YAP Xızı rayon təşkilatı prezident seçkiləri ilə əlaqədar təbliğat-təşviqat kampaniyasına başlayıb

Bakı:

19°C

72%

7m/s

AZ RU EN

Ana səhifə / YAP xəbərləri / YAP Xızı rayon təşkilatı prezident seçkiləri ilə əlaqədar təbliğat-təşviqat kampaniyasına başlayıb

YAP Xızı rayon təşkilatı prezident seçkiləri ilə əlaqədar təbliğat-təşviqat kampaniyasına başlayıb

17.09.2013 [10:10]

İlk tədbir Xızı rayonunun Məşədi Həsən kəndində keçirilib
Ölkənin bütün yerlərində olduğu kimi, Xızı rayonunda da prezident seçkilərinə ciddi hazırlıq görülür. Sentyabrın 16-dan etibarən YAP Xızı rayon təşkilatı təbliğat-təşviqat kampaniyasına start verib. Həmin gün rayonunun Məşədi Həsən kəndində geniş tədbir keçirilib. Tədbirdə təşviqat qrupunun üzvü, “Səs” qəzetinin baş redaktoru Bəhruz Quliyev, YAP Xızı rayon təşkilatının sədri Fərrux Haqverdiyev, YAP Xızı rayon təşkilatı Qadınlar Şurasının sədri Svetlana Rüstəmova, Məşədi Həsən kənd bələdiyyəsinın sədri, ərazi ilk partiya təşkilatının sədri Bəxtiyar Həsənov iştirak ediblər.
Tədbiri giriş sözü ilə açan YAP Xızı rayon təşkilatının sədri Fərrux Haqverdiyev öz çıxışında son 10 ildə cənab İlham Əliyev tərəfindən həyata keçirilən iqtisadi inkişaf siyasəti barədə geniş məlumat verib. O, vurğulayıb ki, cənab İlham Əliyevin rəhbərliyi altında həyata keçirilən siyasət nəticəsində ölkədə, xüsusilə regionlarda sosial-iqtisadi tərəqqiyə nail olunub, yeni-yeni istehsal müəssisələri açılıb. Dövlət başçısının işsizliyin aradan qaldırılması və əhalinin sosial müdafiəsi sahəsində gördüyü işlər xalq tərəfindən yüksək qiymətləndirilir. Xızı rayonunun ictimaiyyəti də cənab İlham Əliyevin həyata keçirdiyi uğurlu iqtisadi siyasəti dəstəkləyir və bu tərəqqinin davamlı olması üçün prezident seçkilərində həyata keçirilən tərəqqi və inkişaf siyasətinə səs verəcəklər.
“Səs” qəzetinin baş redaktoru Bəhruz Quliyev də Prezident İlham Əliyevin apardığı siyasətin yalnız rifaha istiqamətləndiyini deyib: “Kənd təsərrüfatına edilən yardımlar, ayrılan subsidiyalar, müxtəlif sahələrlə bağlı qəbul olunmuş Dövlət proqramları bir daha sübut edir ki, Prezident İlham Əliyevin hədəfi yalnız və yalnız inkişafdır. Prezident İlham Əliyev kəndliyə əkib-becərmək, təsərrüfatını inkişaf etdirmək üçün hər bir şəraitin yaradılmasına çalışır. Mən inanıram ki, Azərbaycan dövləti növbəti beşilliyə də İNAMLA və İLHAMLA GEDƏCƏK!”
YAP Xızı rayon təşkilatı Qadınlar Şurasının sədri Svetlana Rüstəmova və Məşədi Həsən kənd bələdiyyəsinın sədri, ərazi ilk partiya təşkilatının sədri Bəxtiyar Həsənov ölkə başçısı İlham Əliyevin ötən 10 il ərzində gördüyü işlər barədə söhbət açıblar.
Sonda hər bir xızılının inkişafa dəstək olacağı vurğulanıb.
Oktay

Paylaş:

Baxılıb: 1173 dəfə