olub. Danışıqlarda Qazaxıstan Prezidenti “Drujba” kəməri ilə neft nəqlinin həcmini artırmağa hazır olduğunu açıqlayıb. Bununla yanaşı Mərkəzi Asiya ölkələrinin liderləri may ayında Çin sədri Si Cinpinlə də görüşüblər.

Politoloq İlqar Vəlizadə “Yeni Azərbaycan”a açıqlamasında bildirib ki, bu görüş olduqca əhəmiyyətlidir: “Onu da qeyd etmək lazımdır ki, on gün əvvəl Amerika Birləşmiş Ştatlarında ABŞ-Mərkəzi Asiya formatında bir görüş keçirilib. Görünür, uğurlu olduğundan bu format çərçivəsində müxtəlif ölkələr analoji sammitlər təşkil edirlər. Yeri gəlmişkən, may ayında Çin Xalq Respublikasında keçirilən bu tipli sammiti də qeyd etmək lazımdır. Bu kimi görüşlər həm də ondan xəbər verir ki, Mərkəzi Asiya ölkələrinin qlobal və regional siyasətdə rolu artıb. Eyni zamanda bu regionla əməkdaşlıq edən və qonşuluqda olan ölkələrin əhəmiyyəti artıb. Bunu xüsusilə Qərb üçün vurğulamaq lazımdır. Belə ölkələr siyahısında Azərbaycan mühüm yer tutur. Azərbaycan Prezidentinin sentyabr ayında Mərkəzi Asiya ölkələrinin liderlərinin toplantısında iştirak etməsi də ölkəmizin bu region üçün böyük əhəmiyyət daşıdığını. Bu mənada, Azərbaycan-Mərkəzi Asiya əməkdaşlığı regionda gedən və proqnozlaşdırılan bütün peoseslər üçün müsbət təsirə malikdir. Almaniyada keçirilən görüş əsnasında qəbul olunmuş qərarlar çox güman ki, Azərbaycan üçün də müsbət təsirlərə malik olacaq”.

Paylaş:

Baxılıb: 727 dəfə