Azərbaycanın regional lider rolu yüksəlir

Bakı:

24 °C

35 %

3 m/s

Əlaqə

AZ RU EN

Ana səhifə / YAP xəbərləri / Azərbaycanın regional lider rolu yüksəlir

Azərbaycanın regional lider rolu yüksəlir

21.04.2025 [15:19]

Ağaverdi Əliverdiyev,

YAP Qusar rayon təşkilatıının mühasibi

Gürcüstan Prezidentinin ilk rəsmi xarici səfərini Azərbaycana etməsi diplomatik protokol baxımından xüsusi əhəmiyyət daşıyır. Diplomatiyada belə səfərlər həm siyasi jest, həm də gələcək əməkdaşlığın konturlarını cızan siqnallar kimi qəbul edilir. Gürcüstan liderinin ilk səfəri üçün məhz Azərbaycanı seçməsi Bakı ilə Tbilisi arasında strateji tərəfdaşlığın və yeni mərhələnin başlanğıcını ifadə edir.Gürcüstan Prezidentinin Azərbaycana səfəri də bir sıra strateji və siyasi önəmi olan nüansları ön plana çıxarır. İlk növbədə Tbilisinin regionda sabitlik və inkişafın aparıcı ünvanı kimi Bakıya inamı ikincisi, Azərbaycanla münasibətlərin strateji tərəfdaşlıq səviyyəsində təsdiqi və nəhayət Cənubi Qafqazda dəyişən güc balansı fonunda Azərbaycanın artan rolunun siyasi tanınması.Son vaxtlar bölgədə cərəyan edən hadisələrə toxunan Gürcüstan Prezidenti ölkəsinin sülhün və münaqişələrin dialoq yolu ilə həllinin tərəfdarı olduğunu bildirdi. Ayrıca onu da qeyd etdi ki, Cənubi Qafqaza regionun beynəlxalq miqyasda təsirini gücləndirmək üçün sülh lazımdır.Regionun tam potensialı Ermənistan və Azərbaycan arasında sülh sazişinin imzalanmasından sonra üzə çıxa bilər. Yenə də ölkəmin dialoq və diplomatiya tərəfdarı olduğunu təsdiqləyirəm.

Azərbaycan və Ermənistan arasında sülh sazişinin yaxın zamanda imzalanacağına ümid etdiyini bildirən Gürcüstan lideri ölkəsinin sülh prosesinə öz töhfəsini verməyə hazır olduğunu bəyan etdi.Təbii olaraq siyasi əlaqələr inkişaf edir, yüksəksəviyyəli təmaslar müntəzəm xarakter daşıyır, siyasi dialoq fəaldır. Yəni iki dost, qardaş ölkə, sözün əsl mənasında, bir-birinə çox bağlıdır və beynəlxalq təşkilarlarda da daim bir-birini dəstəkləyir. Mətbuat üçün açıqlamasında bu fikirləri önə çəkən Azərbaycan Prezidenti İlham Əliyev iki ölkəni birləşdirən bir çox sərmayə layihələrinin böyük coğrafiya üçün önəmli olduğunu bir daha qeyd etdi. Azərbaycan və Gürcüstanın birgə həyata keçirdiyi neft-qaz layihələri, neft-qaz kəmərləri, nəqliyyat-kommunikasiya layihələri, sözün əsl mənasında, böyük əhəmiyyət daşıyan layihələrdir.

İlham Əliyev daha sonra çıxışında xalqlarımızın əsrlər boyu sülh, mehribanlıq, qardaşlıq şəraitində yaşamasından, dövlətlərarası münasibətlərin yüksək səviyyədə olmasından söz açdı. Bu xüsusda dövlət başçımız qeyd etdi .Gürcüstan və Azərbaycan birgə bir çox önəmli layihələri icra edirlər və bu layihələr həm ölkələrimiz, xalqlarımız üçün, həm də daha böyük coğrafiya üçün böyük önəm daşıyır.

Birmənalı olaraq deyə bilərik ki, Gürcüstanın 6-cı Prezidentinin ilk səfəri Azərbaycanın regional lider rolunu bir daha təsdiqləmiş oldu.ürcüstanın bu platformada etibarlı tərəfdaş olduğunu zaman özü sübuta yetirib. Əldə edilən razılaşmalar onu göstərdi ki, Tbilisi ilə Bakı arasında əlaqələrin daha da inkişaf etdirilməsi üçün siyasi iradə tam formalaşıb və gələcək üçün də aydın yol xəritəsi mövcuddur.

Paylaş:

Baxılıb: 521 dəfə