Ağdamda 28 May- Müstəqillik gününə həsr olunmuş tədbir keçirilib

Bakı:

10°C

93%

2m/s

Əlaqə

AZ RU EN

Ana səhifə / YAP xəbərləri / Ağdamda 28 May- Müstəqillik gününə həsr olunmuş tədbir keçirilib

Ağdamda 28 May- Müstəqillik gününə həsr olunmuş tədbir keçirilib

27.05.2025 [16:38]

Ağdam Muğam Mərkəzində “Konstitusiya və Suverenlik İli” çərçivəsində 28 May - Müstəqillik gününə həsr olunmuş musiqili tədbir keçirilib. Ağdam Rayon İcra Hakimiyyətinin, Yeni Azərbaycan Partiyası Ağdam Rayon Təşkilatının və Qarabağ Regional Mədəniyyət İdarəsinin Ağdam nümayəndəliyinin birgə təşkilatçılığı ilə baş tutan tədbirdə Rayon İcra Hakimiyyətinin Başçısı Vaqif Həsənov, Yeni Azərbaycan Partiyası Ağdam rayon Təşkilatının sədri Mansur Quliyev, Qarabağ Regional Mədəniyyət İdarəsinin nümayəndəsi Səyyarə Məmmədova, YAP fəalları, idarə, müəssisə, təşkilatların rəhbərləri və rayon ictimaiyyətinin nümayəndələri iştirak etmişlər. Tədbir iştirakçıları əvvəlcə Ulu öndər Heydər Əliyevin mərkəzi meydanda ucaldılmış abidəsini ziyarət etmiş, abidə önünə gül dəstələri düzmüşlər. Ağdam Muğam Mərkəzində davam edən tədbirdə əvvəlcə Dövlət Himni səsləndirilmiş, Ulu Öndər Heydər Əliyevin və torpaqlarımızın azadlığı uğrunda şəhid olmuş Vətən övladlarının xatirəsi bir dəqiqəlik sükutla yad edilmişdir. Çıxış edən Rayon İcra Hakimiyyətinin başçısı Vaqif Həsənov 28 may 1918-ci ildə müsəlman Şərqində ilk dünyəvi demokratik dövlət olan Azərbaycan Xalq Cümhuriyyətinin yaranmasından, mürəkkəb ictimai-siyasi şəraitdə yaranaraq fəaliyyət göstərmiş Azərbaycan Xalq Cümhuriyyətinin demokratik dövlət quruculuğu, iqtisadiyyat, mədəniyyət, təhsil, hərbi quruculuq kimi sahələrdə həyata keçirdiyi işlərin Azərbaycan tarixinin parlaq səhifəsi olmasından, Ulu Öndərin təşəbbüsü ilə 1998-ci ildə Cümhuriyyətimizin 80 illik yubileyinin keçirilməsindən, Azərbaycan Xalq Cümhuriyyətinin şərəfinə “İstiqlal bəyannaməsi” abidəsinin ucaldılmasından, 2018-ci ildə Azərbaycan Respublikasının Prezidenti cənab İlham Əliyev tərəfindən "Azərbaycan Xalq Cümhuriyyətinin 100 illik yubileyi haqqında" sərəncam imzalanmasından və bu tarixi hadisə münasibətilə 2018-ci ilin "Azərbaycan Xalq Cümhuriyyəti İli" elan olunmasından, 2021-ci ilin 15 oktyabr tarixində “Müstəqillik günü haqqında” qəbul edilmiş qanunla mayın 28-nin Müstəqillik Günü, oktyabrın 18-nin isə Müstəqilliyin Bərpası Günü kimi təsbit olunmasından bəhs etmişdir. Çıxışdan sonra Qaradağlı kənd uşaq musiqi məktəbinin müəllim və şagirdlərinin ifasında müxtəlif musiqi nömrələri tədbir iştirakçılarına təqdim edilmişdir. Tədbirin sonunda Yeni Azərbaycan Partiyası sıralarına qoşulan bir qrup gəncə üzvlük vəsiqələri təqdim olunmuşdur.

Paylaş:

Baxılıb: 253 dəfə